حبيبتي أنا

الفصل الثامن عشر

الفصل الثامن عشر والأخير
بين البحر والمساكن... فوق الرمال الصفراء الناعمة التي تدغدغ من يجلس فوقها...
حوريات حجابهن زينتهن...
جالسات تداعب مياه الشاطئ أرجلهن بنعومة...
يشاهدن أمرائهن يتبادلون قذف المياه مع ضحكاتهم المرحة..

شايفة الشباب دول

كلهم أحلى من بعض

ياختااااي على أبو تيشيرت أخضر... تقيل كده في نفسه

لأ لأ ركزوا إنتوا بس مع الواد أبو تيشيرت أحمر.. هو في كده ده جماله أجنبي

هههههههههه يالهوي ليكونوا أجانب

تبقى مصلحة

مصلحة مين إنتي بتعرفي تتكلمي إنجليزي

لأ لأ مش أجانب بصوا على إل لابس تيشيرت أصفر دي ملامحه كلها شرقية راجل

هههههههههه بس ال لابس تيشيرت موف ده مرح أوي تفتكري الصنف ده مصري

كانت هذه الجمل متبادلة بين أربعة فتيات واقفات أول الشاطئ يتابعون
محمود ذو التيشيرت الأخضر.. ومراد ذو التيشيرت الأحمر... ومعتز صاحب التيشيرت الأصفر.. أما صاحب التيشيرت الموف بالتأكيد رامي
كانت الفتيات يستمعن إليهن بغيظ
رشا :
والله لأسود عيشتك يا مراد بدل الأحمر إل إنت لابسه علشان تغيظني ده
مرام:
بت إحترامي نفسك ده أخويا... بس تصدقي عندك حق إحنا مكنش لازم نسيبهم ينزلوا الماية
جومانا :
عاوزة أقوم أضرب البت أم شعر كانيش دي
رشا :
ياعنى دي بس ال عاوزة تنضرب،، أنا لو سيبتوني على البت إل فاكرة نفسها مارلين مونرو دي هقطعها وأرميه لسمك البحر
مرام :
تفكيركم شيطاني أوي
رشا :
عاوزة تفهميني إنك مش عاوزة تضربي البت ال بتاكل آيس كريم دي،،، دي عنيها منزلتش من على معتز
مرام :
أنا... أنا بس عاوزة أعرفها غلطها
جومانا بضحك:
ههههه طيوبة خالص،،، منه إنتي ساكتة ليه
منه :
مبحبش الكلام.... بحب الفعل
رشا وهي تصفق:
هههههه قشطا.... أنا معاكي
وااااااااااو
كان صوت الفتيات معا
نظرت الفتيات إلى ما ينظرن إليه..
ليجدن... رامي يمسك بيديه الآيس كاب الخاص بمراد وبسبب نزعه تحرر شعر مراد لينسدل على وجهه تداعبه الرياح
رشا بغيظ:
والله ما هسيبهم
وإندفعت إلى الفتيات تنقض على الفتاة ذو الشعر الكيرلي القصير التي تتابع مراد
وزاد غيظها وحنكها عندما إستمعت إليها وهي تقول
مش همشي منها غير لما أتعرف عليه
رشا من خلفها بسخرية :
متخافيش يا حبيبتي مش هتمشي هيشتالوكي على نقالة
وقبل أن تفهم ما يحدث إنقضت عليها تجذبها من شعرها والأخرى تصرخ وصديقاتها يحاولون إبعادها ولكن لا يستطعن
مرام :
خلاص يابت يخربيت عقلك
منه :
ياختااااي دول خارجين من الماية
محمود:
هو في إيه؟
مراد:
بتعمل ايه؟
جومانا :
بتعلمها الأدب
معتز بصدمة :
دي بتقتلها
مرام:
وإنت زعلان ليه إن شاء الله
فتاه لمعتز:
ممكن حضرتك تساعدنا
مرام:
نعم ياختي
أخرى لمحمود:
دي إنسانة همجية هي وصاحباتها جم يضربونا
منه بتهديد:
يالا يا شاطرة إلعبي بعيد
مراد وهو يجذب رشا من ذراعها:
بس بس كفاية
الفتاه الأخرى ببكاء تستطعف مراد وهي تتمسك به:
شيلها عني،، أنا أصلاً معملتلهاش حاجة
رشا بحدة:
طب شيلي إنتي إيدك بدل ما أقطعهالك
فتاه أخري:
وإنتي مالك إنتي
جومانا :
إسكتي إنتي يا حلوة بدل ما تحصليها
رامي:
شرشة... بس هتفهومنا في إيه ولا هنفضل كده كتير
منه وهي تنظر لمحمود :
