رواية _ألم
الحلقة 22
في يوم .....
نرجس بالتلفون : الو سماح تعالي لي البيت سرعه
سماح بخلعه :بسم الله في شنو؟
_ بس تعالي إنتِ برضو كلمت صفا حتجي ، ما تتأخري سلام
وقفلت منها
_ دي مجنونه ولا شنو ؟
لبست سماح وطلعت من البيت ركبت عربيتها الهداها ليها خالها يوم قدرت تمشي ومشت لنرجس
أول من فتحت الباب نرجس حضنتا بفرح .
_في شنو يا نرجس ؟
_ لا لمن تجي صفا، أقعدي إنتظريها
_ ما ممكن حتقتليني كدا من التشويق
_ هندي صفا بتضرب يمكن وصلت ، الو
_ نرجس معليش بس أديني نص ساعه بس وأنا بكون عندك .
_ مش قلتي لي جايه في السكه
صفا باستعجال
_ لمن أصل يلا مع السلامه .
_ جايه قالت ؟
_ ما عارفه قالت بتجي بعد نص ساعه .. ..عندا موضوع شكلها كدا ما عارفاه شنو .
_واااي يا نرجس لحدي ما تجي أكون ولعت من التشويق
_ ما قردي ولا تحمري لي .
_ كدي ماشه أجيب نوتيلا أروق شويه .
وهي ماشه شافت حبوبه نرجس .
_ حبوبه إزيك ؟
حبوبه نرجس وهي خاته يدا في اضانها وهي تحاول تسمع
_ شنووو ! الزبادي في التلاجه
_ حبوبه لا ، زبادي شنو
وقالت. بصوت عالي (كيفك إنتِ)
_ آه تمام تمام ، عايزه أعرف عبد الصبور دا لهسي ما رجع من شغلو لشنو إتأخر
_ حبوبه ...جد عبد الصبور اتوفى من 10سنه
بعد نص ساعه جات صفا ووشها مقلوب ألان وشكلها كانت بتحاول تستوعب الحصل ، اول من اتكلمت نرجس
_ يا بت مالك ؟
سماح وهي بتاكل في النوتيلا
_ في شنو ؟
نرجس خطفت النوتيلا من سماح
_ بتموتي كدا دي التانيه
سماح رجعت خطفتها
_إنتِ مالك ، وإنتِ يا صفا في شنو ؟
_ لاقاني أيمن
سماح ونرجس : أيمن؟
سألت نرجس
_مش كان إختفى من وفاة عبد العزيز الجابو شنو؟
_ الليله جاني في الشغل وقال لي عايز إتكلم معاك ، عشان كدا إتصلت بيك وقت ليك حإتأخر .
سماح : احكي خلاص .
بدت تتذكر الحصل وهي تحكي
_ أيمن إنت بتعمل شنو هنا؟
_ البركه فيكم ، جيت عشان عايزك في موضوع مهم
- البركه في أمه محمد ، إتفضل
_ ما بكذب عليك يا صفا من جيتي البيت شفتك ،قلت جايه عشان القروش زي أي مره يعرسا الراجل الرباني ، وما بغشك كرهتك للحظتها .
بس لمن وقعتي ناداني ، حكى لي إنك لمن جيتي ما عارفه حتعرسي راجل كبير والكلام دا
كان بيتكلم ندمان علي العملو كأنك زحيتي من عين الغشاوه الكانت في عينو
ندم علي العملو ،ومنو في نفس اللحظه كتب وصيتو .
لمن سافر للعلاج أمني علي البيت وعليك أكتر لانو عارف نساوينوا حيمكروا عليك لانهم ما هينين
منو كل يوم بقيت أحبك أكتر
_ شنو ؟
_ أيوا حبيتك ،ما كنت داير أحبك بس رقما عني بقيت أجي كل إسبوع عشان أشوفك
وكنت بقصد أعاملك كدا عشان تقوي وتقدري تتعاملي مع نساوينو وكمان عشان أريح ضميري من إني حبيتك وطعنت ضهر الرباني وحبيتك رغم عني ..
حاولت إني أبعدك عن راسي وتفكيري بس والله كان بيزيد كل يوم اكتر
وأنا لمن ما قدرت أحمي نفسي من انو أقول ليك أا دايراك ، فكرت وضربت في البرنامج مني لكم وصدقيني من غير ما أحس قلت الشعر داك .
_ أنا لسا ما مستوعبه ، ما عارفه أقول شنو
_ إنتِ عارفه يا صفا ، أنا إتناسيت ألي والمواقف الحصلت لي لمن شفت معاناتك وحاولت أقويك وأبين ليك ما كل الناس طيبه ولا كل الناس تبقى طيبه معاهم واسف علي كل السببتو ليك من زعل ، حتسامحيني
_ أنا مفروض أشكرك مش أسامحك ، بعد ضغط وألحاح من أستاذ إسلام عرفت إنك كنت البتساعدني وانت العرفتو علي عشان يساعدني وحكيت ليه قصتي .. .شكرا ليك يا أيمن
_ هسي ممكن ننسى الماضي ونبدا صفحه جديده فيها أنا و إنتِ
بعدو قال بعد سكات
_ توافقي بي راجلك وسندك طول عمرك ؟ لاني بصراحه كدا ما حأقدر اقعد من دونك ولا لحظه..
_ بس الناس تقول شنو و....
_ لو قعدنا نباري الناس يا صفا عمرنا ما حنعيش سعداء
_ نحنا جزء من الناس ديل والبيقولوه عننا حيأذينا ويجرحنا ...
_ أنا ما دام برضي ربي ما يهمني حاجه تاني .
سماح ونرجس كانو فاتحين خشمم قرب يصل الارض
فاتكلمت نرجس بصدمة
_ يعني فارس الاحلام الضرب في البرنامج كان أيمن ، وطول الوقت داك كان بحبك ، أصلو ما بصدق .
سماح : إنتِ دايراه ولا لا؟
صفا :...
سماح : هييبيي السكوت علامه الرضى معناها دايراه
نرجس: يا بت ولشنو ما وريتينا؟
صفا : والله انا زاتي ما كنت فاهمه نفسي ، ما تضغطو علي ياخ ما بقدر أوصف ليكم شعوري .
سماح : أها وإنتِ يا نرجس شنو دا الخبر الطلع عيني من قبيل ما دايره تقوليه .
نرجس ابتسمت وقالت ..
أنت تقرأ
روايه ألم
Romance🎖️#2في مساعدة الحياه ألام ومصاعب لكن الآلم تهون بمن يقفون خلفك ويسندوك،، للمزيد من الروايات زور صفحتي للروايات علي الفيس بوك لتواكب كل جديد #روايات_هبه_الله_حسن
