رواية_ ألم
الحلقة 17
عماد باستغراب
-يعني ما استغربت لمن سمعت اني بحب نرجس !!
_ هههه ما أنا عارف أصلا ،ويمكن كمان أمي عارفه بكدا
_ شنو؟
عمر بضحك
_ بهظر ياخ ،أنا شبه عارف بالكلام دا وهسي إتأكدت.
_ عمر ، قول كيف يعني عرفت مشاعري دي في قلبي وما ظهرتها لزول
عمر بجديه
_ بالله ! إنت عشان ما بتشوف نفسك زمان لمن بنتكلم فيديو معاها وهي في قطر بتكون كيف ؟ وابتسامتك للضرس الاخير
ولمن جات البيت من السفر ، حسيت بيك شويه كدا وتجري تحضنها
بالرغم من إني كنت بعيد منك الوقت داك بس كنت شايف عيونك بتبرق
ياخ أبوش بيلاحظ ليك بتسرح كتير ...
وما تفتكر موضوع الصوره غايب عني .
عماد بصدمه
_صوره نرجس؟ عرفت بيها كيف ؟ أنا بدسها دس
عمر بضحك
_ أنحنا قاعدين في بيت واحد ما في قارتين منفصلتين ، وبعدين قول دي من أساليبي الخاصه ، هسي أحكي لي الم بعرفو ....
عماد بزفره
_ نرجس لمحت صورتها وقبل ما تشوفها لحقت خطفتها ودسيتها ...
هي شكت وقالت لازم تعرف منو الفي الصوره ، وبعد زن كتير منها قلت ليها الفي الصوره حبيبتي .
طلبت مني وعد إني حأقول ليها اسم حبيبتي ووعدتها ...لو ما الوعد دا ما كان قلت ليها ابدا ...
بس من الوقت داك بتتجاهلني وما بتتكلم معاي من عرفت هي المقصوده بحبي ...
_ طيب اقيف وواجها وقول ليها لشنو بتتجاهليني ؟
_ وتفتكر اني ما عملت كدا بس برضو رفضت حتى تعاين لي ..
_ دي رده فعل طبيعيه منها أنا شايف ،لانها مصدومه بس ، أديها مده وحترجع إن شاء الله
عماد بانكسار
_ باختصار فقدتها يا عمر ، أنا من زمان كنت خايف أقول ليها عشان خايف من الكلام دا ،دسيت حبي ليها كل الفتره ديك وحمدت الله إنها صحبتي علي الاقل
_ كدي قول لي ، إنت قدرت تتحمل كيف إنها بتحب واحد تاني وكمان تحكي ليك عنو ..؟
_ لمن تحس إنو حبيبتك سعيده وفرحانه يهون الباقي
عمر بعدم مباله
_ شفت شغل الحب الم بيركب راسي دا ، سعادتي من سعادتو ...والكلام دا ..
يوجع القلب والراس وأنا ما فاضي لاي وجع عشان كدا ، أقول ليك ماشي بعد دا أنوم
أنت تقرأ
روايه ألم
Romance🎖️#2في مساعدة الحياه ألام ومصاعب لكن الآلم تهون بمن يقفون خلفك ويسندوك،، للمزيد من الروايات زور صفحتي للروايات علي الفيس بوك لتواكب كل جديد #روايات_هبه_الله_حسن
