زواج قاصر

الهروب

حاولت بكل قوتها لي بقات تخرج وتهرب حتى لحقت للباب شافت رجال سي علي و مستحيل يخليوها تخرج بقات تخمم حتى تفكرت باب مور الدار جيهة الحديقة قاومت حتى وصلت وخرجت
رملة : وين نروح وين
بقا تمشي فالظلمة حتى لحقت بدون ما تحس لدار باباها خافت تبقا باباه ثما بقات تستنى ما لقاتش رجالو ولا طوموبيل لالا لثما فهمت بلي مكاش راح مور الدار وتضرب بحجرة صغيرة لطاقة حتى فتحت أمها و شافتها هبطت تجري ليها
سلطان : رملة بنتي رملة
رملة : ساعدني يا ماما ساعديني
سلطان : واشبيك واش صرا
رملة بكلمات متقطعة  : خالد حب يتعدى عليا و ضربني
سلطان من الصدمة رجليها ما هزوهاش : رملة اهربي
رملة : يا ماما ساعديني وين نهرب يقتلوني
سلطان : اسمعي مليح وشوفي معايا ( نحات سلسلة و ذهب كانت حاطتو) شدي هادو واهربي بالاكي ترجعي لهنا
رملة : لالا ماما مانهربش و أسد
سلطان : واش من أسد افهمي أسد ماقبلش بيك وجامي تقبل بلي أنتي مرتو
رملة فوق وجع جسدها زاد قلبها تبكي : ماما واش راكي تقولي
سلطان : خولة حكاتلي كلشي أسد رفض يتزوج بيك وهرب حتى ما يتزوجش  والعقد وقعوا وهو مش عارف و خبروه قبل مدة يرجع و على زواجو و رفض وقال ماكيش مرتو
بقات الكلمة ماكيش مرتو تصدى في راس رملة غير هي
رملة : يعني انا تحملت كلشي بلا فايدة انا تضربت وتعدبت و تهنت و بردت و جوعت في جال واحد عايش حياتو انا لي يقولو الامية بسبتو انا لي رميتوني رمية كلاب بسبتو
سلطان غير تبكي : رملة اهربي شدي هادو مليح واهربي حتى لو سمعتي بينا موتنا ما ترجعيش روحي روحي
لحق علي وعايلتو لدار ما صابو حتى واحد بقاو يعيطو والو حتى دخلو بيت رملة لقاو دم على الارض وخالد طايح الارض متغاشي ، خولة تعيط على رملة مكانش، فطن خالد و فهموا بلي رملة هربت منو.
علي : راحت لعند محمد اليوم نهايتنا كامل اليوم
فاطمة :  ماشي قلنالك بعدها انت ماتفهمش
علي عيط لرجالو كمال : نحب رملة من تحت الارض جيبوها
بقاو كامل يحوسو مكانش في كامل الدار و الرجال خرجو للقرية يحوسو
فاطمة : عيط لسي محمد شوف الا عندو و جس النبض لازم نتصرفو قبل ما يعرف شي
علي عيط لمحمد و حكا معاه عادي وهنا استغلوا الفرصة وراحو لدارو
فاطمة : سلطان بنتك عرة البنات هربت يا سلطان
سلطان فرحانة انهم ما لقاوهاش وقدرت تهرب منهم و بقات ساكتة
محمد : واش راكم تقولو رملة مستحيل تهرب مستحيل
علي : سرقت كامل ذهب العايلة وهربت
بدا يتمسكن و يمثل الضعف : لوكان قالت نعطيها كلشي مش تهرب وحتى وليدي فاقلها ضربتو وهربت شوف كيفاه مجروح
محمد من الصدمة طاح ماقدرش ينوض خلاوهم وجاو خارجين و دار ليه علي : سي محمد ابنتك وسخت شرف راجلها و عقابها الموت
محمد : انا نقتلها قبلكم كامل اناااااا.
خرج كامل رجال علي ومحمد يحوسو على رملة وهي كانت هربت على طريقة الغابة ولحقت لطريق عمومي هاديك طريق أسد وقت كانو صغار  داها شافتها و حفظتها مليح، بقات واقفة جثة بلا روح حوايجها مقطعين و الدم على جسمها تخمم ترجع ولا تكمل و في اخر لحظة قطعت الطريق للجهة الاخرى و بقات تمشي في طريق مجهولة
علي اتصل بأسد و خبرو بهروب رملة وانها سرقت الذهب و الدراهم وهربت بيهم عمرولو راسو بالشرف و الكرامه
أسد : راني جاي
رملة : ماتت رملة