روايه ألم

الحلقة١٢

#رواية_ألم
الحلقة 12

 
  

الشرطي بعد التحيه العسكريه  : تمام يا  فندم ..
عندنا مشكله مع السجينه رقم 1270

مدير القسم : مشكله؟! ياتو نوع من المشاكل ؟

_السجينه هربت .

مدير القسم بانفعال

_  نعم ؟! كيف الكلام دا ؟

_  الحصل إنو ...

قاطعو المدير

_  ما وقت التبرير هسي ، عايزين نقبض عليها قبل ما تبعد  ، إتحرك سرعة وأجمع دورية  وفتشوا كل المناطق المحيطة  بالسجن ، م بتكون بعدت كتير ، يلا  إتحرك

_  تمام يا فندم ...علي إذنك

بعد مده من التفتيش رجع الشرطي لمدير القسم يبلغو بالحصب

_ قبضنا علي السجينه ،وهي هسي في الحجز 

_  أيوا تمام ، بس الحصل دا إهمال منكم وعارف إنو الغلط دا لو إتكرر بيحصل شنو ، أنا أفضل ما يتكرر تاني .

_ إن شاء الله ما يتكرر ...

_ عايز ملف عن السجينه دي ، عايز أعرف معلومات عنها ..

_  خمسه دقايق ويكون عندك علي أذنك ...

...................................

في بيت وداد

سماح مع الجلسات العلاجيه ومحاولات لتمرين عضله اليد أثناء الجلسة  عمر ضرب الباب مستأذن عشان يدخل .

وداد :  إتفضل ..

عمر :  نهاركم سعيد ، أها الاخبار شنو ؟

_  الحال من إسبوعين في حالو ، ما في جديد وما في تطور بخصوص الحركه .

_ أنا  شايف إنو في تحسن لكن ، ما نستعجل بس ونصبر

ضحكت وداد  وقالت

_ كنت بقول أنا الكلام دا بس  مستعجلة أشوفها بتتحرك

ابتسام ولدا علي كلاما

_ كلو بوقتو يا أمي ، إنتِ بس وصلي ، وإنتِ يا سماح شدي حيلك كدا معانا ..

وداد وهي مشغوله بتدليك يد سماح لتحفيز الدوره الدمويه فيها   اتكلمت مع عمر تسألو

_كنت عايز حاجه ؟

_ لا بس شفت الجو مغيم وظريف ، ممكن أطلعها الليله أبدر من كل يوم تشم هوا

_  دا وقت الجلسة  يا عمر وما بنقدر نفوتها

_ طيب ممكن أحضر الجلسه دي .

_ سماح إنتِ موافقه المزعج دا يقعد ولا لا ؟
سماح بابتسام هزت راسها بايوا ، ففرت وداد تهدد

_ طيب أقعد  ويا ريت ما تكتر كلام .

قعد ووداد بدت ترفع يد سماح  مره فوق ومره تحت وسماح بتتألم من الحركه فشجعتا وداد