قلبي وراء الحدود ( روايات ليبية )

حلقة 10🔥

رواية #قلبي_وراء_الحدود
( خيال ممزوج بلواقع )
للكاتبة #ندى_التونسية
الرواية بلهجة الليبية
حلقة 10🔥

سعاد فنصت فيها يعني ارزني واطلعي لبيتك وضخكت ضحكة صفرا: هههه متمليش من الخروج انتي
نزار : هيا توا نمشي توا مراد يبقا يستنا
سعاد: باهي متتأخروش
نزار: مريقل خالتي
رحاب اتكت على امها: ياناعليااااا من مريقل اه قلبي
سعاد ضربتها على كتافها: ارزني يا بنت وانتي لي تشوفيه تدوخي...خيرك لمن جاية النهارات السود...اطلعي غيري والحقيني للكوجينة
رحاب: تاااعبة والله نادي زينب
سعاد: زينب عند نارين...قالت عندهم دراسة
رحاب تتمتم: اي دراسة واضح
--------
في حوش ام احمد
نارين: هااا شنو تحكي عاد...شنو جو ضيفكم
زينب: هههه نزار
نارين: من تونس هوا صح
زينب: يا فرخه منين ليك المعلومات هاااااا
نارين حدفتها بمخدة: سمعت اختك...شن نتجسس تحسابيني
زينب: اممممم حاشاك..
نارين : ايه مالا علاش جاكم...
زينب: والله مندري ممكن زيارة ولا حاجه اصلا محكيتش معاه بكل انا...ساكت ميبيش يحكي طول اليوم مع مراد يا دوبك نتلاقو
نارين ضحكت: اهااا فهمتك
زينب: شنو فهمتي
نارين: تبي تتلاقو صااااار اممممم سلم ولد عمتي
زينب ضربتها: كلبة ههههه زي خوي راه
نارين : توا نحاول نصدقك على كل
-------------
نزار :ها مراد انا قدام المستشفى
مراد: باهي ممكن تستناني في الاستقبال ربع ساعه ونطلعلك...تمام
نزار: باهي متبطاش
مراد: متبطاااش واااات
نزار : ههههه تي معناها متعطلش
نزار ماسك الفون في يده وحط السماعات في وذانه و قعد فالاستقبال على كرسي ويلعب في بوبجي ما بين جاه مراد.

ندى وصلت للمستشفى ضربت فرينو قوي ونزلت حفيانة ودخلت للمستشفى تجري...من قوة انفعالها ما تشوف في شي الا الممرضات(طبعا نزار كان في نفس المستشفى وفي نفس قاعة الانتظار...نزار هوا لي جا من تونس ايدور عليها عشان اتروح معاه ويتزوجها....طبع هي متبيهش وتكرهه بكل ومش موافقة عليه لانه يشرب واموره مش تمام)....تجري فالممر حفيانة وتعيط اجرو بربي بسرعه بش يموت بالله فيسع
نزار مارفعش راسه امركز فالبوبجي وهيا واقفة قدامه بس عاطياته بضهرها وتجري مع الدكاترة...
وصلو الممرضين حطوه عالسرير المتحرك ويجرو بيه لداخل وندى معاهم ماسكة يديه وتبكي
وصلو لقاعة الفحص وقتها كان مراد خارج وكان وقتها الدكتور الوحيد بس حالة احمد استعجالية متستحملش التأخير
تراجع وكلم نزار: نزار انا اسف حنخليك تستنا اكثر جتني حالة استعجالية اسف والله
نزار: اسمع مفيش مشكلة انا توا خارج توا نستناك فالقهوة والا توا انروح اصلا تاعب خليها مرة اخرى...ربي يعاونك
مراد: اسف والله
نزار: لالا عادي عملك اهم من اي شي ربي يعينك...باي
مراد دخل يجري لقاعة الفحص...ندى كانت في حالة هستيرية: خاسر برشا دم...فيسع فيسع انقذه يا دكتور بربي بربي نموت راهو من غيرو
مراد انتبه للهجتها بس معطاهاش اهمية واشار للممرضات يطلعوها برا
ندى: لالا بربي بربي خليني معاه...بربي يا دكتور
طلعوها بالغصب وسكرو الباب
بقيت فالممر نمشي ونجي وانا بش نموت من خوفي...قلبي معاش نحس بيه..ما همنيش في شي لا في شعري العريان لا عبايتي المفتوحه ولا ساقي المجروحه..نبيه هوا هوا بس نحب نسع صوته يارب خليه يعيش وعادي خليه يعيط عليا...يارب يارب
مراد طلع: خاسر هلبا دم لازم متبرع
