زواج قاصر

عذاب

الولد  لي كان يلعب معاها بقات تشوف مع بيتو و حوايجو حتى قعدت على سريرو حتى تسمع صوت
فاطمة: نووووضي
بالخلعة ناضت وقفت مستقيمة ترجف وحدها
فاطمة شدتها من شعرها : من اليوم ما نشوفكش هنا تفهمي
ضربتها طاحت الارض : نوضي برا بلاصة لتحت فهمتي
سمعت خولة العياط طلعت تجري لقات رملة على الارض تبكي راحت ليها توقف فيها
فاطمة : ادي عليا هاد الخماج ما نشوفهاش تدور هنا
خولة شدت رملة ومشات محضنتها تسكت فيها حتى دخلتها منين ترقد بقات رملة متشبثة بيها خايفة بزاف من الشنطاء فاطمة
رملة : تعيشي اديني عن ماما تعيشي اختي خولة
خولة بدات دموعها تطيح مش قادرة تعملها حتى شي : رملة شوفي معايا انا هنا معاك ماتخافيش خلاص و أسد صديقك قريب يجي و تفرحي انتي برك ماتبكيش
رملة بقات غير تبكي وخايفة : خولة قوليلي ماما وبابا علاه جابوني لهنا ياك ما غلطتش انا
خولة : لالا ماغلطتيش هوما جابوك لهنا باه تتعلمي حوايج بزاف و هكذا نهار ترجعى لعندهم يقولو بنتنا شاطرة تعرف كلشي، وزيد ماما فاطمة تضحك معاك برك وتخوف فيك بالعاني  تشوف الا تزعفي وتخافي ولالا و الا شافتك خفتي تولي تضرب ، تحبيها تضربك؟؟
رملة : لالا
خولة : مالا من اليوم ما تبكيش و ماتخافيش وبعدي عليها وين تلقايها ما تجيش انتي  ولي تطلب منو ديريه وانتي ساكتة حتى يجي أسد
رملة : وقتاش يجي ؟
خولة : مابقاش بزاف انتي برك اصبري
رملة : اوك
خولة : شوفي رملة أي شي يبقى سر كيما تفاهمنا
رملة : ايه يبقى سر
حضنتها و عدلتها شعرها و راحت : واش عانيت انا هنا مستحيل نخليك تعانيه
رملة سمعت كلام خولة بعدت على فاطمة و رجعت تخدم برك كلشي عليها و وقت تغلط ولو في شي صغير تنضرب و شي علي ما يقول حتى شي المهم مازلها فالدار.
فاتو شهرين و رملة ما شافتش عايلتها ولا هم جاو زاروها تواحشتهم ولقات غير اختها خولة لي تسمع ليها
رملة : اختي خولة نحب نحكي مع أمي
خولة بلعت ريقها : أمك
رملة : شهرين ما شفتهمش وماهمش جايين ليا علاه
خولة : شكون قالك ماهمش جايين تعرفي انتي باباك خدام و يكون مالقاش وقت وخلاص
رملة حزنت و خولة غاضتها : اممم ولكان نحكيو مع ماماك تيليفون
فرحة كبيرة حستها رملة بدات تعيط وتصيح : ايه ايه
خولة : نقصي حسك فضحتينا
رملة : هاني سكتت
خولة : نجيب تليفوني ونجي و بلا حس ابقاي هنا
راحت جابت تيليفون وسرقت الرقم و جات لبيت رملة عيطت : راه يصوني هاكي
رملة : ماما
سلطان بقات تميز فااصوت بصدمة ووحش كبير : رملة بنتي
رملة : انا رملة يا ماما تواحشتك
سلطان : وانا توحشتك يا عمري راكي مليحة يعاملوك مليح احكيلي
رملة تفكر كلشي وشافت مع خولة لي اشارتلها تسكت : ايه اني مليحة و كامل ملاح معايا راني فرحانة هنا و انتي وبابا راكم ملاح
سلطان : ملاح يا عمري ملاح، تاكلي مليح تتغطي مليح فاطمة تعاملك مليح قوليلي بنتي
رملة : ايه تعاملني مليح
سلطان : الحمد. لله ريحتيني درك
رملة : اختي خولة تحبني بزاف و تعملي واش نحب
سلطان : اسمعي كلامها و كوني مليحة معاهم كامل يا صغيرتي
رملة : وقتاش تجو عندي ؟؟
سلطان سكتت لدقيقة :  قريب نجيو اصبري انتي برك
خولة دات تيليفون من يد رملة : الو خالتي سلطان رملة راهي امانتي من اليوم ماتخافيش عليها راهي اختي واعز ليوم الدين ماتخافيش
سلطان:  الله يخليك اتهلاي فيها
خولة : اكيد. بسلامة
رملة : استناي نحكي مع بابا
خولة : اسس نقصي صوتك درك يسمعونا و السر سر
رملة : ايه تعيشي اختي خولة نحبك 😘
خالد رجع بعد غياب ثلاث شهور على الدار
البواب : مرحبا سي خالد
خالد: بعد من قدامي و  جيب حوايجي
اابواب : حاضر