أصلهم بنات محترمات عمالين يتكلموا عنكم ومركزين معاكم وإنتوا عمالين تقهقهوا وفرحانين بنفسكم أوي في المايه
محمود وهو يبتلع ما في جوفه بتوجس من رد فعلها:
وإحنا مالنا
جومانا:
بقولك ايه يا حودة نصيحة مني بلاش تستفزها
محمود بهمس:
إنتي شايفة كده
جومانا:
لو خايف على نفسك ايوة
مراد بإبتسامة خبث:
غيرانين ياعني
الفتاه:
وهما مالهم... بصراحة محدش يشوف شعرك ده إلا ما ينسحر ومش شعرك بس...
رشا بتوعد:
ماشي وأنا هحلقوله إن شاء الله
مراد بخضة :
تحلقي إيه... إستهدي بالله
مرام :
بقولك إيه يا شاطره منك ليها... إمشوا وإنقذوا نفسكم
منه :
ويمشوا ليه خليهم... إحنا إل هنمشي
جومانا :
نمشي فين
منه:
تعالي بس
رحلت فتياتنا معا
معتز:
أنا مش مطمن
محمود:
هدوء منه ده إل إسمه هدوء ما قبل العاصفة
مراد:
طب مش إنت محامي متفكرلنا في حل... شعري هيضيع
معتز بغيظ:
ما يضيع يا خويا ماهو السبب
مراد وهو يلكم رامي:
كله منه
رامي :
وأنا مالي يا جدع الله
مراد:
مش إنت إل بينت شعري
معتز:
بااااس خلونا دلوقتي في الأهم....هنعمل ايه في التجمع ده
محمود :
ولا هنعمل ولا نسوي.... إحنا هستني قدرنا،،، دول قوات خارقة يا ابن أخويا
رامي :
إنتوا قلقانين زيادة يا جماعة بوكيه ورد هيخلص الموضوع
مراد:
لو بوكيه الورد نفع معاكم مش هينفع معايا،،، دي موتت البت ضرب
معتز:
هههههههههه هتوحشنا يا ميرو
محمود:
على أساس إن مرام هتسيبك
معتز :
مرام حامل فهتحسب كل خطوة قبل ما تعملها
رامي:
هههههههههه بتحلم دا انت اكتر حد يخاف.،،،،هرومانتها هتبقى عالية
معتز بتفكير:
تصدق عندك حق
في الداخل
جومانا :
ممكن أفهم دخلتينا ليه
رشا بغيظ:
وبيدافع عنها
مرام :
مش عنها،،، بس انتي غلطتي
رشا:
شوفوا بتقولي غلطت....
جومانا :
ها يامنه
منه :
شوفوا هما غلطوا لأنهم زنوا... الزنة بتبقى بالعين كمان فكان لازم نفضل نتمالك أعصابنا علشان منغلطش زيهم بس إل حصل حصل
رشا:
منون بلاش المثالية دي فاكرة لما مسكتي البت نورا عضتيها علشان قالت إن....
سكتت عندما لاحظت نظراتهم
مرام:
رشا إنتي الذاكرة رجعتلك
رشا بتوتر:
اه.. اصل
منه بحدة:
أصل إيه هي المواضيع دي فيها هزار،، كنتي بتستغفلينا؟
رشا :
والله ما حصل انا كنت ناسية فعلا بس بعد إل حصل من حنان وأخوها إفتكرت بس مش كل حاجة وبدأت أفتكر كل حاجه بالتدريج
مرام:
خلاص يا منه المهم إنها رجعتلنا تاني
جومانا :
والله أنا قولت الإنقضاضة إل حصلت بره دي مش رشا الكيوت إل فاقدة الذاكرة هههههههه
منه :
هههههههههه أول ما قولتي هتحلقي شعر مراد قولت حتى وهي فاقدة الذاكرة غيرانة منه
رشا بغيظ:
بذمتك ما أغيرش ده شعره أحلى من شعري
مرام :
هو الواد حليوة كله على بعضه يا ماما إنتي ناسية هو توأم مين
جومانا :
أيوة ياعم المتواضع
منه :
خلونا في المهم،، إحنا....................
في المساء
جلس كلا من محمود ومعتز ومراد ورامي فوق طاولة ينظران لبعضهم نظرات تساؤل وحيرة
رامي :
هما طولوا كده ليه؟
معتز:
مش عارف بس طول الساعات ال فاتت بفكر الإجتماع المغلق بتاعهم ده هيبقى نهايته ايه؟!!!
محمود:
والله دي حا.....
مساء الخير
نظروا بإتجاه الصوت ليجدوا فتيات الشاطئ مرة أخرى
فتاه:
ممكن نقعد معاكم
فتاه أخري:
أكيد هيسمحولنا أومال هيكسفونا
ثالث فتاه وهي تجلس بجوار مراد:
مداري شعرك ليه شكله حلو أوي