عشگت بنت شيوخ

<< البارت السادس عشر>>

قبل مبدي حطوا متابعة لحسابي
و إضافة للقصة و تصويت بضغط علىٰ نجمة⭐

#للكاتبة_سحر_الحلاوية

البارت السادس عشر..

حسين..جنت گاعد يم أصدقائي و أدخن..سمعت مبايلي دگ شفتَ زمرد..بسرعة رديت..عبالي تطمأن عليه..طلعت تسألني حتىٰ تروح للصالون..گلتلها آني أَوصلج..مصدكت راح أَشوفها..بسرعة أخذت سويج و طلعت..حتىٰ مگلت للشباب..أخذتها و طلعنا شغلت أغنية دوم جنت أسمعها بغيابها..هي دارت وجها علىٰ شباك..حتىٰ ما شوفها تضحك..بس غمازتها مبينة..

شگد أحب ضحكتها..من تزوجتها مشفت هل ضحكة..معقولة لهاذي الدرجة تكرهني؟..

حسين : "أريد أسألج سؤال بس جاوبين بصراحة!"

زمرد : "أممم..أسأل"

حسين : "تكرهيني؟"

زمرد..متوقعت يسأل هيج سؤال..مفروض إجابة سهلة بس صعبت عليه..ماعرف بداخلي مرات أحبَ..و مرات أكرها..إذا جاوبته لاء..عباله أحبَ..و إذا إي يمكن يصير بيه مثل..جمال!..

حسين : "لهاذي درجة صعب سؤال؟"

زمرد : "لاء..ماعندي أي مشاعر تجاهك"

حسين..وصلتها و ضليت بالسيارة أدخن و أنتظرها..شلون بينا راح نبقىٰ هيج؟..كل مشكلة بحياتي أگدر أحلها أو أجاوزها..بس زمرد لا آني الي أگدر أحلها..و لا أگدر أترگها..و آني أفكر دگ مبايلي صاحبي ..يمكن جاي يطمأن عليه لأن طلعت من دون لا أنطيهم خبر..إشتعلوا أهلج زمرد حتىٰ عقلي أخذتي..

جواد : "وين ما وين أبو شباب شو ماكو؟"

حسين : "أعتذر ياخوية..صارت لي شغلة وجان لازم أروح"

جواد : "جان گلت حجيت..شنو سالفة ياخوية خيرك خو ماكو شي؟"

حسين : "و اللّٰه ياخوية دايخ و صارتلي مشكلة ماعرف شلون أحلها"

جواد : "خير إن شاء للّٰه..سولفلي بالگت أگدر أساعدك"

حسين : "متقصر..بس مشكلة بيني وبين مرتي..تعرف بعد أنتَ أعلم"

جواد : "هاا..سهلة إن شاء للّٰه..شنو مجانت مشكلتك..اگعد وياها بمكان هادء وحدكم و احلوها..أحسن من مايدخل بيها أحد"

حسين : "إن شاء للّٰه.."
تودعنا..وطلعت زمرد..شطالعة مرتبه وجها طالعة گمر..وتريدني ماتخبل..گلت أسوي مثل مگال جواد..

حسين : "آني جوعان خلي نروح للمطعم"

زمرد : "آني ماريد..وصلني و روح وين متريد"

حسين : "لاء..نروح سوىٰ"
حركت وطلعنا لمطعم..هي گلبت خلقتها..عود زعلانه..فديت زعلان بوية..هاي تزعل هيج سحلتني..إذا ضحكت لي شيصير بحالي..رحمتك ربي..

زمرد..وصلني حسين ودخلت للصالون لكيت البنات واصلات قبلي گعدت وبدت بيه..رتبت شعري و سوتلي وجهي..ومكياج خفيف و اظافري..لأن جنت ما معتنية بيهن..وجسمي طبعاً..خلصنا و طلعت..لكيت حسين لازم جگارته و كاعد ينتظرني..صعدت..و أخذني للمطعم..آني أريد أروح للبيت أستحي أضل وياه..

دخلنا المطعم يخبل..كعدنا و حسين طلب إلنا و إن طاهم الفلوس..كعدنا ننتظر الأكل..شكلنا يضحك واحد يحاول ميباوع علىٰ لثاني..

