رواية صدمة
بقلم رهف عصام
الجزء ٩#..
ف جامعه سماح...
كانو اسلام و بلسم قاعدين و فجأة اسلام لمح سماح
اسلام:-سمااااح
سماح اتلفتت و لقتهم جايين عليها..
سلمت عليهم و بقت بتتكلم:-اا مروة وين؟
اسلام:-معارف اعتقد محاضرتها بدت قبل نص ساعة
سماح:-واي الليلة وببب نسيت انا معاها!!
سماح جرت طوالي للمحاضرة...لقت الدكتور جوا و بشرح....اساسا هو من يومه عصبي ف عشان كد اكيد م حيدخلها لكن يلا تجرب..
دقت سماح الباب و الدكتور مطنشها و بشرح و طبعن الطلبة الجوة كلهم تركيزهم معاها...
الدكتور باخر عصبية:-يبت الساعة كم
سماح:-يا دكتور اعذرني م قدرت اجي بدري لانه..
قاطعها:-د م سؤالي...سؤالي كان الساعة كم؟
سماح:-٨ و نص
الدكتور:-و المحاضرة بتبدا كم؟
سماح:-٨
الدكتور:-يبقى مف لا اعذار لا ايشي م جيتي ف الوقت م بتحضريا يلا شغلتينا خليك برا...
جا و قفل الباب و هي مشت قعدت برا و بقت خايفة...طبعن اكيد م عشان المحاضرة المحاضرة خليا تروح ف ستين داهية..لكن شافت اياد قاعد جوا..استغربت متين جا و كيف جا و اصن ليه جا من غير م يكلمها...بقت خايفة شديد
انتهت المحاضرة و هي لسه قاعدة برا....لمن طلعو الطلبة جاتها مروة و سلمت عليا
مروة:-بقيتي كيف؟
سماح:-بالنسبة لشنو؟
مروة:-موت اخوك؟
سماح:-م كويسة خالص....لكن بحاول اتجاوز الموضوع عشان كد جيت الجامعه و م عايزة زول يسالني من الموضوع د تاني م عايزة افكر فيو زاتو
مروة:-اوكيي
سماح:-ارح نمشي ناكل انا جعانة
مروة:-تعزميني بسس
سماح:-سمح بس ارح
مروة:-طيب اسمعي دقيقة
سماح:-ايوة
مروة:-عايزة اجيك الليلة ف بيتك
سماح:-ليششش
مروة:-ساي بس م عندي موضوع والله...+مش بتعتبريني صحبتك
سماح:-اكيد...تعالي البيت بيتك اصلا بقى فاضي
مروة:-سمح بعد المغرب بكون قاعدة
سماح:-يلا ارح قلت ليك جعااانة
مروة:-طيب طيب استكيني قايمة
(يلا نوريكم مروة دي بتغير من سماح غيرة شديدة لانه هي من عيلة غنية و بيتهم سمح و هي زاتا البت سمحة..و ف نفس الوقت عاملة فيا صحبتا عشان قروشا م اكتر..و سماح م عارفة)
ف بيت رزاان....
قامت رزان و هي قرفانة و لسه م لقت ليا حل للامور الجايطة فوق راسها دي كلها...مشت برا و لقت مصعب متلبس و كانو طالع..
رزان:-ماشي تنضف من بدري ولا شنو
مصعب:-ماشي لصحبي يا متخلفة
رزان:-عشان تشكي ليو و تقول ليو انك م عايز تنضف
مصعب:-يبت طيري من قدامي ما فاضي ليك
رزان:-هخهههههخخخ اصلا طايرة م قاعدة ليك هنا عشان اشوف خلقتك ديي....
رجعت رزان غرفتا و م خلت لمصعب فرصة يتكلم زاتو...
اتلاقو مصعب و عوض ف كافيه
بعد م قعدو:-
عوض:-من متين ببدا الشغل؟
مصعب:-بعد ساعة من هسي
عوض:-ليه كد...و لحد كم بالله
مصعب:-لمن انتهي...+حتخليني اغسل عربية السجمانة الاسما سماح ديك و ...
عوض:-باختصار كل شغل البيت الا الطبيخ صح
مصعب:-بتضحك؟
عوض:-لا...بري...منو الضحك؟دا مالو البضحك د حاسي بشنو لالا م قعد اضحك
مصعب:-ظرافتك زايدة الايام دي
عوض:-م بيدي
مصعب:-اسمع هناا....انا خايف الناس ديل يطلعو زاتهم هم...
