عشگت بنت شيوخ

<<البارت السابع>>

قبل منبدي حطو متابعة لحسابي
و إضافة للقصة و تصويت بالضغط على نجمة ⭐

#للكاتبة_سحر_الحلاوية

البارت السابع..

زمرد..وصلني نزلت نزل وياي شال أساور..رحت فتح الباب دخلها لغرفتها نيمها و راح قبل ميروح باوع لبيت بنضرة غريبة..

حسين : "اوفف يزمردة مستعدة تكعدين وحدج هنا حتىٰ ماتشوفيني؟"

زمرد : "شيفيد إذا أنت َ وين ما اروح تطلعلي"

حسين : "هيج؟..لعد بعد ما شوفج وجهي"

طلع و عافني وحدي آني و أفكاري..صار ندم ياكلني أكل..معقولة آني الغلطانة..جان ملازم أحجي بهاي الحدة؟.. أوف منك يلسانيي..نمت
متأخرة لأن ضليت سهرانة و أفكر بكلامة..

الصبح كالعادة شغل تعب..بالرجعة رحت لمحل الموبايلات شتريت آيباد لأساور لأن زعلانة مني..وهي قبل هواي طالبة مني أجيبَ إلها و آني أنسىٰ..وهم أخلص بعد متاخذ مبايلي..

رجعت ركنت سيارتي يم بيت أخوي جانت سيارة أدهم بالباب..
و الباب البيت مفتوحة و صايحهم واصل لذاك الصوب.. أريد أعرف شكو..

أدهم : "ولك إذا صار شي عليها أنت َو أخوك گتلتكم علىٰ أيدي و أبو فاضل"

إلياس : "و آني شدخلني روحله هو"

أدهم : "نجب لك من البارحة تدري ليش مكتلي جنت تنتظر يعقد عليهاا"

زمرد : "كافي فضحتونا شبيكم"

أدهم : "هاي لخاطر زمرد راح اعيفك هنا بس إذا أنتَ رجال و أبن ابوك الحگني لسلف"
حجه وطلع و عيونة نار حمرة.. دخلنا جوة كعد إلياس و آني بصفة جمانة جابت إلنا مي انطيته وكعدت يمنا..نريد نفهم شصاير..

زمرد : "شصاير يخوية البارحة كاعد ويانه وضحك وشقة "

إلياس : "أخوج العار ناهي علىٰ بنت عمي جلال"

..دكيت علىٰ وجهي ..وكلت

زمرد : "ولك ياهوو منهم؟"

إلياس : "سروان و البنية منتحرة"

زمرد : "صخام صخمني..عساها بحضك وبختك يسروان..شلونها البنية هسه"

إلياس : "حالتها خطرة و بين الحياة و الموت..وكلها متحلفة لسروان"

زمرد : "شنوو ..لعد خلينا نلحكه إذا صار الها شي يذبحونه"
حضرت جنطتي و آني و أساور بسرعة..حتىٰ مبدلت بملابس شغل..
ركبت سيارتي و للبيت جدي..وياي جمانة و إلياس رايح للمستشفىٰ
وحدة بالسيارة..