حسين : "شوكت ناوية ترجعين؟"

زمرد : "گتلت ماريد أرجع"

حسين : "لعد ضلين يم أهلج؟"

زمرد : "أي طلگني..و آني أعيش يم أهلي و أكمل دراستي"

حسين : "گتلج طلاگ ما طلگ فهمتي"
حجيت بنترة..
زمرد : "لاء مفهمت ليش..؟؟"
حجت بهدؤء..
حسين : "لأن أحبج و ماريدج تصيرين الغيري"
كال بعصبية..
زمرد : "إلي يحب ميضرب ويكتل أبنه"
كالت بهدؤء..
حسين : "إنتِ جبرتيني"

زمرد : "عذر أقبح من فعل"

حسين : "اللهم طولج ياروح"

زمرد : "علىٰ كيفك عيني لا يصير بيك شي"
كالت بسخرية..
حسين : "شوفي هو ماعم علينا غير لسانج هذا"

زمرد..سكتنا لأن إجىٰ الأكل بدينا ناكل واحد ميباوع للثاني..شلون شايف نفسه و لا يكدر يعتذر..

حسين : "أكلي لضلين صافنة"

زمرد : "مالك شغل بيه بكيفي آكل مآكل"

حسين..مرديت لأن إذا رديت منخلص..جنت جاي أكل لاحظت الي كدامنا ولد كاعد يشرب جاي و عينة مشالها من زمرد..وهي تاكل و ممهتمه...كمت علىٰ حيلي رحت إله..لزمته من ياخته..

حسين : "تباوع علىٰ مرتي موو؟"

الولد : "إي عندك إعتراض؟"

حسين : "حرامات هذا الوجه الحلو..راح يخرب"
لزمته و صلخته بوكس علىٰ عينه وگعد بالگاع گلها تباوع علينا هو مسح دم من حلگه و گام يريد يضربني..شلته ورگعته بالگاع..و نزلت عليه ضرب..گومني عنه الناس..أباوع زمرد تباوع علينا من بعيد و ترجف أخذتها و طلعت للسيارة صعدتها وسديت الباب..وصعدت و حركت سيارة..و آني دمي فاير..

حسين : "موو گتلچ إلبسيي صخااام إرتاحيتي هسه"
كال بصايح..

زمرد..جاي آكل ماحس غير حسين كام و ضرب الولد الي كدامنا..إن لمت العالم عليهم تريد تفك حسين من الولد..شافني إخذني وصعدني بسيارة..طبعاً آني شوية و أبجي بس ما أريد أبجي كدامه..كام يصيح ضليت ساكته..شفت دم كام يطلع من خشمه..صعد ضغطه أنطيته كلينس و مسح خشمه..خفت لا يكلبنا لو هو يصير بيه جلطة و أبتلي..

وصلني لبيتنا..نزلت بسرعة نزل وراي..

حسين : "باجر أجي أخذج فتهمتي"

زمرد : "نحجي بعدين وضعك ميسمح"

حسين : "كلشي مابيه و الي كتلج عليه تسوي ماريد مشاكل فاهمه"

زمرد : "آني أسوي المشاكل لو أنتَ فشلتنا بنص العالم"

حسين : "فشلتج؟لعد تريدني اشد أگرون و خليهم يباوعون عليج"

زمرد : "مو هيج ترىٰ طوختها"

حسين : "آني أحبچ متفتهميني أريدج إلي ماتحمل غير يشوفج إنتي إلي بس"
كال و بصايح و دمعة بعينة..

زمرد..سكتت لأن خشمه كام ينزف ضغطه صعد..خفت لا يصير بيه شي..گطعت شر و عفته ودخلت..

حسين..من العصبية محسيت بس آني أشوف دم بالگاع..عيوني غوشن..سمعت واحد يصيحلي..

يتبع..💕
بنات تفاعل صاير قليل ميصر هيج ترىٰ جاي اتعب كل بارت ألف كلمة وأكثر..حطوا تصويت حتىٰ تصعد القصة..إذا بقىٰ تفاعل هيج
راح انشر كل اسبوع بارت مو كل يومية بارت!..
أحبكككم باااي💘💘..