عشگت بنت شيوخ

<< البارت الثامن عشر>>

قبل مبدي حطوا متابعة لحسابي
و إضافة للقصة و تصويت بضغط علىٰ نجمة⭐

#للكاتبة_سحر_الحلاوية

البارت الثامن عشر..

زمرد..يوم عن يوم يزيد حبي لحسين أصرت أحسَ كل عمري وحياتي
..مرات إذا يتأخر بشغل لو يتأخر علي بالرد أزعل و أبجي..صرت أخاف عليه من الهوة..حفظت كلشي يحبَ و م يحبَ أكل ملابس تصرفاته حفظتهن إذا معصب أحاول اكون هادئة و أهدي الوضع..

إذا يزعل ميطول ربع ساعة ويجي يعتذر مني..يحب كلشي أسولف أله..شسويت شحجيت شلبست..طبعاً لبس هو يختارة لأن يغار..حتىٰ
غيرته الي جنت أكرها أحسها هسه رمز حبَ إلي..شي حلو بي ميضم شي..كلشي بگلبه علىٰ لسانة..مرات تصير مشاكل بيني وبين عمتي لو حمواتي..

ماحجي إله..صرت أتفاداهن..أعرفهن ميحبني ماكو داعي أضوج نفسي و أغثه بشي ميستاهل..حوراء الفصلية..تفقت وياه مضربها..
ولايتقرب إلها..صارت مثل أختي لمن أشتري شي أجيب ألها..إذا مريضة أشتغل بمكانها..ماخليها تصير گبال عمتي حتىٰ مصير مشاكل..مرات حسين يگلي أنتِ حنينة هي ضرتج ودافعين عنها؟..

آني أبد محسبتها ضرت أشوفها مثل أختي و أكثر..أمي دائماً أروح يمها..فرحانة لفرحي..و إلياس قرر يزوج تقريباً جنت بجنة..جنت ماتمنا أطلع من الي عايشة بي حتىٰ لو حلم..حسيت دنيا بتسمت إلي أخيراً بعد تعب..وفراگ..وبعد..جنت مجهزة كلشي لعرس ألياس..

يمكن مگايلة ألكم گبل بس ألياس أعز أخواني ألي احبَ حيل يمكن لأن تفكيرة شوية نفس تفكيري..هو زوج بنت خالي..كلش حبابه وهدئة..يعني نفسه..نفس الفلم..بعد فترة موو طويلة كللش..جنت يم أمي..رجعني حسام..لمن دخلت سمعت صوت حسين يضحك ويسولف وصوت ضحك بنات..

دخلت شفته گاعد و يمه بنت خاله أسراء..ونسرين..و امهم و عمتي و علياء وهدىٰ..سلمت و صعدت لغرفتي مدري ليش ضجت..ما متعودة حسين يضحك وياه غيري..بدلت وگعدت بالغرفة أگلب بالمبايل وبالي گله يمه..معقولة مفهمني آني ضايجة..زين ليش مصعد ممشتاقلي..

افكار تكمز براسي..محاس غير حسين كاعد گدامي و يضحك..

زمرد : "شنو الي يضحك؟"

حسين : "كم مرة گتلج لتفكرين بصوت عالي"

زمرد : "هاا شنو و انتَ شعليك"

حسين : "تؤ تؤ تؤ..من انتَ شعليك فتهمت زعلانه هسه گليلي ليش الحلو زعلان"

زمرد : "عساس متعرف"

حسين : "شلون أعرف يعني أقرأ أفكار؟ شبيج زمرد احجي عدل"

زمرد : "لا عيني روح يم سراوي تحجي عدل وتضحك آني ماعرف أحجي"

حسين : "هااا..هيج سالفة ولج تغارين من بنات خاليي..جنهن أخوية سلام"

زمرد : "ما غار اصلاً شعلية"