رواية #قلبي_وراء_الحدود
( خيال ممزوج بلواقع )
للكاتبة #ندى_التونسية
الرواية بلهجة الليبية
حلقة 18🔥
نزار مزال لازها عالحيط ومسكرلها فمها
نزار: انتي هيا والله قلبي كان قايلي اني بش نلقاك...توا معاش بش تفرقني عليك كان الموت
نزار كان متوقع انها تفرح لما تشوفه بس هيا العكس متوثقش فيه بكل خصوصا انه قبل رافضاته بسبب الشرب و المشاكل لي دارها مع الناس كان حت حتى يسلم عليها شاب من بعيد يديرله مشكل و يضربه
ندى قاومت وتترجا فيه بعيونها
نزار: عيونك شعرك كلك ليا..حتى راجلك المسخ والله الا ما نقتله
ندى وقتها دفاته بقوة نين بعد يده: لالا بربي احمد متقربش منه اياك
نزار عاود لزها: منحبش حتى اسم ذكر يخرج من فمك غير اسمي
ندى كانت تبي تهرب واتعيط بس هوا طلع من جيبه قماش فيه منوم حطه على فمها نين ساخت و هزها وخرج بيها من الباب البراني
رحاب مكانتش تتوقع انه يوصل يدير هكي..كانت تحسابه بيشوفها بس...عشان يطمن باله ويطمن اهلها
رحاب : حي عليا خيرها البنت اتأخرت هكي معقول يديرلها حاجة
نارين: ندى ندوش وينها ندى بنروحو احمد يستنا برا نص الليل توا حي علينا
زينب: رحاب نادي ندى راجلها يستنا برا
رحاب طلعت تجري: ندى ندى
دفت الباب لقت الطاولة خربانة و فونها طايح لوطا والباب البراني لي من الجهة الاخرى مفتوح
رجعت تجري: مهناش مهناش حي علياااااا...
نزلت تجري : ندى ندى مش موجودة
نارين: ش...شنو..كيف مش موجودة واتعيط
ام احمد تجري : شنو في
نارين: ماما ندى مهناش بكل...
ام احمد : مرات فالحمام خيركم وين بتمشي
رحاب الوحيدة لي متأكدة ان في شي صار ولي وراه نزار
احمد حس في شي غريب يتصل ويعاود بندى مسكر فونها فا عاود اتصل مرة واتنين وثلاث ومفيش رد
اتصل بنارين: تي خيركم متردوش عطلتو راه
نارين : احمد ندى مهناش
احمد : ش...شنوووو
رحاب من خوفها طلعت تجري لسيارة احمد لي واقفة لبرا...طقت عليه باب الروشن نزل بسرعه
أحمد: خيرك شن صارلها ندى احكي
رحاب : ممكن ممكن نزار دارلها شي او هيا هربت معاه
احمد مرعوب: شنو من نزار احكي احكي
رحاب حكتله كل شي وتبكي وترعش متحسابش الموضوع فيه خطورة هكي تحساب بس عناد بينها وبين نزار
أحمد يسمع فيها وعيوونه نار من خوفه عليها...ضرب الباب بقوة لين اتكسر المرش تع السيارة:علاش درتي هكي علااااش...وولد عمتك هاذا شن جابه ليها من وين يعرفها
رحاب: ممم..ماه هوا من تونس..عمتي متزوجه تونسي وووو
أحمد ركز فيها : شن اسمه...عندك صورته معلومة عليه تاريخ ميلاده اي شي
رحاب طلعت فونها ترجف بسرعه: اهووو هاذا هوا. اهي صورته
احمد خطف من يدها الفون شاف للصورة: هتلر!!!!!!
رحاب: هتلر شنووووو...هاذا نزار
لا عليييش لا ياربي....طلع في سيارته و قال لرحاب: قولي لامي ونارين يباتو عندكم انا بنمشي نجيب ندى
رحاب مش فاهمة شي وتبكي وبتموت من خوفها وشن حيصير من ورا عمايلها: هتلر من..معقول نزال يطلع فالاخير هتلر..ان شاء الله ميصير شي للبنت يارب والله نموت
دخلت دارت لي قاللها عليه احمد و خلاص ما قدرتش تفسرلهم شي تبكي ومهسترة بس وتاكل في ضوافرها من الندم.
-----------
أحمد: ألو ضابط مصعب احمد معاك
مصعب: خير احمد شن في صوتك هكي
احمد: خطفوها مرتي..خطفها الحقير
مصعب: مرتك!!!!
احمد: تي ندى البنت التونسية هاذيك لي انا ماسك قضيتها
مصعب: مش قلنا اتسكرت خلاص
احمد: لا انا الصبح فتحتها في عنصر جديد والراس الكبير برا...وهوا لي خاطفها توا..هتلر لي طول عمره ما يمسكه حد لا هني لا في تونس هاذا هوا كبيرهم واسمه نزار وقصته طويلة منقدرش نشرحلك توا
مصعب: والله ياراجل مفهمت شي اني بس شن تبي ندير
احمد: اعطي تعليمات للبوابات الكل يفتشو السيارات لي تمر من غادي وخاصة البوابة الحدودية بالله عليك بسرعه بسرعه بنبعثلك توا صورها
سكر احمد الخط وهوا مش فاهم وين يمشي وشن يدير هوا معنداش حتى معلومة عليها يسوق بس : ياربي شن بندير وين بنمشي وين بندور وتم يصيح ويضرب عالستيرسو وايعيط ندددددددى ندددددى ويييينك ويييينك 💔💔💔يارب اشارة نبي اشارة وينك بس
------
ندى كانت مرمية في سيارة نزار من ورا دايخه تحت تأثير المخدر ونزار يسوق وعيونه تلمع....: وتوا عصفورين بححر واحد توقيع السيد احمد اني بريء من كل القضايا لي فاتحهم هني في ليبيا متع التهريب و انتي بش تولي ليا ملكي وحدي ان شاء الله متيبسيش راسك كاهاو وقتها متلومينيش
نزار: ها سفيان شن دارو الشباب
سفيان: زي ما اتفقنا اهو نستنو فيه يخطم من هني. اعتبر موضوعه تم
نزار: زي ما اتفقنا بعد ساعه في هاذاك الحوش لي فالمزرعه تمام
سفيان : تم
صكر نزار الفون والتفت لندى لي تقريبا كانت قريب تفيق
درس السيارة قدام كافي جابلها عصير ليمون كانت دايخه مش واعية تفتح عينيها وبعدها ترجع تفقد الوعي
قرب منها وحط يده تحت راسها وسقاها بشوية وتمت تستعيد في وعيها
كنت نحس في روحي منجمش نفتح عيوني او بالأحرى منحبش نفيق ونشوف انا وين ومع من وفي اي حالة...لابسة فستان قصير و شعري و مكياج ومع من مع نزار اللي طول عمري منرتاحش معاه
دفيته بيدي: ابعد عليا و نزلت فستاني ونترجا فيه يرجعني
نز
أنت تقرأ
قلبي وراء الحدود ( روايات ليبية )
Romanceمن اجمل الروايات الليبية للكاتبة :ندي احمد تدور الاحدات حول رجل ليبي متزوج من تونسية يكلف أشخاص لخطف بنت زوجته و يرميها في الصحراء الليبية بعد ان كشفت حقيقته و لكن المفاجاء عندما يراء ضابط ليبي هذه البنت التونسية ماذا سيحدت بينهم و هل يساعدها رغم...