ندى نطت من مكانها: انا دمي O ممكن نتبرع للناس الكل خوذ مني بالله
مراد: بس من وين
ندى: انا صيدلانية ونعرف حالته من الاول قلتلك خاسر دم ومسمعتنيش
مراد: به امشي لقسم للتبرع اهو الممرضة شوي وتجيك
رجع يتابع في حالة المريض داروله تنفس اصطناعي
خذت الممرضة من ندى دم
حسيت بشوية دوخه بس عادي وقتها لو تاخذ قلبي او عضو من اعضائي ليه عادي...المهم يعيش المهم نشوفه على طوله من جديد...المهم ميخلينيش...شعور الفقد شعور مؤلم...يقتل عرق بعد عرق...كنت منقدرش نتنغس كل ما نحس انه في خطر...كأني حياتي صارت متعلقة بحياته...علاش...الله اعلم
داروله نقل دم وزادوه دم و طلعوه مالعناية وتم يفيق بشوية
احمد اول ما فتح عيونه انتفض وجي قاعد وايدور يمين ويسار: ندى...وين...ندى
و تم يسحب فالخيوط لي دايرينهم تع التنفس والدم و دقات القلب ويرمي فيهم يبي يطلع
الممرضة: خيرك...خيرك
احمد مرتبك: ندى...بروحها...توا يجوها...بيخطفوها...وينها
الممرضة: به به حاول تهدى...ندى لي تحكي عليها برا...لحظة نناديها
ندى كانت بتموت من خوفها برا حتى ما تخسش برجليها
الممرضة: انتي ندى صح
ندى: ايه ايه شن صار لاحمد...
الممرضة: يبيك...ادخلي
ندى نطت جت لداخل لين وقفت جنب سريره..تتأمل فيه
اول ما دخلت نلقاه قاعد و ماسك خيط التغذية بيديه يبي يلوحه...قعد يشوفلي ويتنفس كأن تنهيدة بعد خلعه...بس انا مفهمت شي...بقيت نغزرلو...هوا لاباس...يتنفس..قاعد...نفس نضرته...نفس عضلاته...نفس الشعر والرقبه والكتاف...حتى الوشمة هيا
قربت منه ولا شعوريا ضميته وتميت نبكي: معاش تخليني وحدي...معاش تعمل هكا...منجمش نقعد وحدي...منحسش بالامان غير لما تبدا جنبي...لو تصيرلك حاجة نموت والله نقتل روحي
احمد اتنفس بقوة كأنه ارتاح لما شافها
احمد اتنفس من كل قلبه لما شافها جنبه...بعد ما استوعبت الخوف بعدت من حضنه و تلخبطت وشبكت يديها من في بعض: انتا لاباس
متكلمش وشاور براسه فوق ولوطا يعني ايه
احمد: مشكورة لو مش انتي كنت متت
ندى: هاذا جميل ورديتهولك..حتى انتا كنت سبب وقفتي هنا..لو موش انت منعرفش شنو يصير فيا.
احمد كان يتأمل في ملامحها وهيا منزلة راسها...اول مرة ايركز في بنت بهالطريقة..ملامحها كانت عادية بس نضراتها و شخصيتها فيهم سر خلاه يحسها مختلفة هلبا..فيها شي ميخليهش يبعد عليها ولا تبعد عليه
الدكتور مراد طق الباب : ممكن ندخل بعد اذنك
احمد لا اراديا رفع يديه وعدل وشاح ندى لان كان نص شعرها برا ونزللها كم عبايتها
ندى مش مستوعبة لي داره ولا هوا مستوعب ليش دار هكي فا هرب بعيونه بعيد ومشبحلهاش
احمد وخر لتالي ورجعت ندى لكرسي جنبه:اتفضل دكتور
الدكتور مراد :حمد لله عالسلامة
احمد :ايسلمك...
مراد: تقابلنا من قبل انا وانتا صح(مراد يكون جارهم بس احمد نادرا وين يزور اهله وما يتلاقاش معاه بكل)
احمد ابتسم: لا منضنش...نعيش فللصحرا ميعرفني حد ولا نعرف حد
مراد استغرب و قرب يفحص فيه ويشوف في عيونه و شاف ضغطه وهوا يتحدث: المدام خافت عليك هلبا تعيط تقول لو يموت انا نموت ههه حتى انا دارتلي عركة تعرف
احمد استغرب: اي مدام
ندى نزلت راسها وتلخبطت
مراد: مرتك...ولا انا غلطان والتفت لندى..شكلها من لهجتها مش ليبية
ندى كانت تبي تصلحله معلوماته بس قاطعها صوت احمد: اه ايه ايه مرتي ليبية اب عن جد ربي يحفضها....
