غرام الفارس (الجزء الثانى)

الخاتمة🌸

بعد مرور ٥ سنوات

بحديقة منزل فهد الهلالي

جلس يحيى بجانب عروسه و كانت سعادتهما لا توصف وأخيرا حصل كل منهم علي الآخر نظر يحيى لها و لملامحها التي يعشقها و حرك يديه ممسكا بيديها مقبلا لها بحب فأردفت منه بخجل : يحيى بتعمل ايه الناس بتبصلنا !!

يحيى و هو ينظر تجاهم و بعدها التفت ناظرا لها : الله مش بقيتي مراتي انتي بقي و لا ايه متخلنيش اقوم ابوسك قدامهم كلهم

لكزته منه و هي تردف : تصدق انك قليل الادب و مشفتش ساعة رباية

يحيى بصدمه و عينيه تتسع مما نطقته منه تلك الفتاة الخجولة : منة ،انتي ايه اللي جرالك ،مالك ، لسانك طول كده ليه

منه وعلي وجهها ابتسامة زائفة : مهو انت يا يحيي اللي بتخرجني عن شعوري و بعدين معاك ،انت عارف ان انا بكسف و انت مصمم تكسفني 

يحيى و ابتسامته تعود علي وجهه : طب خلاص متزعليش حقك عليا يا ستي 

نظر يحيى تجاه المعازيم فوجد والده يجلس بجانب والدته و السعاده لا تفارق وجوههم فأشار لوالده حتى يقترب منه ،في نفس الوقت انتبه فهد لابنه فنهض من مكانه مقتربا منه فهمس يحيى لأبيه : ايه يا بابا مش خلاص بقي و لا ايه انا و البت قاعدين بقالنا كتير

فهد بخبث : ايوه يعني عايز ايه يعني

يحيى بابتسامة : خلص الفرح الله يباركلك

فهد و هي يخفي ابتسامته و اردف بنبره جديه مصطنعه : اخلص ايه يا يحيي انت مجنون ،انت مش شايف المعازيم وبعدين لسه بدري

يحيى و هو ينظر لساعته بصدمه : لسه بدري ايه يا بابا دي الساعه داخله على ١٢

اقترب كل من فارس و مالك و حمزه من يحيي و هتفوا بابتسامة : في حاجه يا عريس محتاج اي حاجه احنا في الخدمه

يحيي و هو ينظر لهم بترجي : اه محتاج بصوا الله يباركلكوا خلصوا ام الليله دي انا خلاص زهقت

مالك بانعقاد حاجبيه : زهقت ،هو حد يزهق في ليلة العمر 

فنظر حمزه لاخته مردفا بصوت عالي : عريسك زهق و انتو لسه في الكوشه اومال لما تقعدوا شويه مع بعض هيعمل ايه  

نظرت منة لحمزة بغضب مردفه : حقيقي الكلام ده يا يحيى

يحيى وهو يحرك راسه بنفي : لا مش زي ما فهمتي والله

منة بتوعد : ماشي يا يحيى 

حمزة وهو يبتلع ريقه : ماشي ايه ! منك لله يا حمزه الكلب انت و مالك و فارس

فاردف فارس: يا عم انا اتكلمت انا غلطان اني سايب مراتي و عيالي و جاي اقف معاك 

يحيي بصوت خافض : روح يا خويا روح ما انت متجوز ارنبه