عشگت بنت شيوخ

<<البارت الحادي عشر>>

قبل منبدي حطو متابعة لحسابي
و إضافة للقصة و تصويت بالضغط علىٰ النجمة ⭐

#للكاتبة_سحر_الحلاوية

البارت الحادي عشر...

حور..شنو أصعب شي ممكن تتخيل أن يصير بحياتك؟..مراح يكون أصعب أنك تخسر أخوك كدام عينك..و الأصعب..يزوجوج أبن كتال أخوج..فوك هذا و أكو ناس تلومني علىٰ تصرفي!..شلون أتحمل أعيش بين ناس..كتلوا أعز إنسان بحياتي..شلون أريد أفهم شلون؟

شلون أكدر أخفي هل مشاعر..يردوني ابتسم بوجهم..و آني لو أكدر اكتلهم كلهم و مايرفلي جفن..تعودت علىٰ أي شي أريده يجي إلي
تعودت محد يتجرأن يمسني.. لأن دائماً جان موجود حتىٰ يحميني..
بس راح.. راح الغالي..

منو يعوض مكان الأخ منو!!.. الأخ سند.. الأخ أب بغياب الأب.. الأخ
إلي نتحامة بيه كدم ناس..شلون إذا نفگد ؟..جنت أسولف وياه و يكلي بيوم عرسي اكعدج يمي علىٰ الكوشة..بس ملحگت أشوفه
و هو عريس..راح بساع..وخلاني وحدي..كلي آني ازفج بعرسج

كلي إذا رجلج أذاج بكلمة اخليه يعتذر وهو الممنون..وينك لعد؟
ليش خلفت وعدك..ليش رحت ؟..هينه عليك تشوفني هيج ..
هينه عليك تشوفني مذولة من براهم وينكك وين رحت وعفتني بين إلي مابيهم رحمة..

هذا هو..هذا گبره ..شفتَ من بعيد يناديني..جيتك يخوي..ليش خليتني وحدي..ليش..نزلوا من سيارة ونزلني سروان..هديت أيده ورحت للغالي..شحلو طولك ..مو حرام هل طول الحلو ينام جوة التراب .. و إلي مابيهم رحمة فوك التراب عايشين... أسمع ونين ونوح أمي.. أسمع و دموعي تجري..

"ولكك يمهه كوم وين رحت وعفتني بعدك شاب ماشفتك عريس يمهه شبيكك مستعجل علىٰ الروحة ..ولكك يبوو طول الحلو عاجبتك هاي نومة ..ولك يمه بعدك بشبابكك يمهه كوم صحبانك ينطرونك ولك يمه كوم جبت إلي تحبها وياي يمهه..وين خليتنااا ومشيتت
يبعد أمك بغيابك انهد حيلي يالغالي..حاجيني و رد عليه"

سحر : "كافي خالة مو تعذبي كومي اقريله قرآن أحسن إله"

أم أدهم : "ولج يمه تعرفين شنوو يعني ضنهه هذا أبني قطعةة مني
ولكم هذا أبني ربيت وتعبت حتىٰ أشوفَ عريس و اتنومس بيهه..راح هيج من بين اعيوني ولكم لو أني ميته بمكانه ولا أشوفَ هيج"

زمرد..كومنها البنات هدنها شوي وكامت تقرأ قرآن و دموعها صب.. الأب كاعد بعيد و متجي علىٰ العوجية ويبجي.. آني بس كاعدة و أباوع أنتظر دمعة تنزل ماكو كلبي موتني وأمه لمن تنعه تكسر الخاطر..مرتاح هيج شوف شسويت بأمك..

حطولة طوگ الورد مداير صورته و رحنىٰ..ماصدك مرة اربعينة بهل سرعة..ليش أحس كلشي جاي يصير مثل إلي صار بجمال..يمكن من القهر صرت أتخيل..بعد صار بفترة..وصلني كلام من خواتي حسين حاجي ويه أبوي حتىٰ يردني إله..و أبوي راضي..

كلولي عساس يريد يشوفني..شيريد مني آني أصلاً ماكدر أحجي..
رحت له للديوان مبيه أحد بس أنه وهو..كاعد وحاط سبحته بيده ويفرر بيها..العگال الثوب نفسهن لمن راح ويانه للمول و جنت منعجبة بيه..ضحكت بيني وبين نفسي..