الحلقه ١٥

405 7 0
                                    

رواية_ألم

الحلقة15

في سجن الغربيه

مدير القسم بتأفف

_ وبعدين مع الشكاوي دي...دي منو البتصرخ دي؟

الشرطي  رد ليه

_أعتقد دي السجينه الحاولت الهرب

_ وبعدين مع المره دي ، أصلا من جات المشاكل ملاحقانا

_ حنعمل شنو ؟كل الطرق ما فلحت لتسكيتها ...

_ البيجي لزيارتها منو؟ 

_ حاليا ما زارها أي زول ...

_ طيب محتاج أصل لزوجها ، عايز رقمو عشان يجيني هنا

_تمام يا فندم

....................

في مكتب إسلام بالضهر  رن تلفونو فرد

_الو السلام عليكم

مدير القسم :وعليكم السلام إسلام شعيب؟

_ أيوا هو ، إتفضل ...

_ أنا مدير سجن قسم الغربيه ..

أول من سمع إنو دا السجن المحبوسه فيه إنصاف  غضب وكشر
بسبب  تذكرو ليها  بالتالي عرف  انو الموضوع بخصوصها

قال بغضب مكبوت

_خير !

_ يا ريت تشرفنا في القسم الليله  وللضروره تجي

إتنهد وقال
_خلاص طيب مسافه السكه واصل إن شاء الله.

_طيب ..شكرا علي وقتك

اسلام طلع من الشركه وإتوجه للسجن ...

إستقبلو مديرالقسم وقعد

_آسفين علي إزعاجك ، بس في مشكله

إسلام مقاطع بكشره

_إنصاف مش كدا ؟

_فعلا ، أولا من جات كانت سجينه سيئه   ، بعد مده حاولت الهرب بس قدرنا نرجعها .

خليناها في زنزانه منفرده بس برضو أزعجت الناس بصراخها وكورايكها باسمك   المستمر ..

_اففف

_ تصرفاتها ما طبيعيه أبدا ، وإقترحنا تتحول لمستشفى للامراض العقليه

_ طيب ممكن أشوفها هسي يمكن بقدر احل مشكله الصراخ دي

_ يا ريت ، دي ما بتأذينا برانا بتأذي روحها بالصراخ دا لدرجه صوتها راح .

مدير القسم نادى الشرطي عشان يوصلو يشوف إنصاف  من شافت إسلام إتكلمت ببحة
_ إسلام ، إنت جيت عشاني ؟عشان تطلعني مش كدا؟ 

هو  غاضب  منها وكل كلمه بتقولها كان بيتذكر بيها سماح، فضل يعاين ليها مكشر ، بينما هي فضلت تشكي

روايه ألم حيث تعيش القصص. اكتشف الآن