رواية ألم
الحلقة 21
صفا بصوت خايف
_ يا جماعه ألحقوا أبوش
سماح ونرجس في وقت واحد بخوف
_ أبوش مالو ؟
صفا وهي بتاخد نفسها ودموعها بدت تنزل
_أنا خليتو بيلعب قعدت في المقعد جنب اللعبه ، شويه كدا عاينت ما لقيتو ، ناديتو وفتشت بس ما لقيتو
عمر : أهدي يا صفا ، أبوش دا ما ينخاف عليه ، هسي تلقيه فرحان بيلعب وإنتِ خايفه عليه كدا
عماد وعاين كدا : هههه هنداك الخايفه عليه لمن شايل حلاوتو
صفا جرت نفس وقال : الحمد لله
سماح : شوف خليت صفا تخاف عليك كيف تاني لمن عايز تمشي حته ورينا تمام.
أبوش مطى شفايفو بزعل ومشا مسح لصفا دموعها
_معليش ، هاك الحلاوه دي جبتها ليك
صفا باستو
_ ولا يهمك يا عسل ...
إنتهت النزهة اليوم داك ورجعو للبيت في طريقهم وصلو صفا لبيتها ...
...............
دخلت صفا البيت والحاجات البتدل علي إنو أيمن موجود ما فيشه
إستحمت وصلت ورقدت في السرير تعاين في السقف ...
صفا وهي بتقول في نفسها
_يا ربي أيمن بيكون مشا وين ..؟
...دا كلام شنو يا صفا وإنتِ مالك بيه ، دايما يعاملك بتعجرف
بس كمان ساعدك في مشكله ضراتك وكمان في حياتو مأساه أنا مفروض ما أحكم عليه بالظاهر .
فترت من التفكير وقامت قعدت في نص السرير
- أنا حاسأل الخاله عنو وخلاص
مشت ضربت غرفه الشغاله الساكنه معاها
_يا خاله نمتي ولا لسا؟
الخاله فتحت الباب
_ اه يا بتي صفا، إنتظرت جيتك من قبيل
_ خير؟
-الباش مهندس أيمن جاني هنا قبل ما يسافر وقال لي أقول ليك إنتِ المسؤوله في غيابو عن كل شئ
_ هو سافر وين ولشنو؟
_ عبد العزيز حالتو كعبه ...ومشا يقعد معاه اليومين ديل
_طيب مابتعرفي عبد العزيز حالتو كيف ماشه؟
_والله يا بتي ما بعرف
_طيب اسفه علي ازعاجك تصبحي علي خير
_ لا ولا يهمك ...لو عايزه أي شئ أنا موجوده ، وإنتِ من أهل الخير
أنت تقرأ
روايه ألم
Romance🎖️#2في مساعدة الحياه ألام ومصاعب لكن الآلم تهون بمن يقفون خلفك ويسندوك،، للمزيد من الروايات زور صفحتي للروايات علي الفيس بوك لتواكب كل جديد #روايات_هبه_الله_حسن
