زواج قاصر

صفعة 👋

مالك برد قلبو حتى طاح أسد الارض ماهوش قادر يوقف : ما تزيدش تقرب منها و الا اقسم بالله غير نمحيك من الدنيا وننسى كامل العشرة لي كانت بيناتنا فهمت
أسد  مش قادر حتى يحكي كلمة، خلاه مالك وخرج عيط لواحد من رجال اسد : ادخل سيدك يحتاج طبيب
دخلو الحراس يجريو هزوه لسبيطار و مالك رجع لعند خالتو حتى يطمن اكثر على سحر ، دخل من غير صوت حتى لبيتها لقاها راقدة و دموع تنزل على خدها قرب منها   بدا يمسح فيهم
مالك  : أميرتي ما رح نخلي حتى انسان يقرب منك أو يأديك ما تخافيش خلاص،
غطاها وخرج رقد فالصالو ، حتى طلع صباح خرجت مريم لقاتو راقد استغربت مش عوايدو
خالة مريم: مالك نوض وليدي
مالك : اه
خالة مريم: روح ارقد في بيتي
مالك : لالا اني مليح
خالة مريم : نوض ادخل نحكي معاك
ناض و كلو نعاس مشى لبيت مريم و رقد، وهي بقات حايرة واش جابو ووقتاش دخل، فاتت لبيت سحر لقاتها راقدة، راحت توجد فالفطور قبل ما تنوض سحر للخدمة.
سحر : صباح الخبر خالتى
خالة مريم : صباح النور روحي نوضي المصفار لاخر
سحر بدهشة : شكون!؟؟؟؟
خالة مريم : شكون مثلا مالك.
سحر : مالك هنا و بات ثاني؟
خالة مريم : ايه راه في بيتي روحي
راحت ليه دقدقت والو فتحت الباب تلقاه راقد في سابع نومة .
سحر : مالك مالك
والو داخل في سبات بقات تعيط بالعقل والو قربت لعندو وهي راح  تصيح شدلها ليه
مالك: واش حاسبة روحك ذكية زعما
سحر : راك فاطن علاه مانضتش 😏
مالك يضحك  : نشوف ف الذكاء نتاع عرق الشجرة وين وصل مستواه
سحر تضحك : نوض نوض خالتي راهي تستنى
قاعدين يفطرو و كامل ساكتين و مريم تراقب فيهم
خالة مريم : واش كاين ماشي عوايدكم تسكتو
مالك : ماكان حتى شي
خالة مريم: انت من وقتاش تبات هنا
مالك : اه قوليلي هكدا ماعجبكش الحال واقيلا
خالة مريم تضرب فيه على راسو : اتربى راك كبير نتاجك راهم بولادهم
مالك حضنها : ها زوجيني مالا و  تهناي
سحر : شكون تقبل بيك 😂😂
مالك : انتي مثلا
حصلت الماكلة في حلقها و حمر وجها وبدا تكح
مالك شابع ضحك : اعطيها كاس ماء راهي تموت 😂😂😂😂
سحر : سامط المصفار
مالك : انا نروح عندي خدمة . سحر تروحي ولا مازال
سحر : ماعنديش خدمة اليوم
مالك : ايا اوك تهلاو
مالك خرج لخدمتو في وقت كان خالد سمع بواش صار مع أسد و راه فالسبيطار و جن جنونو وحب يعرف شكون ضرب أسد ، خرج لعند رجال أسد يسقسي فيهم حتى خبرو واحد منهم : سي مالك لبارح هو الوحيد لي بقا معاه و لما خرج طلب نعيطو لطبيب وراح
خالد : و شكون سي مالك هذا
احد الرجال : صاحب مسيو أسد
خالد : ايواه صاحبو جيبولي صورة ليه ووين نلقاه يدي راهي تحك فيا.
خرج طبيب من عند أسد راح خالد يجري لهيه :طبيب خبرني  ياك خير
طبيب : عندو كدمات بزاف في كامل جسمو وكسر خفيف في يدو يامات و يكون بخير
خالد : يعطيك الصحة طبيب
رفد تيليفون وخبر فاطمة وهي جمعت عايلتها وقررت تجي للمدينة. أسد غير فطن تفكر مالك و انو في خطر من عايلتو عيط لاحد الرجال يحدر
اسد بوجع : وينو خالد
احد الرجال : خرج قبل شوي مسيو  أسد
أسد : اسمعني مليح وخبر البقية واحد مايعرف شكون ضربني
الرجل بإرتباك : سي خالد عرف واش صار
أسد بالخلعة : كيفاه ايي اه اخرج برا
بقا في بلاصتو يتوجع و يخمم في حل ، تفكر سحر  بدا يقاوم حتى يوصل لتيليفونو
اسد : ابعثلي رقم سحر
بعد دقيقة لحق الرقم بدا يعيط ماهيش تريبوندي بقا يعيط مرة لسحر و مرة لمالك واحد مارد رجع عيط لخالد ثاني ماردش بقا يجرب
سحر : الو شكون معايا
أسد مش قادر يحكي من جهة الوجع ومن جهة الذنب : انا.. اسد
سحر تفاجأت : واش تحتاج عندي هاد الرقم ما تزيدش تعيط ليه
أسد : اصبري اصبري... تن تن تن
غلقت الخط و بقات تمسح حتى شافت تيليفون مالك قدامها
سحر : ايي نسا تيليفونو البهلول
شافت تلقا خمسين ابال من عند نفس الرقم لي عيطلها بيه أسد بدات تتوتر وحسك كاين شي
رجع أسد يعيط لرقم مالك رفدت عليه
سحر : مالك نسى تيليفونو
أسد : استناي مالك... مالك فخطر
سحر بالخلعة : واشبيه مالك اهدر
أسد : لازم توصلي ليه قبلهم
سحر : قبل شكون
أسد : اوصلي لمالك حدريه رح يقتلو
الكلمة الاخيرة جات عليها صاعقة طاح تيليفون من يدها : مالك مالك
رفدت صباطها وخرجت تجري عيطت للمكتب نتاعو قالولها خرج من عشر دقايق، ركبت طاكسي وراحت لدارو ، اسد بقا يعيط لخالد بصح ماردش عليه، عيط لواحد من رجالو
اسد : عيط لواحد من رجال خالد ازرب
احد رجاله : تفضل
رجل خالد : تفضل سي أسد
اسد : وينو خالد
رجل خالد : رانا قدام دار سي مالك
أسد عروق رقبتو خرجو : اعطيني....
