زواج قاصر

رملاسد

سكرتيرة صاحب شركة رملاسد : مسيو ما تقدرش تدخل بدون إذن
خالد : بففف تبعلي ولا نن
سكرتيرة : راني نعيط للأمن من فضلك اخرج برا
رفد يدو خبطها على طابلة و تفكر الوعد لي عطاه ليماه يكون هادئ : اممممم اوك اوك اوك
وبدا يعيط : يا الزعيم يا الزعيم يا الزعيم
جاو رجال الأمن وحاولو يخرجوه حتى فتح صاحب شركة رملاسد الباب : خلوه تقدرو تروحو
تبسم إبتسامة مكر وراح للسكرتيرة حط يديها على لبستها و يعدل فيها : حسابك مازال منين تلقايني أهربي ههههه 
انسحب ودخل للمكتب بقا يشوف وداهش مع صوت صفير يعملو : واو واو واو ماهذا يا هذا راك عايش وانا نخمم هذا سنين علاه ماهوش راجع فات خمس سنين كاملين
بقا غير يشوف مع المكتب  المنظر لي برا : عندك الحق ما ترجعش 😂😂
أسد : تقدر تقعد علاه من صباح تدور كي ذبانة فوق دماغي
خالد : مازالك ناشف كثر من زمان هاني قعدت
أسد : واش جابك
خالد : عندي شغل هنا قلت نفوت على الزعيم
أسد بتشناف :  مليح
خالد : امك  وابوك يسلمو عليك و خولة ثاني بعثتلك شي حوايج راهم لتحت
أسد شاف معاه نظرة و غير الخير
خالد : ما تشوف معايا ماوالو هوما لي بعثتو
أسد : الا كملت تقدر تروح عندي اجتماع
خالد : اووو تطرد فيا معليه المهم راني نبقى يامات في دارك ولا عندك ضياف وغمزلو
أسد : ابقى وين تحب عندي شغل
خالد خرج من الشركة وراح يحوس  فالمدينة و أسد بدا يتفكر القرية لي خلاها و رجع الغش  و النار تاكل فيه و بدا يعيط على سكرتيرة: واش صار في حكاية الخدمة لي حطينا اعلان عليها
سكرتيرة : جاونا طلبات رانا ندرسو فيهم سي أسد
أسد : ابعثلي كامل واش جاوكم
سكرتيرة : حاضر
شركة رملاسد هي شركة خياطة و تصميم و اعلانات تابعة لشركات أخرى تصدير و استراد لمختلف المنتوجات، عندها قوانين غريبة ولي حطهم أكيد الزعيم 😂 ممنوع اللباس الأحمر وطبعا لانو شاف رملة او لي ظنها رملة لابتوب وقت موتها ممنوع على الموظفات شعر طويل و منكوش لانو يفكرو في العارة لي جابتو رملة لاسمو واسم عايلتو واي وحدة تدخل وتخترق هاد القوانين طرد مباشرة ، بقا خمس سنين عايش مع عقدة رملة ظلمها ولا ظلماتو حتى اسم الشركة سماها عليها حتى كل ما نطق إسمها يتفكر واش عملت رملة و يحقد اكثر واكثر طبعا مع جرعات الحقد لي تبعثهملو فاطمة الشنطاء كل يوم .