روايه ألم

الحلقه١٣

رواية_ألم

الحلقة13

دخلت وداد للدكتور أول من جا دورها  ، أول من شافها ابتسم ومد يدو للسلام

وداد بابتسام :  السلام عليكم ، أهلا بيك يا دكتور بشير

دكتور بشير بابتسام  بشوشة رد السلام

_ وعليكم السلام والرحمه ، إزيك يا دكتورة  وداد ، إتفضلي

_ شكرا ليك ، الحمد لله بوجودك بخير

_  ما كان في داعي تقطعي أي تذكره ، كل المستشفى دي تحت أمرك في أي وقت تحبي .

_ لا يا دكتور ، ما ممكن أخلاقي ومبادئي ما بتسمح لي آخد مكان مريض ، وإنت ما شاء الله دكتور كبير والناس عندك كتار

_ الحمد لله  وبكلامك دا خلاني أثق في كلامي وبعيدو ، إنتِ دكتورة متميزه ومخلصة في شغلك ، الله يوفقك لقدام

_تسلم والله دي إشاره كبيرة منك  و فخر وإعتذر  بيها .

_أنا لي الشرف إنك من تلامذتي النابقين

_ ههه يااخ خجلتني عديل يا دكتور ، أنا  سمعت إنك داير تسافر وتخلي البلد ،جيت أودعك ، ولشنو عايز تخلي البلد وتحرمها من دكتور زيك ...؟

_ أنا أديت مهمتي علي أكمل وجه ، بعدو عايز إستقر مع عيالي وأحفادي ، خصوصا بعد دا كبرت .
عشان كمان نفسح المجال للموهبين والشباب والزيك كدا يا دكتوره
و تبدو إنتوا كمان تورونا أفكاركم في المجال دا

_فعلا من حقك ترتاح بعد كل الانجازات الكبيره العملتها .

دكتور بشير  وهو بيطلع النضاره من عينو  بابتسام

_لو زول تاني غيري  كان إفتكر إنك جايه تودعيني لسفري وبس ، لكن إنتِ جايه عشان حاجه مهمه وضروريه

سامعك إتفضلي قولي الشاغل بالك

وداد بابتسامه متوتره

_بطبعك ذكي يا دكتور ، دا البخليني إتوتر والله كل ما أحب أزورك  ، في الحقيقة  عندي حاله مرضيه بعالج فيها  ، حالتها متأزمه شديد ونفسياتها مهزوزة  لاقصى درجه
دا سبب ليها شلل عام وعدم القدره علي الكلام

بسبب حادث في الماضي وضغوطات نفسيه وجسديه في الحاضر ....

_ وحالتها بعد ما بديتي في علاجها كيف؟

_  الصحه الجسديه في تحسن ملحوظ ، أما النفسيه لسا في محاولات لعلاجها ،
بس المشكله ما هنا ،  الشلل وبحالتها دي المفروض يكون زال بعد العلاج الطبيعي والادويه أو  علي الأقل يكون في مبادئ أكبر لشفائها ، فما عارفه الحاصل شنو

وخوفي الأكبر إنها بعد تتعالج ترجع تنتكس

_  عارفه المشكله شنو؟  لو حليتيها حالتك دي بتتحسن إن شاء الله