قاطعه عوض:-د م مسلسل هندي عشان يطلعو هم زاتهم استكين حبة
مصعب:-الفرق بين د و المسلسل الهندي انه داك مسلسل و د حقيقة
عوض:-يخ م حطلعو هم زاتهم يعني سبت الناس القاعدين ف السودان د كلو و جيت على ديل....يخ اسكت شكلك حتجيب لي الجلطة بكلامك الفارغ د
مصعب:-ات كلامك الفارغ والله و م مساعد...برضو لازم اخت احتمالات
عوض:-يخ بعدين بنشوف و بنقرر منو الصح و منو الغلط..يلا امشي يدوب بتلحق تصل بيتهم
مصعب:-طيب سلام...و حجيب معاي اثبات من بيتهم انه هم نفس العيلة و بتشوف
عوض:-اوعك تفتش بين حاجاتهم لانه لو قبضوك حيحصل فيك نفس الحصل ف مازن
مصعب:-هخخ ظريف انا بعمل حسابي
عوض:-طيب سلام
مصعب:-يلا
وصل مصعب لبيت سمية بعد ٥ دقايق من المواعيد
سمية:-الخمسة دقايق دي كنت وين؟
مصعب:-الزحمة
سمية:-المرة الجاية لو عملت كد حيزيد وقت شغلك يلا خش و ابدا بغرفة الضيوف و بعدين امشي على الصالة الداخلية و فوق بتلاقيك غرفة قديمة كد مفيا سراير بس خش نظفها و للوقت داك بتكون سماح جات و بتغسل عربيتها
مصعب:-امم
دخل مصعب و هو قرفان العيشة و بيتمنى لو م قتل مازن الوقت داك...اتصرف تصرف غبي...بدا شغلو بغرفة الضيوف يكنس و يمسح و يرتب...
لما انتهى منها و من الصالة الداخلية طلع فوق يشوف الغرفة القديمة دي وين و بالصدفة لقى ليو غرفة مفتوحة حبة كد(نفس الغرفة الكانو عايزين يومداك رزان و رغد يخشوها و منعتهم سماح)اتجه للغرفة و كان عايز يفتحها لكن جاتو سمية من بعيد
سمية:-هسي برايك دي غرفة قديمة م فيا سراير؟
مصعب:-مقفولة كيف اعرف
سمية:-م تكتر كلام انا زاتو قلت ليك من فوق على يمينك م على شمالك يلا امشي بهناك...
مصعب ف سره(يربي ف شنو جوا م عايزاني اشوفو)
مشى كمل نظافة...
وصلت سماح البيت بعربيتها Tosan
دخلت و طوالي لقت قدامها مصعب ...اتذكرت مازن طوالي لكن م اظهرت ليو :-ان شاء الله غرفتي نظيفة
مصعب:-م بنضف غرف بنات
سماح:-انت عارف روحك بتتكلم مع منو؟اصلا م ليك حق ترد علي...طير نظفها هسي
مصعب:-يبت احترمي نفسك احسليك و الا
سماح:-و الا شنو؟!
سمية ب ورا:-بتي جيتي
سماح:-امي الخادم د مالو؟
سمية:-مالو؟
سماح:-لئامتو زايدة ...قلت ليو ينضف لي غرفتي و ابى
سمية:-امشي نضفها هسي...انا قايلاك م عايزة زول يخش غرفتك عشان كد م قلت ليو لكن خلاص...
اشرت ليو سمية على اتجاه الغرفة و بقى ماشي
سماح بعد اتذكرت انه فيها ورق مهم:-اسمع خلاص م تنظفها بنظفها انا لانو عندي فيها ورق مهم
مصعب:-اججي؟؟
سماح باستفزاز:-تجيك الكشة قلت ليك خلاص
سمية:-مالك هايجة يبتي في شنو
سماح:-اساسا جاية احكي ليك....
اتلفتت لمصعب:-عربيتي قاعدة برا قدام الباب طوالي و وسخانه شديد غسلها لانه صحبتي جاية بعدين م ينفع تشوف العربية دي وسخانه كدا
مصعب:-اممم
طلع مصعب برا و خلاص المرة دي عايز ينتحر هو زاتو...
قعدو سماح و سمية و بقو بتكلمو...
سمية:-اها ي سماح في شنو؟
سماح:-في بلوة...ابوي د م اتصل لا الليلة لا امبارح؟
سمية:-لا ليه؟
سماح:-لانه اياد جا الجامعه الليلة
يتبع#..
تتوقعو مصعب قاصد شنو بإنو دي العيلة نفسها ولا لا؟؟ و اياد د حيكون مين و ليه سماح بتكرهو؟و هل هو ناوي على خير؟تابعو الاجزاء الجاية..
