زواج قاصر

حب جديد

خولة : لازم نتلاقاو نفهمك في كلشي
مالك : اوك وين
خولة : حديقة قدام الشركة
مالك : ربع ساعة نكون ثما
سكر عليها و مشا لبلاصة منين قالت
خولة : كيفاه رح نخرج درك، خممي خولة خممي.. الباب الخلفي ايه هو
هزت صاكها وخرجت تجري حتى تلحق فالوقت، لحق مالك بقا يستنى فيها
مالك : بففف انا نتبع برك اي شي
حتى شاف طفلة جاية تجري و تدور يمين و يسار رفد يدو لا اراديا شافتو لحقت ليه تلهث النفس مكاش : انت انت اه مالك
مالك بقا يشوف معاها : ايه انا
خولة :  انا خولة
مالك : ايه
خولة : رملة خطفها خالد و راهي فالمخزن
مالك :خالد؟؟
خولة : ايه و طلب منك تقتل أسد
مالك : ايه واش عرفك
خولة : انا سمعت كلشي و مالقيتش حل نعاونهم غير انت
مالك : دقيقة دقيقة تقوليلي بلي راجلك خطفها ورح يقتل خوه
خولة : ايه انت ابقا مع اسد وانا رح نخرج رملة
مالك : انتي منين تعرفي هاد الاسم
خولة : ماشي وقتها انا لازم نروح أسد امانة عندك
راحت تجري وخلاتو واقف مافاهم والو : منين خرجتلي هاد المصيبة درك و واش بين خالد و سحر حتى يخطفها ياربي رح تهبل
رفد تيليفون عيط لأسد يجي لعندو و حاول قد مايقدر يخليه معاه و اسد ماهو فاهم والو
اسد : طاح الليل وانت لاصق فيا واش كاين
مالك : نحوسو مع بعض خير من واحد برك
خولة تستنى الظلمة تطيح باه تقدر تدخل للمخزن براحتها رفدت موس وراحت حتى دخلت منين سحر قربت تفتحلها حتى تجاهم صوت رجال داخلين راحت تخبات مور القش لي ثما
خالد : شعلو الضو خليوني نشوف الجمال
سحر بدا هذا الصوت يرجع ل ذاكرتها : خالد هذا خالد
بدات تتحرك في بلاصتها و تصيح لكن صوت مش مسموع قرب منها يمس في شعرها .
خالد : خسارة الضو مكاش لهنا مي ريحتك مألوفة
خولة : ياربي لالا ياربي بعدو عليها
رجع وقف جبد سلسلة خشينة ويضرب فالارض وهي ترجع كامل واش فات نفس الصوت نتاع خالد نفس صوت السلسلة بدات تتنفس بصعوبة  و الخوف جمد كامل عروقها.
سحر بينها وبين روحها : لالا ماتضربنيش لالا بعدني
رجل خالد : سي خالد خوك يحوس عليك
خالد : كلشي يفسدو اسد يعني مازال  عايش امشيو قدامي. وانتي يا الزينة مانطولش عليك استنايني و صلحو الضو هنا نجي نصيبها
خرج رجعت الروح لخولة وقفت لسحر فكها دي لقاتها ترجف تقول غير :لالا ماتضربنيش لالا 
حضنتها : رملة مايضربكش انا جيت
سحر : لالا ماتضربنيش لالا
وقفتها بصعوبة بعثت ميساج لمالك يجي للباب الخلفي.
مالك : ربع ساعة نكون ثما
خرجت بين الشجر ومعاها سحر تسحب فيها بالسيف حتى تسمع صوت
خالد : كنتي قطة رجعتي ذيبة واش الحل معاك
خولة : سحر اهربي روحي ما تدوريش لهنا خلاص
سحر في عالم خلاف ترجف و خولة تحكي معاها
خولة : اهربي مالك راه برا روحي
خالد : نظن خلاص وقتك انتي ثاني خولة بعدي على الطفلة
خولة : اعمل لي تحب مارانيش خايفة ومارحش نخليك تمسها مرة اخرى
خالد : مرة اخرى ؟؟
خولة :روحي نحكي معاك
طبعتها حتى قدام الباب كانت رح تطيح شدها واحد. طلعها ليه
اسد : سحر
خالد بقا جامد في بلاصتو و خولة راحت تجري عند أسد
اسد : سحر شوفي معايا
سحر :بعدني ماتضربنيش لالا ماتضربنيش لالا
اسد : شكون رح يضربك
خولة  تبكي : تحكي على خالد
أسد : خالد؟؟
خالد : ماضربتهاش جبتها نعمل مالك درس برك
اسد : يا حيوان ماتترباش واش حكيت انا صباح
ماقدرش يخلي سحر بقا محضنها وهي ترجف بين يديه حتى جا مالك
مالك : سحر
سحر سمعت صوتو : مالك مالك
بعدت اسد و راحت تجري لمالك تحضن فيه
مالك : خلاص اني جيت اسس ما تخافيش
ضمها حطها في طوموبيلتو ومشا ماقال حتى كلمة، اسد بقا فاتح يديه يشوف معاهم  حتى يسمع صوت خولة تعيط
خولة : اييي بعدني بعدني
خالد : اليوم نشرب من دمك
أسد : بعدهاا
خالد بقا يسحب في خولة من شعرها حتى داخل الدار