زواج قاصر

نهاية

رملة : مالك
مالك : خولة.. خولة.. خالد طلق عليها نار
رملة : وينكم
مالك : سبيطار
حبست اول طاكسي وطلعت لسبيطار شافت مالك واقف مع أسد راحت تجري
رملة : واشبيها وينها
مالك : فالعمليات
رملة: واش صرا خبرني
مالك منهار  : كنا فالحديقة نمشيو حتى لقيتها طاحت قدامى نشوف نلقا الدم على جسمها و شفت خالد واقف حامل مسدس بعيد
رملة تبكي وتحضن فيه  :  رح تكون بخير اصبر
مالك : علاه ياربي كل ما نقول ارتحت تجيني كارثة
أسد : ما يكون غير الخير شد روحك خولة محتاجتك دوك اكثر
رملة: انت مكان مادخلك فينا تقدر تلحق خوك
أسد كلامها قتلو للمرة الثانية مي مش وقت يعاركها عندو خدمة اهم مع خالد . خلاهم وخرج
اسد : اجبدلي خالد من تحت الارض
و رجع حكا مع رجالو : نحب حراسة على مالك و سحر و خولة ما تخليوهمش ولا ثانية واحد ما قرب منهم 
ركب طوموبيل ومشى حتى جاه اتصال : نعم
رجل خالد : سي أسد سي خالد عمل حادث خطير
أسد مصدوم : وين وكيفاه
رجل خالد : كان هارب جيهة الغابة وكان سكران دخل في كاميو
أسد : وينو درك
رجل خالد : فالسبيطار
أسد دور ورجع لسبيطار لحقت يحوس عليه حتى خبرو طبيب : مع الاسف توفى  أثناء العملية
أسد حكم روحو بالسيف هذا فالاخير، مهما كان خوه يعمل واش يعمل خوه طلب من رجالو يجهزو كلشي حتى يروحو للقرية و يخبرو عايلتو.
بقا طول الليل برا السبيطار كلشي تهدم فوق راسو خوه مات خولة  بين الحياة و الموت رملة مستحيل تسامحو.
لحق صباح طلع تأكد من اوراق خوه حتى يخرجو و فات على مالك يطمن على خولة و خبرو بلي رح يرجع للقرية و رح يعطي وقت لرملة تخمم وحدها بدون ضغوط .
فات شهر خولة تحسنت بزاف و اهم شي عرفت بأنها تقدر تجيب ولاد و قررت تتزوج مع مالك نهاية الصيف 😍
رملة ماقدرتش تسامح أسد و ما قدرتش تنساه في نفس الوقت رغم انو خولة حكاتلها كلشي الا انها ما قدرتش. أسد بقا شهر فالقرية مع عايلتو بعد ما خبر الجميع بعودة رملة مرت سي أسد وانها عايشة.
أسد : مازال ما قررتيش
رملة : اه رجعت
أسد : حياتي هنا ماعندي وين نروح
رملة : مليح
أسد : مازال العقاب ما بانش
رملة: رح نكمل قرايتي و نخدم ونعيش حياتي وبعدها نقرر الا نسامحك
أسد : بشرط
رملة : لي هو
أسد : تبقاي تحكي معايا
رملة : اوك لكن توقع كلشي
أسد: رح نعمل كلشي حتى ترضاي
بعد اربع سنوات أسد في اجتماع أعضاء الشركة حتى تدخل رملة
اسد : نقدملكم
مخلاتوش يكمل : رملة زوجة مسيو أسد
أسد من الفرحة حضنها و هزها ليه 😘😘😘صح ستنى بزاف لكن صدق المشاعر  هو لي يخلي للعلاقة معنى مايهمش عام ولا عامين المهم انك صادق فالمشاعر و اكبر عقاب مش انك تجرح غيرك او تذلو اكبر عقاب هو نجاحك و قوتك و شجاعتك واكيد الحب الحقيقي دايما ينتصر
النهاية