رواية #قلبي_وراء_الحدود
( خيال ممزوج بلواقع )
للكاتبة #ندى_التونسية
الرواية بلهجة الليبية
حلقة 6🔥
سمعت فرينو قدام الباب وعرفاته مش فرينو سيارة احمد فرحت و تمت تضرب فالباب: شكووون هووووني...بربي انقذوني...عاونوني تسمعو فيا
سيف نزل من السيارة هوا وطارق وقربو من الباب شبحو لبعضهم و ضحكو: هيا نديرو رواحنا نحنا لي بننقذوها..بأقل تعب وعياط
طبعة استغلو فرصة انها تعرفهم لما اتعشو مع باتها اي راجل امها لي مربيها...ولما خطفوها هيا ما شافتش وجوههم بكل
سيف: ندى تسمعي فيا نحنا صحاب حمادي بوك جينا بنروحو بيك
ندى طارت مالفرح وتمت تبكي :ايه ايه نسمع فيك بربي عاونوني نخرج من هوني نحب انروح
طارق :وخري لتالي توا نضرب الباب نفتحه
ندى وخرت بعيد عالباب طارق فوي هلبا ضربه برجله وفتحه...طلعت ندى و تعدل في وشاحها و تسكر في عبايتهاا
شافتلهم وشهقت:انتم...انتم لي جيتونا لتونس مش هكا
شبحو لبعض وضحكو :ايه وجينا بنردوك لاهلك يلا اطلعي فالسيارة
الوقت كان مغرب...طلعت فالسيارة وهيا مطمانة وفرحانة انها واخيرا طلعت من سجن لي اتسمي فيه هيا مجرم ومش دارية شن لي يستنا فيها
طلعت فالسيارة وطلع سيف وطارق من قدام...سيف يشبحلها فالمراية...عيونه مليانة شر بس هيا ما قامتش راسها...ساكتة بس وتتخيل في لقاءها مع عيلتها بعد شهور غياب.
طال الطريق والدنيا ظلام...
ندى: ت...توا وين ماشين..بصوت خايف
طارق التفتلها : لمكان حلو يا حلوة وضحك
سيف همس لطارق: حلوة الفرخه الزح...شرايك نمشو لهاذاك المكان قبل
طارق:ايه والله جتنا ليدينا وببلاش هاهاها
ضحك بقوة لين ندى حست انهم مش تمام بعدين هيا من قبل مترتاحلهمش ولنضراتهم لكا يجو لبوها ضيوف
ندى تتمتم وتقرا فالقرآن في قلبها...اللهم استودعتك روحي وعرضي وسلامتي...
درسو ااسيارة قدام حوش خربان
طلع سيف سلاحه حطه على راسها...ندى وكأن من غرسلها خنجر في قلبها...فتحت عيونها و حركت راسها يمين وشمال كانها مقدرتش تقول لا الا براسها...تمنت انها ترجع للسجن...سجن هاذاك المجرم...تغمض في عيونها كأنها تبي تقنع نفسها انه حلم بس للاسف عياط طارق اقوى منها
طارق :انزلي هياااا متسمعيش شكلك
ندى :وو...و..وين بش نمشو
سيف حط يده على خدها : بش نسهرو شوية وبعدها نبعثك لماما قصدي لبوك الحقاني الله يرحمه
ندى:ا...انا.منحبش نسهر نحب نمشي توا... لتونس...بربي
طارق:ههههههه مسكينة يا سيف متدريش انها خلاص اخر يوم فحياتها ليوم
سمعت ندى الكلام و هيا بتموت قهر...فهمت انهم ناوين الشر....ونضراتهم ليها ولجسمها خلتها تفهم شن لي ناوين يديروه
نزلت من السيارة وسيف حاط المسدس على راسها:ولا كلمة...ولا كلمة....امشي
طارق: بنمشي نجيب شربنا يا برووو...
ندى سمعت الكلمة وحست بدقة في قلبها كأنها سهم...مش مصدقة ورجليها مش رافعينها...تفكر تعيط وتترجاهم مش حينفع معاهم لازم تدير حل لازم
دخلت للشقة تحت التهديد ومنغير ولا ردة فعل لا عيطت ولا شي...تغمض وتفتح في عيونها بس وتتذكر في تفاصيل الطريق و المدخل لي طلعو منه للشقة
دفها سيف وسكر الباب وبعدها دخل طارق معاه خمر و سكر الباب وقرب منها وبعدين معاك يا حلوة: اي صوت ولا عيطة هاذا يفرغ في راسك وبعدها بح تنتقلي فوووق ويشاور للمسدس بصبعه ورفع صوت ضحكته
فجأة تمت ندى تضحك بصوت عالي هلبا....ومش باين عليها الخوف بلكل....وناضت وكانت نضرتها متغيرة سيف وطارق شبحو لبعض مستغربين
ندى: صار هكا...ماه قولولي من الاول راهو درنا جو...علاش لا وتمت تتمايل في مشيتها و قربت من سيف وشبحتله....وضحكت..الشي لي تبوه مش بالقوة انا راضية بكل شي وعادي...نسهر معاكم علاش لا وغمزت لطارق
سيف وطارق مش فاهمين شي و ذابو في حركاتها....قعدت عالكرسي وقعدو مقابلينها وما شكوش في شي خااصة بعد ما وخرت وشاحها وبان شوية من شعرها كتمويه داراته....
سيف: هيا...خلاص معاش نصبر يا بنت
ضحكت بصوت عالي وقربت منه: توا معقولة نسهر معاكم بعباية هاااا وضرباته على خشمه وغمزتله
دقيقة ندخل للحمام ونرجعلكم باللوك الجديد....تم يا قلبي وشبحت لطارق
طارق وسيف كانو زي الحيوانات بكلمتين صدقوها و ذايبين فيها....وشاورو بروسهم تم تم
خشت للحمام وسكراته من داخل وتمت ترعش من بعضها وتبكي :يارب يارب شنو بش نعمل...سمحني سمحني شنو بش نعمل انا توااااا....وقعدت لوطا وحست بشي صلب في جيب سروالها...حطت يدها تلقاه الجهاز تع احمد لي عطاهولها...طق الباب عليها مرتين صوت سيف
:حلوة خيرك عطلتي
ندى:مسكت روحها...ضحكت...حبي اهو طالعه اصبر يا قلبي دقيقة بس وبعدها حطت يدها على فمها وتبكي....رفعت عينها شافت شباك فالحمام...كبير شوية ممكن تطلع منه فرحت....بس كيف هي ممكن تموت....بس الشقة فالدور الاول يعني مش عالية هلبا.؟..تمت تغني حتى ما يفطنو لشي
سيف وطارق يشربو : محلا صوتها الفرخه ههههه
سيف:امتا تطلع بس
ربطت ندى الشراشيف ببعضهم لي لقتهم فالحمام ومعاهم عبايتها ووشاحها كانت مضطرة تدير هكي...يا اما تموت مغتصبة...مفيش خيار تاني...ربطت طرفه في الشباك ونزلت للنص وبعدها نطت وطاحت...وتسمع في عياط: هربت بنت الكلب...سيف يا سيف يتبع
أنت تقرأ
قلبي وراء الحدود ( روايات ليبية )
Romanceمن اجمل الروايات الليبية للكاتبة :ندي احمد تدور الاحدات حول رجل ليبي متزوج من تونسية يكلف أشخاص لخطف بنت زوجته و يرميها في الصحراء الليبية بعد ان كشفت حقيقته و لكن المفاجاء عندما يراء ضابط ليبي هذه البنت التونسية ماذا سيحدت بينهم و هل يساعدها رغم...
