رواية #قلبي_وراء_الحدود
( خيال ممزوج بلواقع )
للكاتبة #ندى_التونسية
الرواية بلهجة الليبية
حلقة 7🔥
طارق:سيف سيف البنت هربت من شباك الحمام
سيف ناض مسك سلاحه وطلع من الشقة يجري :وين بتهربي يعني....الحق يا طارق اكيد بتكون هني قريبة هي بنت ومتعرفش المكان بسرعه امشي من غادي وانا من هني اجري يلا
طارق: ال_🚫🚫🚫 والله ماهي هاربة الليلة الزفت
ندى تجري بس مش قادرة رجلها توجع فيها بكل....تحري شوية وتلتفت وراها لين خشت لطريق ضيق فارغ ومظلم خشت في حوش شكله خرباته الحرب وما عاودوش هيؤوه..كان كل شي يوجع فيا بس مش حاسة غير بدقات قلبي لي بش تطلع...نفسي لي مش لاقياته...شعري لي عريان و لبسي لي طالعه بيه كل هاذا ماهمنيش فيه...اتكيت على الحيط والبيت الخرب ظلام..يارب يارب انقذني...رن الجهاز قلبي طار من مكانه..انا كنت ناسية اني نقدر نتصل منه من كثر ما انا خايفة معاش نقدر لا نفكر ولا شي نبكي بس ومرعش من بعضي...هما شن يبو مني يبو يقتلوني...علاش ياربي علاش...رفعت الحهاز ورديت :أحمد...أحمد....اجريلي يبو يقتلوني احمد بربي ايجاااا
احمد انصدم ملي سمعه ضرب فرينو و عيونه حمرررر ناااار وقلبه بيهرج من مكانه: شن...شنووو....منو انتي وين ويييين
ندى:منعرش...هما جوني..هزوني في كرهبة بعيد اجريلي يا احمد بش نموت بش يقتلوني وتمت تبكي بهستيريا واتعيط
احمد: انتي وين...اوصفيلي اي شي قريب منك اي شي
نظى تبكي وصوتها مش واضح وترعش: منعرش...منعرفش..اول مرة نجي هوني منعرفش ياربي
احمد ضرب الستيرسو بيده مرة وثنين وثلاثة:كلاب.. كلاااب...ميقدروش يديروها لالالا...ندى بالله عليك اتذكري اتذكري خوذي نفس البكا مينفعش توا...حاولي اعطيني اي اشارة
ندى سكتت وتشهق يدها على فمها و فجأة عيطت: ك....كافي...ايه ايه تعدينا على طريق فيه كافي مكتوب كافي #### بعده منعرش مبعدناش برشا ممكن ربع ساعه...احمد بربي متتأخرش...بنموت والله
احمد انتفض من بعضه: اه اه ايه ايه عرفتها انا مش بعيد...ندى ردي بالك تتحركي من مكانك...ندى يا ندى....
انقطع بيناتنا الاتصال كنت قاعدة في ركن في هاذاك البيت الهارب...كله ريحة خمر ودخان. شكله في من كان سهران هنا.نرعش من بعضي الدنيا صغارت في عيوني وجتني صورة ماما بديت نبكي ونشهد ونستسلم لان هما يعرفو لبلاصة اكثر مني اكيد شوية ويلقوني ويديرو فيا لي يحبو ويقتلوني...... حطيت راسي عالحيط و همست ياااااارب يارب يارب
سيف:وين بتهربي منا...نجيبوك نجيبوك
طارق :سيف تعال من هني تعال شوف...الاسوارة اهيا مش كانت لابستها هيا شفتها كويس
سيف ضحك بخبث واتنفس براحه:ايه ايه يعني هيا دخلت للطريق هاذا...بس وين بتكون ال_🚫🚫🚫🚫
طارق: مفيش الا هاذاك البيت الخارب...اخر امل عندنا وين هيا ذابت ولا شن ومستحيل تبعد مستحيل
--------
ام ندى فجأة ناضت مخلوعه من النوم وقتها الساعه ثلاثة الصبح:ندى...بنتي....لاااااااا
سمعتها مروة جتها تجري فتحت الضي ونطت جنبها: بسم الله الرحمان الرحيم...ماما...شبيك لاباس. ماما
امها: ندى...صارتلها حاجة بنتي وتمت تبكي وتنوح وتضرب في راسها وصدرها...ياناري بنتي خلاص خلاص
كأن احساس الام وقتها هوا الغالب..قلبها كان خبيرها
مروة حضنتها وتبكي: استعيذي من الشيطان يا ماما...لابلس لابلس مش بش يصيرلها شي بالله يا متعمليش في روحك هكا..بالله وتبكي
امها: اعوذ بالله من الشيطان الرجيم...ياربي بنيتي يارب في حفظك...يارب سخرلها من يخافك
مروة: يارب...هيا ارجعي ارقدي...انا بش نبقا جنبك.باستها من يدها وحاولت تنيمها
--------------
احمد يسوق بسرعه جنونية..جاته اشارة فالجهاز..فيها تحديد موقع جهاز ندى...عيط:وأخيرا و أخيراااا يارب
احمد:الوووو....الووووو...خززززي...الوووو.كان يبي يعطي تعليمات لاقرب جهة امنية عشان يلحقوها قبله بس للاسف الجهاز خرب واتصكر.
ركباته حالة هستيرية وتم يسوق وايعيط :لا لاااااا عليش هكي لاااااا يارب احفضها يارب منكونش اتأخرت دقيقة ونوصل يارب يارب
سيف و طارق دخلو للحوش الخربان ومصوبين سلاحهم قدام
ندى:كنت منزوية في زاوية من البيت...ظلام..وحاطة راسي على ركبيا و ايديا على راسي مش قادرة نستوعب لي صار ومش عارفة شنو يصير و اي لحظة هما يلقوني وينتهي كل شي ونموت ونتدفن في الغربة...سمعت صوت مشي رجلين نضت مخلوعه لصقت بالحيط مسكت انفاسي وكتمتهم...صوت الرجلين يقرب بشوية بشوية...حطيت يدي على فمي وعضيتها بالقوة حتى منطلعش صوت البكا...حسيت روحي ننهار..رجليا معاش رافعيني...عيوني بيتغمضو...بش نفقد الوعي..انفاسي ملقيتهاش...قلبي معاش نسمع فيه يدق...شعري مبلول عرق ولاصق على جبيني...يديا باردة..الموت دخلتلي بشوية بشوية قبل ما يلقوني ويقتلوني...غمضت عيوني همست اشهد ان لا الاه الا الله...يارب سامحني..وفتحتهم على عيطة قوية وضحكات : واخيراااا.. لقيناك يا _🚫🚫🚫🚫..وين بش تهربي منا توا
شاورت براسي لا لا و كنت لاصقة الحيط خلاص مش حنقدر نهرب
طارق قرب منها:تستبلهي فينا يا 🚫🚫
ندى تتوسله بعيونها مكانتش قادرة تنطق ولا كلمة
سيف: يلا اهربي عيطي ههه والله ماهو سامعك حد.قرب منها وجبدها ليه #يتبع
أنت تقرأ
قلبي وراء الحدود ( روايات ليبية )
Romanceمن اجمل الروايات الليبية للكاتبة :ندي احمد تدور الاحدات حول رجل ليبي متزوج من تونسية يكلف أشخاص لخطف بنت زوجته و يرميها في الصحراء الليبية بعد ان كشفت حقيقته و لكن المفاجاء عندما يراء ضابط ليبي هذه البنت التونسية ماذا سيحدت بينهم و هل يساعدها رغم...
