قلبي وراء الحدود ( روايات ليبية )

حلقة 17🔥

رواية #قلبي_وراء_الحدود
( خيال ممزوج بلواقع )
للكاتبة #ندى_التونسية
الرواية بلهجة الليبية
حلقة 17🔥

العصر احمد راجع للحوش
الضابط منير : ايوة احمد عندي ليك خبر
احمد : شنو في ان شاء الله خير
الضابط: خلاص القينا القبض على اسماعيل وسيف حرقو المعسكر لي كنت انتا فيه ومعاك البنت
الضابط كان يعرف كل شي وكان مكلف بالقضية معاه وهوا الوحيد يعلم بوجود ندى معاه
احمد فرح:احلى خبر
الضابط: وزيادة تانية جتني معلومات من تونس انهم ألقو القبض على حمادي لان الاوامر جت من غادي
احمد طار من الفرح: الله اكبر حمد لله حمد لله يعني بتجينا ترقية صح
الضابط : ايوة وانتا توا تقدر ترد البنت لحوشها وتعيش حر منغير مسؤوليتها
احمد انصدم من الكلام صكر الخط وضرب فرينو: يعني خلاص معاش في ندى في حياتي من اليوم..يعني بكرا لازم تسافر لتونس..يعني بكرا حتنتهي وكالتي عليها..يعني غدوة ترجع لي حريتي..بس انا خيرني نحس في روحي مخنوق ومش فرحان...خيرني متضايق من كلامه..بس انا منبيهاش تمشي...علاش...لا الاه الا الله شن نخرف اني...كمل سواقة للحوش
نارين جهزت روحها طلعت تجنن❤❤❤
ندى لبست جينز وجاكيت وحطت شعرها مفتوح ولبسو عباياتهم وطلعو وفي الباب
احمد اعترضهم: شن ماشين
نارين: اي اي اتأخرنا
امه: اهو مشيت زي ما تبي وفنصت فيه
احمد ضحك: باهي ردو بالكم ومتتأخروش
نارين: الحوش مقابلنا تي خيرك
كملو طريقهم
احمد: ندى تعالي نبيك
نارين: لا تأخرنا
احمد: امشو انتم نبيها ضروري وتوا بعدها نوصلها انا للباب
امه ابتسمت لنارين وغمزتلها: هيا هيا نسبقوها خوك صاير ميتحشمش
كملو نارين وامها طريقها ووصلو للحفلة
رحاب: اهلين اهلين واتدور بعيونها...
زينب: اتفضلو اتفضلو انستونا

