غرام الفارس (الجزء الثانى)

الأخيرة ج 1

في منزل آسر و شهد

كان فارس يأتي ذهابا و ايابا بالغرفة شاعرا بالغضب و الغيظ بسبب فعله غرام الذي لم يكن يتوقعها ،و كانت كل من ملك و مالك يجلسان معه يحاولون تهدئته فاردف مالك : ما تهدأ يا فارس ،عيني زغللت أهدا شوية

فارس بانفعال : والله لو مش عاجبك اطلع بره ،و بعدين انتوا ايه اللى مقعدكو معايا ها ،انا مش عايز حد معايا اتفضلوا يلا

ملك و هي تنهض من على الفراش : يا فارس ،يا فارس يا حبيبي ،مالك معاه حق اقعد و اهدا شوية خلينا نفكر في حل و نشوف هنعمل ايه مع غرام و هتقنعها ازاي ،مهي اكيد مش بتعمل كده من فراغ ،هي لسه حاسه بشويه وجع من اللي عملته معاها و مفيهاش حاجه لما تهدا عليها

فارس و هو يزفر : انا مقولتش حاجه ،بس انا معنديش استعداد اعيش دقيقه كمان من غيرها ،انا بحبها يا ملك ،و كفايه اوي اللي حصل وجوزها من كريم ،ضيعتها مني مره و معنديش استعداد اضيعها تاني

كادت ملك أن تتحدث و لكن فوجئوا بالباب يفتح و يدلف منه آسر مردفا بخبث : طب و لو قولتلك علي طريقه

فارس و هو يهرول ناحيته بلهفه : قول يا بابا بسرعه الله يخليك

دلف آسر الى الغرفة مغلقا الباب خلفه و اتجه ناحية الفراش جالسا عليه واضعا قدمه فوق الأخرى مردفا بنبرة تكبر مصطنعة وهو يمد يده ناحية فارس : بوس

ضيق فارس عينيه بعدم فهم ،و كذلك مالك و ملك اللذان نظرا لبعضهما البعض بأستغراب

فاردف فارس بتهكم : ابوس ليه ان شاء الله

آسر و هو يزفر : عشان اقولك علي طريقه ،بوس ايدي يا ولد و هقولك علي طريقه جهنميه استخدمتها زمان مع امك اللي كانت معصلجه

فارس بلهفه و هو يمسك يديه : طب قول يا حاج الله يباركلك

آسر و هو يجذب يديه : ماشي هقولك عشان انت ابني بس و علي الله يطمر ،اسمع يا سيدي ابوك زمان امك لما كانت معصلجه معايا و مكنتش راضيه دخلتلها اوضتها و هددتها يا اما تقبل يا اما هفضل في اوضتها و تبقي تقبلني بقي لو عرفت تخرجني من الاوضه ،و امك ساعتها طبعا خافت لحد يشوفني في اوضتها و وافقت

اردف فارس بسخريه و تهكم : هو ده اللي انت عملته ،يا بابا الحركه دي مفقوصة و اتعملت يجي في مليون فيلم عربي و اجنبي و هندي و في الروايات كفاية بقى ،انا عاوز حاجه جديده حاجه متعملتش قبل كده

اسر و هو ينهض : تصدق انا غلطان ،فكر لوحدك بقي

ثم خرج من الغرفه فنظر فارس لملك و مالك وأردفت ملك : هتعمل ايه يا فارس ،هتعمل اللي بابا قال عليه

فارس بنفي : لا طبعا ،دي حركه قديمه اوي و مفقوصه يا ملك ،انا هفكر في حاجه جديده محدش عملها قبل كده