عشگت بنت شيوخ

<< البارت الخامس عشر>>

قبل مبدي حطوا متابعة لحسابي
و إضافة للقصة و تصويت بضغط علىٰ نجمة⭐

#للكاتبة_سحر_الحلاوية

البارت الخامس عشر..

سرىٰ..جنت دا صعد لغرفتي جان أسمع صايح بين زمرد وحسين صعدن حمواتي و يسنطن عليهم آني أريد أفتح الباب مخلني..طلع حسين و قفل الباب وگال محد يدخللها..جان عصبي و عيونة نار صايرات..خفت علىٰ زمرد..أصيحها مترد..خفت لا صار بيها شي..

ركضت خابرت سلام..

سرىٰ : "سلام ألحگلي"

سلام : "خير شصاير"

سرىٰ : "حسين و زمرد تعاركوا..و قفل الباب و طلع و خايفة لا صار بيها شي"

سلام : "جاي هسه أنتظريني"

قفلت المبايل و ضليت گاعدة يم الباب أحجي وياها مترد...أجىٰ سلام..صاحها مردت..كسر الباب..لگيناها نايمة و دم يجري..سلام طلع دخلت آني و هدىٰ و سجىٰ..بساع لبستها ولبست و طلعنا وديناها للمستشفىٰ..اليوم صادف اليوم الي أمي گالت راح أجي اشوف زمرد بيه..خابرتها إجت للمستشفىٰ..سلام خابر حسين و عمي و أبوي..اجو كلهم بعد مدخلوها للعمليات..ضلينا بالباب واحد يباوع للثاني..طلعت طبيبة و علىٰ وجها بتسامة..

حسين..بعد مطلعت خابرني سلام گلي تعال للمستشفىٰ..مفتهمت شي عبالي أمي بيها شي رحت ركض..لزمني سلام رزايل و غلط..فتهمت زمرد هي إلي بالعملية..ضلت صافن معقولة آني زودتها..يعني راح تموت و محشوفها بعد..طلعت طبيبة..و گالت زمرد جانت حامل و سقطت..أباوع كلها تباوعلي..صحيح آني خطآن گتلت أبني..طلعوها كدامي وجها أصفر..ضليت يمها لحد مصحت..عمي مخلاني أضل خاف يصير بيها شي طلعني برة..

أبو ألياس : "شوف بوية آني مادري شصار بيناتكم بس زمرد مترجع بهاذا وضعها خليها يمنا لحد متتحسن حالتها.."

حسين : "لا عمي و اللّٰه ماكدر علىٰ فراگها خليها يمي حتىٰ لو ما أضل بالبيت"

أبو ألياس : "لا بوية خليها عندي مطول كم يوم و تعال أخذها"

حسين..مگدرت أحجي بعد..وافقت و طلعت برة مادري شسويت بحياتي ليش هيج يصير ويانه..شنو خطأت؟..أفكار جيبني و أفكار توديني..و آني أفكر آني كتلت أبني شلون راح تحبني بعد؟..حسين شسويت..بعد متحبني أكيد..

أم ألياس : "يمه لضوجين ربج يعوضج بالي أحسن"

زمرد..ضليت أبجي..شكد آني أحب الأطفال هسه راح مني بسببه..مثل مراح جمال بسببه..كرهي أله زاد أكثر..حلفت ماضل وياه أبد..و بس أفتح عمليتي أطلب طلاگ..بعد ماتحمل هل عيشة..

طلعنا آني و أمي و أبوي رجعوني وياهم للبيت..أنجبرت أمي ترجع علمودي..سرىٰ رجعت ويا سلام..حسين بعد مشفته..ضليت سبوع بالفراش و أمي داريني..سرىٰ جابتلي ملابسي و غراضي..ومبايلي وصار حسين باليل يدزلي رسايل مرات أشعار..بس ما أرد بس أشوفها..