اسد : انا أسد
سحر شافت فيه بصدمة : وانا سحر وين الجديد
أسد : أممم الجديد أني حاب نكون صداقة معاك تنساي شكون انا و تعتبريني غريب
سحر : انت أصلا غريب
اسد ضحك : اه عند صرف يكفي بلاد
سحر تتبسم : بالعملة الصعبة
دخل مالك لدار لقا خالة مريم قاعدة
خالة مريم : وين كنت هذا وين
مالك : واش صار معاها
خالة مريم : ملي جبتها لبارح وهي تعيط بالسيف رقدت و صباح ناضت تكسر
مالك : معليش
خالة مريم مستغربة من ردة فعلو : ما سقسيتنيش حتى وينها
مالك : أسد هنا
خالة مريم : ايه دخل لعندها فكرتني فيه نوض نشوفهم
مالك شدها من يدها : اقعدي خليهم لازم يحكيو
خالة مريم : واش بيناتهم حتى يحكيو
مالك : أسد راجلها
مريم قعدت من الصدمة: واش
مالك : ايه هذا أسد زوج رملة
خالة مريم تعيط : نوض خرجو من داري
مالك : خالتي اصبري نفهمك
بدا يحكيلها واش صار بالتفصيل وهي مش مستوعبة هاد الشي ، في وقت كان أسد يمهد لعلاقة جديدة مع سحر تحت اسم الصداقة .
سحر تحسنت علاقة مع أسد و بدات تخدم معاه، هو فرحان بيها زوجتو صغيرتو لي ضاعت منو رح ترجع في كل وقت يحاول يبينلها حبو و حنانو حتى تتعالج من صدماتها و تكون جاهزة للحقيقة.
سمية : في واش تخممي
سحر : خولة ملي شفتها مازادتش بانت خلاص
سمية: ممكن رجعت للقرية
سحر : ايه ممكن ، بزاف حاجات مانيش فاهمتهم خاصة يوم اختطافي شكون خطفني و صوت لي سمعت متأكدة صوت خالد، مالك كل ما نسقسيه يتهرب وحتى خولة كيفاه وصلت ليا ووين راحت.
سمية : درك انتي علاه توجعي في راسك بهاد الشي حكاية احمدي ربي خلصت على خير
سحر : الحمد لله
سمية : و أسد يا لالة
سحر : واشبيه
سمية : باينة
سحر : تأمني نحس روحي نعرفو من صغري مرات نثبت في ملامحو نقول نعرفها ومرات نقول لالا حاسة شي غريب تجاهه ماهوش حب وماهوش كره
سمية : احكي معاه و افهمي ممكن تتوضحلك الرؤية أكثر
سحر : ايه هذاك هو الحل
أسد فالدار مع خولة يتناقشو في موضوع خالد
أسد : القرار قرارك ورح نوقف معاك لاخر يوم
خولة : اخر قرار راني حابة نتطلق منو
أسد : مايكون غير خاطرك
رفد تيليفون عيط لمالك : مالك تقدر تجي عندي غدوة لدار ولا انا نجيك لي تساعدك
مالك: مش مشكلة انا نجيك خير برك
أسد : نحتاج محامي وانت احسن اختيار ليا
مالك : خلاص غدوة مالا
أسد : ايا صحا
خولة فرحت رح تشوف مالك مرة أخرى من اول مرة شافتو مارحش من بالها تخمم فيه زعما تكون حبتو 😂.
غدوة من داك جا مالك لدار أسد
مالك : ايه واش من قضية
أسد : طلاق
مالك مصدوم : رملة !!
أسد : لالا بعيد الشر، خولة حابة تطلق من خالد
مالك : خولة ( من اول ماشافها دخلت قلبو) اوك وينها تجي نفهم الموضوع و المطالب وغيروا
أسد : هاي جات
رفد راسو بقا غايص فيها شعرها الاصفر النازل على خدها ضحكتها الساحرة نظرتها البريئة
خولة : صباح الخير سي مالك
مالك فطن : صباح النور
بداو يتناقشو بالقضية وهو كل مرة يسرق شوية لحظات يتأملها ماهوش مأمن نفسو نسى سحر في ثواني.
مالك: انا رح ترفع القضية و نبعث اشعار لزوج و نتمنى ما يأخرناش او يرفض الطلاق
أسد : حكاية خالد و قرارو خليها عليا
مالك : اوك انا نروح لازم نشوف سحر
خولة: سحر رح تشوفها نقدر نجي معاك
مالك ( خلاص طاح لوف ) : ايه اكيد
خولة: أسد نروح عادي
أسد : إيه اختي خولة روحي و مالك رجعنا لهنا
مالك : ماشي مشكل تفضلي
راحت جابت صاكها وخرجت معاه طول الطريق ساكتين كل واحد يستنى الثاني يهدر
مالك : كيفاه حتى عرفتي بلي سحر هي رملة
خولة : غير شوفتها عرفتها ما ننساش عليها كانت اختي
مالك : حتى هي انتي الوحيد لي حكات عليك بالخير
طول طريق كانت طوموبيل لاحقتهم، حتى وصلو عند سحر تفاجات من وجود سحر مع مالك
سحر : تعرفو بعض
مالك : لالا جات اليوم وكلتني على قضية طلاقها و لما حكينا عرفتها شكون
سحر : رح تطلقي صح
خولة : ايه
سحر : واخيرا
جبدت مالك لشط : عرفتها بلي مرت خالد
مالك : ايه وعلاه جبتهالك انا 😒 ماشي قلتي حبيتي تشوفيها مرة اخرى
سحر : ايه فهمنا
رجعت لعندها حضنتها فرحانة بخير، طلاقها اكثر من خولة نفسها : رح تتهناي هذا أحسن حل واحسن قرار ليك
خولة : ايه ادعيلي يطلقني برك.
الطوموبيل لي كانت تبع فيهم حبست بعيد كانت لخالد
خالد : ايوا الاحباب كامل هنا وفرحانين نسيتوني بالخف معليش في اقرب فرصة نفكركم بنفسي هههه.
أنت تقرأ
زواج قاصر
General Fictionهي كرونيك باللهجة الجزائرية تحكي عن حالة من حالات زواج القاصرات البطلة هي رملة لي تتزوج وهي قاصر و تدخل في دوامة كبيرة ، الابطال الاخرين أسد. و مالك و خولة و خالد نتمنى تعجبكم 😍😍😍😍😍