مراد : لازم تبات ليلتين تانيات هنايا للاسف مزال ضغطك نازل بنديرولك اباري رفع ضغط ولازم تكون تحت رقابتنا
احمد : بس يا دكتور
مراد :لا بس لاشي هاذا لصحتك...وطلع
احمد التفت لندى : انا قلت هكي خاطر وضعيتك انتي تعرفي انهم يدورو عليك...مكنتش نبيه يعرف عليك ولا معلومة فهمتيني
ندى هزت راسها وهيا ساكتة يعني ايه فهمتك
احمد ناض ونزل من عالسرير لبس الجاكيت تاعه و ربط خيوط صباطه
ندى : وين وين ماشي الطبيب قلك متتحركش..كان تخب حاجة قلي نجيبها
احمد: يلا بنرجعو للمعسكر
ندى: شنوا...مسمعتوش شنو قلك الطبيب لازم تبات ليلتين بش ترتاح
احمد: وجودك هنايا فيه خطر عليك ممكن في اي لحظة يلقوك الرجال فهمتي عليا لازم نرجعو للصحرا
ندى حست بالذنب وعيونها دموع: انا قعدت زي العقبة في حياتك...انتا مريض لازم تقعد هنا وانا لي يصيرلي خلي يصير شنو بش يصيرلي اكثر من هكي
احمد مسكها بقوة من يدها : متكثريش دوة.وطلع من الغرفة وهوا ماسكها و دخلو لمكتب الدكتور
احمد حط يديه عالطاولة : اكتبلي اسم الايباري لي قتلي عليهم عشان العلاج
مراد: شنو تحكي انتا وشن جابك هني
احمد طلع سلاحه: قتلك اكتبهم واسكت
ندى مصدومة ويدها مزال ماسكها احمد بقوة لين وجعتها بس مقدرتش تفلت منه.
كتبله الدكتور الدوا تحت التهديد وطلعو فالسيارة
ندى : انتا علاش درت هكيكا بربي
احمد : نفختيهم بهكيكا هكيكا...قتلك مش حنعرضك للخطر وانتهى ياسرك دوة الزح
ندى حست بالخوف منه بس فرحت في نفس الوقت لي هوا مش حيخليها ولي هوا فعلا حاميها..
درس احمد قدام صيدلية اشترى الدوا ورجع حطه في حجر ندى: وهاذا باقي العلاج مش قلتي حضرتك دكتورة...يلا اهو من اليوم انا حارسك الشخصي وانتي دكتورتي
ندى لأول مرة ابتسمت والتفتت له : ههه توا فهمتك...باهي طبعا لازمك تكون تسمع لكلام انا ما نداويش لي راسهم كاسح وميضحكوش
احمد حس بشي جميل لما شافها تبتسم وراحه غريبة...قعد متأمل فيها وسارح
ندى: اوووو وين سرحت قتلك موافق على شروطي ولا
احمد: لا طبعا..وابتسم
ندى لاول مرة تشوفه يبتسم من شهور حتى وان المدة هاذي بس صار يحكي معاها ويبادلها لكلام.حست بقلبها يدق بسرعه نين حطت يدها على قلبها وحمارو خدودها و طلعت حرارتها حتى حطت يدها على جبينها و ضحكت والتفتت للشباك وتمت تضحك...تاريتها تفكرت لي داراته يوم خطفوها سيف و طارق وكيف دارت روحها مش تمام ومتع اغراء... ملتفتة للشباك تضحك نين تحركو كتافها
احمد انتبه عليها و يشبحلها في المراية كل مرة...بس ساكت ويقول في قلبه: خيرها هاذي...
ندى سكتت و خذاها النوم وكمل احمد السواقة....
---------
مراد : الو نزار
نزار:اهلا بصاحب الكلمة
مراد: والله عمل جتني حالة مستعجلة وهكي.. انتا وين جايك
نزار: مزلت فالقهوة تعال نستنا فيك
مراد:تم جايك
------------
حمادي: من ويه جانا الضابط الزح...ال🚫🚫🚫🚫 بتتعبنا معاها وتبهدلنا
اسماعيل: عرفت الموضوع كله لما زرت سيف.. خليها علينا شفت حتى صورتها في الميل لي دزيتهولي..ايامات ونلقوها ان شاء الله
حمادي : اسمع اسمع لازم نطلعو سيف هوا يعاونكم يعرف المكان لي هيا فيه راه...ادفعو رشوة لازم تطلعوه
اسماعيل : هاذاك لي بنديروه رسمي...
حمادي : اسمع متطولش فالموضوع
اسماعيل بخبث: اعتبره منتهي شوية بس لين يومين ويطلع سيف
حمادي : اوكي تمام
ام ندى: في شكون تكلم
حمادي :شبيك كل مرة طالعتلي كي الجن حضرتك لاباس ماه
ام ندى :قلبي مش مرتاحلك والل.....تبع