أسد : خالد هدرتي مانعاودهاش شعرة ماتتقاس منو
خالد بمكر: وعدتك مارح نعملو حتى شي، انا نروح ارتاح خويا لعزيز
خرج و سكر الباب موراه : جامي نقرب ليه لقيك لي نقرب ليها و يتحرق هو . صونا تيليفونو
خالد : واش عملتو فيها
رجل خالد : تبعناها ودرك نبعثلك العنوان
خالد : واش تقربلو
رجل خالد : بنت خالتو و حساب مافهمت حبيبتو ثاني
خالد : اه اه اه مليح ابعث
أسد فالغرفة يتفكر واش عمل مع سحر خيالها ما فارقش عينيه كل ماتجي في بالو تجي رملة ثاني غمض عينيه ورقد
أسد : رملة حبسي وين راحة
رملة : انت قتلتني أسد علاه واش عملتلك
أسد : ماقتلتكش انا مش انا
رملة : انت قتلتني يوم سافرت وخليتني و قتلتني يوم تزوجتني و قتلتني يوم ما وثقتش فيا انت قتال يا أسد
أسد : رملة ماتروحيش استناي دوري لعندي رملة.. رملة... رملة
الممرضة : مسيو أسد مسيو أسد
ناض مخلوع شاف كابوس اول مرة تجيه رملة للحلم لكن ماقدرش يشوف وجهها بقا يلهث و يتنفس بصعوبة..
مالك حس بلي أسد مستحيل يكدب و بدا يدخلو الشك :زعما هو حب يقتلني و يبعد فالشك عليه .. لالا مستحيل هو صح بارد و قاسي لكن ماهوش مجرم... اه راسي رح ينفجر.
فاتو يومين و اسد فالمستشفى و رح يخرج لعشية و خالد حط مراقبة على سحر وين ماتروح ولا تجي عارف و يخطط للانتقام من مالك
أسد : لازمني نحكي معاها انا غلطت ولازم نطلب السماح
رفد تيليفونو وعيط ماحبتش ترفد رجع عيط وعيط حتى هزت عليه
سحر : شكون رح يقتلو اليوم
أسد : حتى واحد عيطت نحكي معاك في حاجة مهمة
سحر : عفوا ميسو أسد واش من شي يجمعنا حتى نحكيو في حاجات مهمة؟؟
أسد كل ما يسمع صوتها يحس شي غريب : سحر حبيت نعتدر منك على كل شي صدقيني ندمان غلطت ومستعرف
سحر بقات ساكتة وهو كمل الهدرة : عاقبيني كيما تحبي الا الضرب يريحك كيما مالك اضربيني سبيني ديري واش تحبي المهم سامحيني
سحر بدهشة : مالك ضربك؟
أسد : ديري واش تحبي فيا سامحيني برك
سحر قطعت الاتصال . حتى شافت مالك داخل سحبتو من يدو و داتو لبيتها
مالك : اووو بالعقل واش بيك
سحر : انت ضربت مسيو اسد
مالك بضحكة : ايه
سحر تقلقت : من نيتك حاب تباصي
مالك يضحك : علاه نباصي ولا تخافي من مسيو أسد 😂
سحر : مانخاف من حتى واحد كيفاه تضربو مادرتش حساب يشكي بيك
مالك ميل فمو 😏: راكي تحكي على صاحبي وغلط يخلص و ماتخافيش مايشكيش بيا
راح قعد فوق السرير : ونزيدلك راه ثلاث ايام فااسبيطار
سحر : ثلاث ايام قتلت السيد
مالك : خافتي عليه
سحر سكتت و رجعت قالت : لالا وعلاه نخاف عليه انت حاب تباصي وخلاص
مالك : شكون قالك ضربتو
سحر : هو
مالك : هو؟ اممم ايه واش ثاني
سحر : عيط يطلب سماح
مالك : سامحتيه
سحر : علاه نسامحو مثلا هو خدمني خدمة حياتي كان لازم نتقلق حقيقة جسمي و تقبلتها
مالك : الهدرة لي تقلقني هادي انا نروح خير
وصل لباب وقال : تحبي نزوروه خبرني راه اليوم يخرج 😂😂
سحر بقات تخمم تروح ولالا و زيد علاه راهي خايفة عليه يستهل كثر من الضرب اوووف
رجل خالد : سي خالد الطفلة راهي طالعة لسبيطار منين سي اسد
خالد فتح عينيه : لسبيطار ومع شكون
رجل خالد : مع سي مالك
خالد : اممم رح نتعرفو مالا
اسد كان بالغرفة مع عايلتو لي صدعولو راسو دارين بيه و سحر ومالك قريب يلحقوا لعندو .
