عشگت بنت شيوخ

<<البارت الرابع>>

قبل منبدي حطوا متابعة لحسابي
و أضافة للقصة و تصويت بضغط علىٰ نجمة⭐

#للكاتبة_سحر_الحلاوية

البارت الرابع..

حسين...گعدت الصبح..علىٰ هوسهَ بالبيت بسرعة غسلت و بدلت و نزلت... لكيتها گابه بين أبويه وأمي

حسين : "هدىٰ شسالفة شمالهم؟"

هدىٰ : "و اللّٰه يخوي من البارحة أَبوي گال ناوي يرجع سرىٰ و أمي ما ترضى و صايرة مشكلة بينهم"

أم سلام : "إذا رجعت آني مالي گعدة بهاذه البيت فاگروا عني"

حسين : "خيركم يبوي سالفة ممستاهله"

أبو سلام : "ما عاش الي يكسر كلمتي تچي مرة تكسرها"

حسين : "ميخالف يبوي سايرها...ترها أَمي طيبة"

أبو سلام : "آني مالي كلام وياها بعد"

حسين : "ما عليك يبوي هسه وحده من خواتي تروح"
باوعت الهن آني و أَبوي چان يصفنن..

علياء : "آني لتدخلوني..مالي شغل"

حسين : "وحنا مو بعازتچ هسه هداوي تروح"

هدىٰ : "هاا..و عود شگللها؟"

حسين : "كولي ألها الخاطر حمودي و من هل سوالف يلا روحي بساع"

هدىٰ : "صار"

زمرد...گعدت صبح و حدي بالغرفة سرىٰ مو هنا كمت خذيت ملابس إلي ملابسي بيها دم من البارحه غسلت و بدلت فستان أصفر عريض
خذيت شال أبيض و حطيته علىٰ راسي ونزلت لكيت أم أحمد تشتغل بالصالة تنظف صبحت عليها رحت للمطبخ لگيت سرىٰ مشلها و تطبخ...

زمرد : "صباح الخير.."

سرىٰ : "صباح النور يعمري..شلونچ اليوم بعده الجرح يأذيچ؟"

زمرد : "أحسن من البارحة..أساعدچ؟"

سرى : "لا يعمري روحي أرتاحي معدنا شي"

زمرد : "لعد منهوو بالديوان؟"

سرى : "شيوخ كبار عدهم طلابه مثل كل مرة ويردون ابوي يصير الخير بينهم"

زمردة..ردت أحچي سمعت باب البيت أندگت و طلع سروان و چان يدخلون........

هدىٰ..مرحبا شلونكم آني هدىٰ أخت حسين الصغيرة مخطوبة...طبعاً أبن خالي و آني مراضية عليه بس مو بكيفي بعد الشور شور أبوي المرة مالها كلمة...آنا حبيتن أبن عمي سروان عشكتن عشك بس هو و لا حس عليه وأنجبرت آخذ الي ما أهوىٰ...شسوي بعد قسمة و نصيب...نرجع لما رحت لأمي..

هدىٰ : "يمااه"

أم سلام : "شرايدة"

هدىٰ : "يمه..يا حبيبتي خلي المره ترجع لرجلها و.."
بعدني مخلصت و حچت..

أم سلام : "لا بالله آني أخلي هل حيه ترجع لبيتي بعد مهانتني بي تحلم"

هدىٰ : "يمه الخاطر حمودي فاحط بچيي يريد أمه خطيه لخاطر سلام مرته و يحتاجه"