زواج قاصر

إضطهاد

خالد : اي حاجة تبقى سر بيناتنا
رملة : واش من حاجة
خالد : اممم اي شي يصير هنا يبقى هنا
رملة : اوك خليني نحكي مع أسد
خالد :  مش اليوم غدوة  نخليك تحكي معاه
رملة: نروح اختي خولة قالت ما تطوليش
هي ناضت وخالد شدها بالقوة : كي نقولك روحي روحي
رملة : اطلقني وجعتني
خالد : بلعي فمك مايليقش معاك الكلام الحلو انتي
ضربها بكف الدم سال من نيفها بدات تبكي وتعيط رجع شدها يد في شعرها و الثانية في وجها قريب غطاتو كامل من حجمها الكبير : كي نهدر شي اسمعي وبلعي
رملة : اطلقني وبدات تعيط  اختي خولة اختي خولة
جبد حزام سروالو وبدا يضرب فيها بكل قوة وحش بشري بمعنى الكلمة يتلدد بوجعها قدامو وهي تعيط وواحد. ما تدخل يساعدها خولة كانت برا الدار و فاطمة سمعتو يعيط ويضرب حسبت كي العادة يضرب في خولة. حتى صابتها جات دخلت فتحت عينيها على وسعهم:   انتي هنا ولي تنضرب شكون
خولة : رررملللة رمات واش في يدها وطلعت تجري فتحت الباب وطاحت على رملة الضرب لي كان من نصيب رملة كلاتو هي وهي تغطي على جسد رملة الصغير و فاطمة تتفرج بعد ما شبعو ضرب دخلت تهدي فيه و تعيط تحاول تنحي الحزام من يدو
فاطمة : خالد حبس حبس
بعد محاولات حبس وترمى على سريرو و خولة ورملة  من كثر الضرب ماقدروش حتى يتحركو
فاطمة : نوضي برا هزيها واخرجو
قاومت خولة حتى تقدر تنوض لقات رملة غايبة على الوعي تماما
خولة : رملة رملة نوضي
فاطمة : نوضيها وبرا
خولة : رملة يا رملة قتلتها يا خالد قتلتها
خالد ناض بالخلعة : ماتت صح
نزل الارض وضربها كفوف بدون فايدة
فاطمة بالخلعة عيطت لسي علي يجي لدار يلقاو حل للمصيبة هادي، من كثرة الكفوف بدات رملة ترجع للوعي
خالد : اووووف حسبتها ماتت وباصيت
خولة : حرام عليك ربي يتاخد فيك الحق
خالد : بلعي وخرجيها من بيتي نرقد
فاطمة عيطت لواحد من رجال لي برا جا هز رملة حطاها في بيتها و خرج بقات معاها خولة تحاول ترجعلها الوعي تبكي فوق راسها
جا سي علي يشعل نار دخل على خالد
سي علي : انت حيوان بهيم ماتفهمش
خالد : بابا زوج ضربات تغاشات واش نعملها انا
علي : واش داك ليها تمسها حتى بكف يا بهيم. حاب تباصيني
فاطمة : ماصار حتى شي راهي بخير
علي : فشوشك هذا رح يحرقنا كامل يسمع سي محمد يحرقنا كامل
فاطمة : سي محمد نتاعك بنتو خمس شهر وهي هنا جامي سقسى عليها ولا جاها تحوس يسقسي درك .
خالد : راك تكبر فالموضوع انتم ماكمش معتبرينها مرت أسد علاه الخوف هذا كامل مانعرف
علي : انا نعتبرها مرت أسد و كنتي ومن اليوم واحد مايقرب منها ولا خطوة و حكاية الخدامة تنسايها و ابنك الاخر حسابو راه بدا يكبر بزاف خليناه على راحتو راه صارف ثروة على البنات فالخارج بدون فايدة و انا حفيد واحد ما قدرتش نلقاه
فاطمة : خليه يعيش حياتو و يلقى بنت العز و القارية لي تناسبو ماناش ناقصين بهيم، وتخزر في خالد .
رفد علي تيليفونو لطبيب العايلة حتى يجي يشوف رملة و خولة بعد نص ساعة جا طبيب وقف من الصدمة واش راه يشوف الدم في كل مكان جسمها ازرق حتى وجهها ما سلمش
طبيب : واش هذا يا سي علي
علي : كانت تدوش طاحت
طبيب : سي علي راني طبيب هذا ضرب ماهيش طيحة لازم لابوليس
علي وخالد دخلو في بعضاهم من الخلعة وكلمة لابوليس.
علي:  من فضلك دكتور الوضع نتاعي مايسمحليش ندخل في قصص الشرطة وانت طبيب العايلة من سنين واول مرة نطلبة  منك حاجة
طبيب بقا حاير واش يعمل في وضع كيما هذا و الطفلة صغيرة خلاص وفي خطر هنا : اوك سي علي رح نسكت ورح تكون اول واخر مرة
علي : اكيد اخر مرة
فحص الطبيب رملة و ضمدها جروحها كانت تتوجع  وتعيط و الطبيب مش متحمل على وجهها هذا كامل
طبيب : هادي رملة بنت سي محمد