نارين : يسلمك الله يانسك
ام احمد: اتدور في عيونها تشوف فالديكو والجو ايهبل
سعاد: مرحبا بيكم مرحبا
ام احمد: امشي رحاب مع البنات انا بنقعد مع خالتك سعاد تعرفيني دوشة الصغار مش جوي
سعاد ضحكت: تعالي تعالي
رحاب: امالا وين كنتكم
نارين : ندى
رحاب : ايه ايه
نارين: اهو بيوصلها احمد بعد شوي
رحاب اتنفست براحه: خلعتيني نحساب خوك ما خلاهاش
نارين: ايح الا ما شرط ان ماما تجي معانا
رحاب: سلمه الحزار...سعدود البنات
نارين ابتسمت و طلعت لزينب
---------
فالحوش تع احمد
ندى: شبيك ناديتني لاباس
احمد :خوذي هاذا
ندى: شنو
احمد : افتحيه
ندى فتحت البوكس تلقا فيه فستان يقتل🔥🔥🔥🔥🔥🔥أحمر قصير فوق الركبة ومعاه كعب نص مش عالي هلبا لانها طويلة ومعاه اكسسوار
مش مصدقة لي نشوف فيه...يقتل الفستان...كنت نشوف فيه ونغزر لاحمد وقتله: لشنو هاذا
احمد : مش خاطرك تمشي للحفلة
ندى: ايه
احمد : خلاص البسي هاذا..نبيك تطلعي احلى وحدة...بعدين هاذا اخر يوم تكوني فيه مرت أحمد
سمعت كلامه ومكنتش واعية...ضحكت فالاول وفرحت من لي جابه بس كلمة اخر يوم تكوني فيه مرت احمد سلبت مني ضحكتي وضاقت انفاسي وازدادت دقات قلبي وطلع الدم لوجهي..احمارو خدودي حسيت روحي مسمعتش كويس
ندى: شنو قصدك
احمد: لي سمعتيه..خلاص المجرمين مسكوهم معاش في خطر على حياتك...وأخيرا حيصير لي تبيه...بكرا او بعده بنردك لاماليك وحتحضني امك
ندى مش مصدقة وحاطة يدها على فمها..يعني بعد سنة ونص حنحضن ماما ونشم ريحتها..نرجع لداري واختي وخوتي..نرجع نبوس تراب بلادي ونرجع لجامعتي وقرايتي...يعني معاش في خطر عليا...بس في شي من جوا ينغص عليا في فرحتي شي يقلي لا متفرحيش شي يجبدني لتالي ويحبس دمعتي..فجأة سمعت صوت ضربني بخنجر في صدري
احمد: يعني خلاص معاش في واحد في حياتك اسمه احمد...انتي حترجعي حرة
ندى رفعت عيوني فيه..علاش قتلتني الكلمة..علاش مفرحتش..علاش ما شكرتاش..علاش متمنيتش الوقت يمر..علاش مزلت مركزة  عيوني فيه..علاش تمنيت يجوني هما هوني ومنمشيش...انا نبي نشوف اهلي..بس مش قادرة نفارق احمد..اي اي هاذي الحقيقة..هوا سرق مني حريتي
احمد شاور بيديه قدام عيونها: اووووو ندى وين مشيتي لهالدرجة فرحانة
ندى :اي ايه مش قاردة نصدق
احمد: باهي نوضي البسي بسرعه راه يفوتك الحفل
ناضت ندى وعيونها مركزة تقول من ضاربها برصاصة مش مخليها تتحرط...دخلت لدارها لبست الفستان جي  لاصق على جسمها لبست الكعب و فتحت شعرها حتى مجانيش  النية نمشطه خليته مفتوح ولبست الاكسسوار...قبلها كنت مدارة ميك اب عالخفيف عاودت لي في فمي رسمته روج احمر دمي و لبست الكعب
كان الباب  مفتوح..نسيت نصكره من صدمتي ومن الافكار لي تدور في راسي ومن قلبي لي يوجع فيا ومن احمد ومن الفستان ومن الدنيا ومن العالم كان كل شي يدور حولس..احمد كان طالع يحساب الباب مسكر وقف لما شافها
كانت طالعه قمر🔥🔥🔥🔥🔥🔥 طولها وحسمها وشعرها وشفايفها المليانة المرسومة عطرها لي يفوح من بعيد
كنت مصدومة و باهتة لدرجة ما تخلعتش لما شفته شافني بالمنظر هاذا...
كان هوا واقف مقابلني امركز معاي وانا مركزة معاه..كنت نحب نملا عيوني منه...قربت منه نزل راسه..كان متعجب منين جتمي الجرأة هاذي
احمد قرب منها جي مقابلها : طالعه حلوة
ندى: ممكن
احمد : احلى بنت
ندى: ايعيشك
درت كنت بنلبس عبايتي بس حسيت يد جبدتني ليها حضنتني بقوة..
احمد حاضنها وساكت وفي داخله يقول: بس لو حسيت منك شوي قبول راه سكرت عليك في قلبي...نحس في روحي سلبتي مني حريتي...رجعيلي حريتي قبل متمشي
ندى كانت فاتحه عيونها ولاول مرة متدفاش ممكن فهمت انه ايودع فيها..رفعت يديا وحضنته بكل قوتي ومكنتش نبي نتكلم بس كنت نحي نملا منه روحي قبل منمشي..كنت نقول بس لو حسيت اني مهمة ليه كانسانة مش كمسؤولية كنت خليت كل شي و قعدت عنده ومنرجعش..بس انتا يا احمد مطلبتش مني نمسك يدك...انا بش نرجع لبلادي ونخلي روحي معاك...احمد أعد لي حريتي💔
مرت ربع ساعه منغير ولا كلمة...ندى رخت يديها منه حطت يدها على خده تأملت في عيونه و رخا يديه مني وجتبلي عبايتي ووشاحي لبستهم
احمد : يلا نوصلك اتأخرتي
ندى: ايه هيا راه يستنو فيا
وصلو احمد وندى قدام الباب..
ندى: ايعيشك
احمد: ردي  بالك على روحك متخليش حد يصورك حتى بنات تمام
ندى ابتسمت ودخلت وكانت حاسة بشي انتزع منها..واحمد كان يتبع خطواتها بعيونه وكأنهم اخر لحظات يشوفها...ورجع للحوش ودخلت هيا للحفلة
وصلت للحفل ونحت عبايتها و البنات الكل مركزين  فيها وفي جسمها
نارين: قلبي خيرك اتأخرتي
ندى :لالا شي غير احمد
نارين ضحكت: مقدرش يصبر
ندى سكتت وكانت متضايقة بكل..علاش الله اعلم..المفروض تكون فرحانة بترجع لبلادها
رحاب فرحت لما شافتها
ام عصام لزينب: من البنت هاذي لي دخلت توا
زينب: مرت احمد ولد خالتي منيرة
ام عصام: تبارك الرحمان خصارة قبل كنت نبي نخطبها لولدي هههه
زينب ضحكت ضحكة صفرا و تضايقت وناضت
مرت  ساعات والساعه عشرة
رحاب: ندوشة حبيبتي نطلب منك

منك طلب
ندى: اتغضلي
رحاب: اسمعي اطلعي للدور الثاني اول دار عاليسار داري اهو الباب مفتوح هشي تلقي فون عالطاولة جيبيه بالله
ندى مترددة : بس
رحاب: متخافيش مفيش حد خوي مسافر هو و بوي مش فالحوش لكا سمع بالحفلة مشي للمزرعه ههه
ندى اطمنت : باهي حاضر
طلعو للدرج فتحت الباب دخلت اتدور عالطاولة شافتها قربت منها رفعت الفون وراجعه حست بيد شدتها من خصرها واليد التانية على فمها ودفتها عالحيط
نزار اتأمل فيها: ندى...انتي هيا انتي هيا ندى وأخيرا لقيتك انتي حية يا روحي...متخافيش شوية بس ونبعدو عالجميع وتكوني ليا وحدي
ندى فتحت عيونها و تشاور براسها لا لا ومش مصدقة لي تشوف فيه وتحاول تبعد منه وتبعدله يديه بس كان اقوى منها وقريب منها هلبا و في قلبها تقول : ننن...نزار..نزار..سيبني💔💔💔💔💔
Écrivez un message...