رواية ألم
الحلقة 23
سماح : أها وإنتِ يا نرجس شنو دا الخبر الطلع عيني من قبيل ما دايره تقوليه .
نرجس ابتسمت وقالت ..
_أنا وافقت علي اني اعرسو .
تعجبت صفا تسأل
_ تعرسي منو ؟
_ عماد .
سماح بفرحه
_ عماد الواااحد دا ؟
_ يعني حبيتيه ..؟
_ بصراحه لا بس أنا عماد واثقه انو حيعيشني ملكه ، كنت بصراحه وهم حب عدنان عاميني وما خلاني أشوف حبو لي و تضحيتو عشان بس أكون سعيده
صحي للان معتبراه أخوي وصحبي بس أنا واثقة اني حأحبو وبيعيشني أحلى عيشه.
صفا : واي ، لكن ...
سماح : معناها حتعرسو مع بعض
يا سلام عرس صحباتي وأعز ناس علي قلبي في يوم واحد ، يا خ فرحت ليكم شديد .
وحضنتهم بفرحة .
مرت الايامات وجا يوم العرس ....
نرجس وهي تعاين نفسها في
المرايه
_يا سلام ، الله يخليك لي يا عماد ، أقسم الفستان فظيع
إتكلمت صفا بغبظ
_ يا بت كفاك ، تسحري نفسك كدا ، ساعه كامله واقفه تعايني روحك ..
_ أعمل شنو اذا عماد إختار لي أحلي فستان...
سماح جات داخله مستعجله تستعجلم
_عروسات ما ممكن معاكم العرسان في الانتظار يلا سرعه أنا جهزت بعد دا .
سماح شافت صفا ونرجس بيعاينو ليها ، عاينت تحت للبسها فسألت بتعجب بسبب نظراتهم
_في شنو ؟ لبسي فيه حاجه ولا شنو؟
نرجس بهظار
_ سماح هوي ما تمشي معانه بتطفي النور مننا
_ اي و تر ضي كدا وفي يوم عرسنا ....
_ أمشو يا معفنات والله ما تطلعو هسي أمشي أقول ليهم ما جا يين وأخليهم يمشو
ومشت خلتهم ..
صفا : هيي البت دي جاده ..؟؟
_ مجنونه وتعملها ، يلا نلحقلها
طلعو العروسات ، أيمن وعماد كانو باستقبالهم
نرجس جا عليها عماد مسك يدها وباسها وجبهتها نفس الشئ
_ الحمد لله ...بعد كل الصبر الصبرتو في حبك ...
ربنا أداني حبك الحلال ، قربك الما بتمنى يوم يزول
نرجس عاينت للارض بابتسامه خجل .
أيمن برضو إتوجه لعرستو صفا الكانت خجلانه وراسها وعيونها كانو متوجهين للارض
أنت تقرأ
روايه ألم
Romance🎖️#2في مساعدة الحياه ألام ومصاعب لكن الآلم تهون بمن يقفون خلفك ويسندوك،، للمزيد من الروايات زور صفحتي للروايات علي الفيس بوك لتواكب كل جديد #روايات_هبه_الله_حسن
