رواية ألم
الحلقة 24 والأخيرة
عمر كان بيتكلم مع إسلام بخصوص العرس، جاه تلفون
عمر بابتسام : سماح
المتصل : الو
عمر باستغراب :منو معاي ؟
المتصل :صاحب الرقم دا عمل حادث ،والبقاء لله .
عمر حس قلبو وقف ،والدم الفي عروقو وقف من الحركه
عمر بغضب : إنت بتقول شنو ؟ كذااب
إسلام :عمر في شنو مالك منفعل كدا ؟
وشال منو التلفون ورد
إسلام : الو
المتصل : ممكن تجوا تتأكدوا من الجثه وتتعرفوا عليها .
إسلام :جثه شنو؟
المتصل : صاحب الجوال دا إتوفى ، لقينه الجوال في العربيه جنب الجثه وهسي ودوها المشرحه
إسلام عاين للرقم لقاه رقم سماح .
إسلام ما قدر يشيل حيلو وقعد في الواطه.
عمر مشى لإسلام وقال ليه لا ما صح كذب الكلام دا ، سماح ما ماتت ،وعشان تتأكد يلا نشوف برانا .
بعد مشو للمشرحه إسلام رفع القطى .
ورجع قعد في وهو بيبكي .
عمر وعيونو محمره ويرجف
_ م م م م ما هي صح؟ ، أنا متأكد ما هي
هز إسلام وهو بيسأل فيه وإسلام بيبكي بحرقه
_ هي يا عمر ، هي سماح ،بتي سماح ماتت .ماتت
عمر الدنيا دارت حولو وحاول يكذب إسلام وبجسم متثاقل رفع الغطى ..لحظتها بس عرف إنو سماح ماتت وإنهار في محلو
ما قدر يستحمل الوضع وطلع برا .
جات عربيه وقفت ،طلعت مره باين عليها كانت بتبكي وآثار دموعها وتأثرها لسا موجود
قالت ليه :عمر مش كدا ؟
عمر قام ماشي بتثاقل كأنو بيقول ليها ما عايز زول في الدنيا دي يتكلم معاي
وقفتو وقالت ليه أركب معاي الموضوع بخوص سماح .
عمر جرى عليها بعدم تصديق وبلهفه
وقال ليها بتمتمه كيف بخصوصا ؟اتكلمي؟
قالت ليه لمن نصل المكان الدايرين نصلو بتعرف أي شئ.
ركب العربيه معاها لحدي ما وصلو بيت .
دخلتو البيت ، أول من دخل ما كان مصدق عينو .
هو في حلم ولا قعد يشوف أوهام بسبب الصدمه معقوله دي سماح .
سماح وقفت لمن شافتو ..كانت منهاره بكل معنى الكلمه من البكى، حتى كانت بتترنح لمن وقفت
أنت تقرأ
روايه ألم
Romance🎖️#2في مساعدة الحياه ألام ومصاعب لكن الآلم تهون بمن يقفون خلفك ويسندوك،، للمزيد من الروايات زور صفحتي للروايات علي الفيس بوك لتواكب كل جديد #روايات_هبه_الله_حسن