سحر ماشية شافت طفلة شغل تعرفها بقات تثبت في معالمها مي ما تفكرتش وين شايفتها
سحر : مالك انت اطلع درك نجي
مالك : خير واش صرا
سحر : حتى شي شوي نلحقك
بقا مستغرب : اوك ماتطوليش
مالك طلع و سحر لحقت الطفلة و خالد كان جاي جيهتها رافد تيليفون و يشوف معاه حتى خبط فيها طاح تيليفون الارض هبط ليه
خالد : عمى يضرب ماراكيش تشوفي
سحر عينها على الطفلة برك : اسمحلي خويا
خلاتو يرفد. في تيليفونو ومشات
خالد : اييي انتي يا... واش هذا الشعب اووووف
سحر كملت مشات تبع الطفلة فجأة تلاقتها مكاش فص ملح وذاب. بقات تشوف والو
خولة يدها على فمها :رملة
بقات متخبية مور حيط تراقب فيها وهي تحوس عليها انتبهت بلي لاحقتها وقت خبطت في خالد و بقات تشوف عليها
خولة : راني نتخايل مش هي لالا لا مستحيل بصح نفس وجه رملة نفس التفاصيل حتى شعرها. افطني ماهيش هي خلاتها حتى تاهت و مشات خرجت
مالك لحق للغرفة : صباح الخير يا لعزيز الحمد لله عسلامتك
ضغط على يد أسد بالقوة كسرلو العظام لي بقات 😂
اسد: خويا مالك الله يسلمك
مالك : اه يا صاحبي شكون هذا لي عمل فيك هك باين درتهالو خشينة.
اسد يضحك : ايه
خالد : ايه شفت وليد الحرام واش عمل
مالك يشوف مع اسد.: وليد حرام ايه اه اسمحولي مانتبهتش ليكم انا مالك
اسد : هذا صاحبي مالك
علي : متشرفين يا وليدي
مالك : الله يعزك
اسد : جيت وحدك
مالك : لالا سحر اهي لتحت شوي وتطلع
أسد بدا قلبو يدق اكثر : مرحبا بيها
بقا الكل يشوف مع بعضو و يستناو في اي واحد ينطق.
علي : المهم وليدي رانا برا اي شي عيطلنا نخليوكم على راحتكم
سحر كانت تحوس على رقم الغرفة، خرج علي ومرتو و خالد وخلاو اسد و مالك حتى تفتح الباب
مالك: طولتي
سحر : هاني
أسد بقا يشوف معاها اول مرة يتمعن فيها
سحر : الحمد لله ع سلامتك مسيو اسد
اسد : الله يسلمك اقعدو
مالك : مارح نطولو جينا نقومو بالواجب برك
سحر ما قدرتش تشوف معاه تهرب عينها لكل بلاصة الا وجهو
اسد : سحر انا غلطت و نطلب السماح
سحر بقات ساكتة
اسد : غلطي كبير و نظن مالك خلص كلشي
مالك : لالا انا خلصت حقي برك
سحر رفدت عينها معاه : مسيو اسد انا مايهمينيش واش عملت و مابقاش في بالي اصلا يعني مكان لاه تظل تطلب فالسماح ( نشعة بحجم السماء ههههههه)
اسد بغصة في قلبو : انا ماننكر نيتي ماكانتش مليحة بصح انا توقعت برك ترفضي طلبي و نحس بعجزك هذا مكان .
مالك بقى يشوف مع سحر وتفكر كلامها بلي اسد عملتو خلاتها قوية اكثر : معليش ننساو الماضي و نفتحو صفحة جديدة
اسد فرح بكلام مالك و مد يدو لسحر حتى تصافحو لبداية صفحة جديدة بقات تشوف مع يدو : ماشي مشكل مسيو اسد نبداو صفحة جديدة.
ما سلمتش عليه بقات يدو ممدودة ( نشعة الثانية اقوى ههههه)
سحب يدو وتبسم : اكيد رح نبداو صفحة جديدة
سحر و مالك خرجو وهو الفرحة مش سايعتو و جات في بالو رملة مرة اخرى مافهمش علاه كل ما يشوف سحر يتفكرها رفد تيليفونو وعيط لخولة
أنت تقرأ
زواج قاصر
Ficción Generalهي كرونيك باللهجة الجزائرية تحكي عن حالة من حالات زواج القاصرات البطلة هي رملة لي تتزوج وهي قاصر و تدخل في دوامة كبيرة ، الابطال الاخرين أسد. و مالك و خولة و خالد نتمنى تعجبكم 😍😍😍😍😍