عشگت بنت شيوخ

<< البارت الرابع عشر>>

قبل مبدي حطوا متابعة لحسابي
و إضافة للقصة و تصويت بضغط علىٰ نجمة⭐

#للكاتبة_سحر_الحلاوية

البارت الرابع عشر..

الأيام تمر و كلشي يتغير حسين تغير وياي بشكل غريب..صار ما يتقربلي و لا يحجي و ياي و مينام بالغرفة إلىٰ بعد ما أنام..عمتي تمشي و تذب حجي..فگرتينا موتي إبني..و من هل حجي..آني كلما أحاول أنسىٰ جمال ترجع تذكرني بي بكلامها مرات أحسه صحيح..
مات بسببي..آني لو گتله أحبك و شردنا سوة جان مصار كل هذا..
جان هو عايش وياناه..بس آني مدافعت عن مشاعري..و خسرت فرصتي..

أربعينه إقترب و كلها تحظر للروحة..آني گلبي ينعصر من أشوف صورته معلكيها بالديوان..أضل أبجي بالحمام وحدي..مرات ماحس بروحي و أجرح إيدي..سرىٰ لاحضت هذا شي..و صارت تسألني و آني تفاداها..

سرىٰ : "لچ شوفي وجهج شلون صاير أصفر و عيونج من جوة كلها سواد"

زمرد : "عيفيني الخاطر اللّٰه شتريدون مني ميكفي أخذتوا حياتي وهسه حتىٰ الحزن ممنوع"

سرىٰ : "عابتلج يعني منو منعدنا تزوجت برضاها بس الحياة متمشي هيج لازم تقدمين تنازلات"

زمرد : "حياتي؟حياتي راحت وياه..ما حتاج شي غيره"

سرىٰ : "ولج منو تقصدين؟"

زمرد : "جمال.."

سرىٰ : "عزةة بعينج يالغبرة تحبين أخو رجلج و اللّٰه لو دروا يكتلوج خلاص"

زمرد : "من شوكت حرام الحب..ليش المجتمع منطي كل الافضلية للرجل..يكدر يرفض الي متعجبه..والي يحبها ياخذها و غصب.."

سرىٰ : "نجبي لج تخبلتي أنتي نصي صوتج لحد يسمعج"

زمرد : "و آني عبالي أنتي تفهميني طلعتي مثلهم"

سرىٰ : "شبيدي عليج..هذا الكاتبة ربج إرضي بقسمتج"

زمرد..سكتت..لأن مستحيل تفهمني حطيت راسي بين رجلية و كعدت أبجي..أوف يحضي اوف شكو شي أريده يصير عكسة لشوكت لدنيا هيج ويايه و اللّٰه ممأذيه أحد..

ما مقسوم احبك وابتدي وياك
بس مكتوب دوم بحبك نعاني
ما اكلك انساني بس اكلك روح
وياك الوكت محتار خلاني
اعتب عالزمان الما جمعني وياك
... وبدرب السراب شلون مشاني
بعد كل البنيتة وبية ما ضل حيل
اجة بالحظة الزمان وهدم بنياني

كعدت صبح من غبشة..غسلت و جددت و صليت كعد حسين..راح يصلي..اخذت ملابسي بدلت و خذت عباتي و نزلت..لكيت عمتي علىٰ المصلاية عمي توه كاعد و سرىٰ جاي تبدل لحمودي خواته هم موجودات و جهالهن البيت هوسة..صبحت عليهم..و رحت وياه سرىٰ نسويلهم ريوك مدينا سفرة كعدوا تريكوا..ردت أغسل لماعين حجت سرىٰ..

"عيفيهن الفصلية تغسلهن"

زمرد : "هاا..هي وينه أصلاً؟"

سرىٰ : "آني وصيته متطلع إلىٰ لمن نطلع لأن إذا شافنها اليوم يسونها جنازة.."