روايه ألم

حلقه خاصه

#حلقه_خاصه
     

#في_ضيافه_أبطال_روايه_ألـــم ....

نرجس  وهي  تقطع السلطه في وشا الكشره ....😩

سماح :(😒وبعدين معاك يا نرجس ، فكي الكشره دي شويه ..... ما ممكن من جيتي ماده بوزك مترين ونص ....😒)

وقفت  البتعلو بتعاين ليها بطرف عينا 😒 شالت الكمشه الكانت جنبها ووجهتا تجاه سماح وقالت بسونا الاترصو في بعض 😠

(😡سماح ، والله ما ناقصه أنا ، علي أساس إنتِ  البتضحكي ومبتسمه ، أسكتي خليني بس ...😤)

خطفت سماح الكمشه منها ومشت تجاه الحله تحرك الاكل الفي النار

سماح بكشره :(😤يا زوله راحتك ، وأنا مالي قال ، اوووف )

نرجس :(اي احسن ، ،،😒 )

قبلت نرجس علي شمالها لقت صفا سرحانه بعيد مره تظهر الكشره فيها ومره تظهر الحزن 😩😣

نرجس:( 😒وإنتِ يا أستاذه صفا يا الاميره 😒، انحنا شغالين بجاي وإنتِ سرحانه😤 ، اسرحي بس ما وقت الشغل وبعدين الاسمها هبه دي اتأخرت ليييه 😤😤 )

عاينت ليها صفا بطرف عينا 😒، نفخت الهوا من خشمها دلاله علي الضيق وقالت

( وأنا بلعب بلي 😤، ما شغاله اها😡 ....وتسأليني منها انا اتصلو ليها  😑)

قالت سماح
(😒اي واضح واضح يا صفا شغاله يا صفا ....والاسمها هبه الله دي كدي تجي أنا بتصرف معاها😡😤  )

جيت داخله المطبخ  ،وقلت
(سلااااام ، انا جيت😃😃)

قالت سماح بكشره 😑

(ما بدري يا استاذه هبه الله ، جيتك بالثانيه 😤)

عاينت لي نرجس وشالت فواكه من الطربيزه ومسكتا لي وقالت

نرجس:(😠من غير كلام أبدي اعملي العصير )

اما صفا قالت

( 😤😒 اقعدي ادلعي يا هبه وخلينا نشتغل أنحنا برانا ، كويس بس ليك يوم )

عاينت ليهم باستغراب اي واحده زهجانه ومكشره وشها ...😮😮
قعدت في كرسي وختيت صحن الفواكه وقلت

( الظاهر في ناس زعلانه ، يا ربي من شنو😟)

كلهم في وقت واحد نفخو بضيق ...😩

اتحركت طفيت البتجاز وشلت السلطه من جنب نرجس وجريت صفا من يدها ....🌚🌚

سماح :(😑😐إنتِ بتعملي شنو ؟)

نرجس : ( 😑هبه ما وقتك خالص خلينا نخلص )

قلت ليهم : 😤ولا كلمه خالص ، اي واحده فيكم تجر رجلها وتجي بوراي ....سرعه قلت ..🙅

جو بوراي👭👣 وقعدو في الصالون ...

قلت ليهم : (😑ممكن اعرف مالكم  ، ضاربين بوزكم كدا  ).