عشگت بنت شيوخ

<<البارت الأول>>

قبل منبدي حطوا متابعة لحسابي
و أضافة للقصة و تصويت بضغط علىٰ نجمة⭐

#للكاتبة_سحر_الحلاوية

البارت الأول..

بعد أن اشرقت شمس منفتحه بأنوارها علىٰ هذا العالم
لنرى جميع يهم بالبدأ بيوم جديد...وفي العراق في منزل كبير
تقيم بطلتنا...

زمرد : "گعدت گعدت أنچب"
وگمت طفيت المنبه مال مبايل.. لفيت شعري شلون مچان و خذت شال حطيته على رگبتي و طلعت للحمام... الي بطابق مالتنا
لگيت اخوي إلياس توه طالع من حمام..

زمرد : "صباح الخير"

إلياس : "صباح الأنوار"
گال..وهو ينشف بشعره وراح لغرفته..هذا إلياس أكبر أخواني هادئ وحلو بشكل أحلانه أبيض على أمي و أشگراني وطويل ...متخرج كلية هندسة و عمر ٢٩ سنة..

مهم رحت غسلت ونزلت لگيت جدتي و جدي

زمرد : "صباح الخير حبوبه..صباح الخير جدي"

الشيخه : "صباح العافيات"

الشيخ : "صباح الأنوار هله بزمردة حبيبت جده"

زمرد : "تريكتوا؟"

الشيخه : "إي..إنتوا تگعدون فايت وگت"

زمرد : "حبوبة تراها توها صارت ٨"

الشيخه : "إي..آني چنت أگعد من ٥صبح.."
قاطعته

زمرد : "اعرف حبوبة گل يوم نفسي الكلام..خل أروح أتريك أبرگلي"
عفتهم ورحت وحبوبتي أسمعها دردم ...مهم فتت للمطبخ شفت أم أحمد چاي تشتغل..

زمرد : "صباح الخير"

أم أحمد : "صباح الأنوار"
أم احمد خدامة... عدنا مرة چبيرة علىٰ گد حاله عدها٣ بنات شابات وياي بالمدرسة بعدين تعرفوهن..و أبنها الوحيد أحمد أنطاگم عمره بنفچار..وهي أرمله..حاسبينها حسبت أمي بالبيت كلش نحبه ما تطلع منه العيبه...

زمرد : خل عرفكم علىٰ نفسي آني أسمي زمرد عايشة بمجتمع عشائري ..جدي عنده ٤ ولد و ٣ بنات..جدي شيخ عشيرتنا اله صيته وسمعته بالمنطقة..تما ولده ال٤..أبوي أكبرهم 'أحمد'.. وعمي 'صلاح' الوسطاني ..و عمي 'جلال' عايش برة العراق... و عمي 'بلال' توفه بحادث سيارة هو توم عمي جلال لما مات أكثر واحد تأثر هو عمي جلال ماتحمل وطلع برة العراق..

وعمي صلاح عنده ٣ ولد و٥بنات ..
بعدين تعرفوهم..و عائلتنا متكونه من أبوي و أمي و أخوي چبير شفتوا إلياس و بعده سروان وبعده حسام.. و أحنىٰ ٤ خوات خواتي ٣زوجن و آني ضليت أدرس..خل أشرحلكم عني عمري١٧ صف خامس أدبي شاطرة.. شكلي عادي حنطاوية و عيوني جوزي طوخ وشعري اسود طويل عندي تگ غمازة بخدي وو طولي ١٦١ و مو سمينه وسط ...شخصيتي هادئَ مثل إلياس بس من النوع الي لسان طويل و عناد مهم نرجع نتريگ تعبت شگد تلغن لخاطر الله..