قبل منبدي حطوا متابعة لحسابي
و أضافة للقصة و تصويت بضغط علىٰ نجمة⭐#للكاتبة_سحر_الحلاوية
البارت الثامن..
زمرد : "حسين لهنا و كافي ما سمحلك بعد"
حسين : "ليش ضجتي كلمة الحق ضوج"
زمرد : "شوف حسين آني معتبرتك مثل أخوي وراح أعبر الكلام ردلي الحچل و خليني أروح"
حسين : "ما أنطي بس بيد عمي و أشوفَ يرضىٰ بنته تمشي بي بنص زلم'
زمرد : "لدخل أبوي بالموضوع بيني و بينك"
حسين : "و آني گلت لاء"
زمرد..موتني شلون يحچي..عفته و دخلت بسرعة..حرگ دمي شتغفرلله..نزعت عباتي و شال و گعدت يم نجلاء..
نجلاء : "شبيچ گالبة الخلقة"
زمرد : "ماكو شي بس راسي يأذيني"
نجلاء : "أخابرلچ حسام يچي ياخذچ"
زمرد : "ميحتاچ أروح و حدي"
كمت ودعت هدىٰ و تعذرت منها و طلعت لبست عباتي و الحجاب و طلعت من الباب الورة حتىٰ ميشوفني هل غثيث..حسين..چنت أحسب الدقائق شوكت يجي الوقت و أشوفه..أجت و عطرها ضرب بخشمي بوية أشم بي و ماشبع..منعولت الولادين حاطة گحلة محلية عيونه فوگ حلاتهن و الحلگ الأحمر شتعلوا أهلچ..علىٰ هل خلقة..و الكعب بوية صوته بأذاني يرن خذيت منها الحچل مفاد لبست هذا شلون بيها راح تجلطني..شفتها طلعت و رجليها مبينا و شعرها ركضت دخلتها و سديت باب المطبخ صحت بيه و دگلي أريد حچلي هي بالگعب سحلتني بالحچل شتسوي..ماقبلت و طبت جوة زعلانه..صحت أختي سجىٰ..
حسين : "بعد خوچ أريد خدمة صغيرة"
سجىٰ : "أمر خوية"
حسين : "جيبي بنت عمي احمد زمرد لهنا اريد أحاجيها"
سجىٰ : "هلهه أخويه واگع بالعشگ"
حسين : "سوي إلي گلته و بلا لغوة زايدة"
سجىٰ : "إي بس هي راحت"
حسين : "شنهوو..وين راحت؟"
سجىٰ : "راحت البيتهم گالت راسي يأذيني و راحت وحدها"
حسين..عفتهم و طلعت ركض هاي فاهية و البستان گلة چلابه و حشرات..شفتها گاعدة بالگاعد..خفيت مشيتي جان اشوفها تبچي ولازمة رجلها..خفت عليها حيل..گعدت گبالها و هي نصدمت بوجودي..
حسين : "تأذيچ؟"
زمرد..هزيت راسي بأي..عبالي حيصيح بيه لأن طلعت وحدي..شو شالني وآني چلبت بي لا أوگع..
"نزلني ماريد مساعدتك"
حسين : "سكتي..ما نسيت إلچ هاي طلعه و حدچ بنص ليل"
زمرد : "ليش تسوي هيچ بيه؟"
حسين : "شمسوي؟"
زمرد : "تصيح عليه..و تتأمر و تغلط حتىٰ لو ممسوية شي"
أنت تقرأ
عشگت بنت شيوخ
Romanceقصة تدور احداثها في جزء الأول عن فتاة من مجتمع عشائري و يحبها أبن عمها و يتزوجها بلأجبار وهي و أخوه يحبان بعضهما فماذا سيحدث يا ترىٰ؟.. قصة من كتابتي لا أسمح بنقل اي شيء! قصة باللهجة العراقية.. تاريخ بدايتها:١٢\٢\٢٠٢٠ إنتهاء الجزء الأول: ٥\٤\٢٠٢٠ إن...