عشگت بنت شيوخ

<<البارت الثالث>>

قبل منبدي حطوا متابعة لحسابي
و أضافة للقصة و تصويت بضغط علىٰ نجمة⭐

#للكاتبة_سحر_الحلاوية

البارت الثالث..

زمرد : رجعنا و طريق گله رآسي يأذيني وهم يسولفون و لا يمهم شوي وكفت السيارة..

إلياس : "راح أجيب مشاوي لزمرد.. محتاجين شي؟"

الشيخ : "لابوية سلامتك"
نزل إلياس ما تأخر شوية وإجىٰ فتح الباب و حط العلاگة بحضني يبوية الريحة تخبل.. وصلنا للبيت أول مدخلت شفت سرىٰ إجتني ركض..

سرىٰ : "شلونچ؟ شلون صرتي؟ راسچ يوجعچ؟"

زمرد : "مابية شي وداعتچ جرح بسيط..بس أريد أنام"
صعدت فوگ أريد أنام راسي غدىٰ طبل بدلت و نمت و محسيت علىٰ شي بعد..

عند بيت أبو سلام
بيت بطل قصتنا..

حسين : "وخر عن وجهي عمو أريد أنطمر"

حمودي : "ماا.. بيبي تگول خل ينزل يتريگ لا أصيحله جدوو"

حسين : "ستغفراللّه... گايم گايم"
گمت سبحت و بدلت دشداشة نيلي و عگالي و شماغ و أخذت هل دبدوب حمودي شلته و نزلته وياي..طبعاً هذا أبن أخوي الچبير ميتين عليه مدبدب و أبيض يخبل فديته طالع العمه..

علياء : "صباح الخير خوية"
أختي الچبيرة مزوجة و عدها طفلين ولد عباس و بنية زهراء ..دائماً تچي يمنا تبات لأن زوجها بالجيش لما يروح تچي يمنا و لمن يرجع ترجع..لأن صعبة نخليها وحدها هي وفروخه..

حسين : "صباح الأنوار"

علياء : "خوية شكو شايله خلي يولي نزله أمه تشيله"

حسين : "لا هذا حبيب عمه خليه"

علياء : "موزين خوية يتعود..ولچ سرىٰ وينچ يلمگموعة و عايفة فرخچ علينا"

سرى : "ها..أم عباس شصاير؟"

علياء : "ماكو شي إخذي إبنچ منشتغل عندچ احنىٰ"

سرى : "يا بعد عمري تعال ماما..خو ماضوجك خوية"

حسين : "لا بس امي دازةَ يگعدني و نزلته وياي"

سرى : "مشكور خوية..أسويلك ريوك؟"

حسين : "ياريت واللّه أريد أطلع"

سرى : "صار من أعيوني خوية..دقيقة و الأكل جاهز"

حسين : دخلت للديوان لگيت أبوي و أمي گاعدين يشربون چاي صبحت عليهم و گعدت..خل أعرفكم علىٰ نفسي آني إسمي حسين عمري ٢٤ سنة مكملت دراسة ماحبها وضليت أشتغل ويا أبوي وجدي آنه أبن شيوخ..شكلي أبيض علىٰ حنطاوي عيوني سود وشعري أسود طويل و معضل شويه شخصيتي هادئ بس إذا عصبت أنگلب غير شي..أبوي أسمه صلاح ثاني وأحد بعد عمي أحمد الچبير إحنىٰ ٣ ولد و ٥ بنات راح أعرفكم بيهم سلام أخوية الچبير و مزوج بنت عمي أحمد سرىٰ عندة منها بس حمودي و بعدين تچي أختي علياء العرفتكم عليها و بعدين آني و بعدين أخوي جمال أسم علىٰ مسمىٰ عيونة عسليه وأبيض يدرس بغداد معايش و يانا و بعدين خواتي زينب مزوجة و بعدين أختي سجى مزوجة و بعدين تمارة هم مزوجة و الأخيرة هدىٰ مخطوبة طبعاً بنت بس يصير عمرها ١٥ نزوجها ..آني ممزوج بس حاط عيني علىٰ وحدة صارلي سنتين إن شاء للّه إتصير من قسمتي..