خالد
هبط الرجل من الطوموبيل وراح لعند خالد
رجل خالد: سي اسد على الخط
خالد : خويا ياك لاباس
اسد : ارفد خماجك و امشيو من ثما
خالد : لازم يخلصها قبل مكاش لي يمس واحد من عايلة سي علي وانا عايش
أسد يضغط على سنيه : نحكي وما نعاودش كلامي ارفد خماجك واتحرك تمسو شعرة منو برك تخلصوها غالية راك خويا وتعرفني نهدر ونفد
خالد ضرب رجلو على الارض : اوك خلاص  راني جاي .
أسد رجعت ليه الروح و طمن على مالك رفد تيليفون يعيط لسحر حتى تفتحت الباب
فاطمة : اه يا وليدي واش صار فيك اه يا ناري عليك
طاحت عليه تبكي وتحضن وهو يتوجع تحتها
اسد : ايي بعدي امي وجعتيني
علي : بعدي عليه كسرتيه كثر ماراه مكسر
ناضت فاطمة من عليه : اه شكون وليد الحرام لي عمل فيك هك ووين كانو رجالك خبرنا اسمو برك
أسد : واش جابكم و شكون خبركم
علي : خالد عيط لبارح و حنا غير طلع النهار جينا
خولة : الحمد عسلامتك أسد
أسد : الله يسلمك أختي خولة فوتي
فاطمة : خبرنا شكون
علي : خليه يرتاح يا مرا واش بيك
قعدو معاه فالغرفة فاطمة تنوح و علي يسكت فيها سمعت المشفى بالكل و أسد ضاقت عليه كثر مش قادر يعيط لسحر يطمنها على مالك .
خالد بقا قدام دار مالك خايف يعملو شي يحصل مع أسد و في نفس الوقت مستحيل يفوتهالو حتى شافو حبس طوموبيلتو وهبط و حبست طاكسي ونزلت طفلة ماشافش وجهها راحت تجري تحضن فيه .
خالد : اه ... رح نرجعلو لسبيطار واحد منكم يتعب الطفلة يجيبلي كلشي عليها
مالك : واشبيك واش جابك لهنا
سحر متشبثة فيه : خفت عليك قالي رح يقتلوك
مالك مستغرب شدها من كتفها: شكون يقتلني راكي مليحة
سحر : صاحب شركة رملاسد عيطلي
مالك عينيه شعلت نار : واش يحوس ثاني هذا مايترباش
سحر : عيطلي مرات بزاف و عيطلك ثاني و لما جابوتو قالي روحي الحقي مالك و حدريه
مالك : هبل هذا ؟؟ تشوفي فيا بيا شي شوفي مليح 
سحر : مانعرف كان صوتو غريب ما يقدرش يهدر بالسيف قالي زوج كلمات
مالك تفكر بلي ضربو باين يكون فالسبيطار  بقا يخمم واش يكون صار و أسد ماهوش نتاع قوالب يعني كاين شي
سحر : وين لحقت
مالك : مستغرب برك تدخلي ولا تروحي
سحر : لالا نروح خالتي مريم وحدها هاك تيليفونك
مالك : وانا نقول وينو
سحر : المهم خليه مفتوح اي شي عيط
مالك : معليش اني نفوت لعشية لعندكم
ركبت الطاكسي ومشات و لحقتها طوموبيل رجال خالد. مالك بقا يخمم واش صار رفد تيليفون وعيط لأسد.
أسد : مالك راك بخير
مالك : انت خاطيك القوالب من وقتاش تعلمتهم
أسد : واش تقصد
مالك : واش داك تحكي مع سحر و تخليها تتقلق باطل عندك مشكل معايا احكي معايا ماتدخلهاش
أسد : ماقدرتش نوصل ليك عيطتلها و كان لازم تحدرك فالوقت المناسب
مالك : وقت مناسب؟
أسد : مالك رانا خاوة انا غلطت ونادم و تعرفني ما نظلم حتى واحد والله ماكنت عرف رح يصير هك
مالك : اطلب السماح من سحر ماشي مني
أسد : سحر..
مخلاهش يكمل كلامو : الا سامحتك هي رح نسامح انا هذا مانقدر نقولك .. تن تن.. تن
أسد :  مالك مالك
فاطمة :  مع شكون تحكي بعد عليك تيليفون ماراكش مليح
دخل خالد لغرفة : العايلة كامل هنا، شاف خولة فسد وجهو 😑
أسد : تقدرو تخلوني مع خالد دقيقة
فاطمة جات تنطق و علي منعها : ايه رح نروحو للفيلا نرتاحو امشيو
خرجو كامل بقات خالد و أسد
اسد : واش دخلك في مالك
خالد : ماشي هو وليد الحرام لي قرب منك
أسد : واش دخلك انا قولتلو اضربني
خالد بدهشة : اه لوكان خبرتني انا نضربك علاه تروح للبراني