عشگت بنت شيوخ

<< البارت العشرين>>

قبل مبدي حطوا متابعة لحسابي
و إضافة للقصة و تصويت بضغط علىٰ نجمة⭐

#للكاتبة_سحر_الحلاوية

البارت العشرين..

أساور صار عمرها سنتين..جنت عايشة أحلىٰ عيشة..بيوم صارت عزيمة بيت عيالي..نسابتهم جاين..بدلت إلي و سوسة..هذا دلعها حسين هيج يدلعها..نزلتها يم حمودي كمشها من أيدها و أخذها للحديقة و گعدوا يلعبون..حمودي حيل يحبها..ويدير باله عليها..ميخلي جهال حمواتي يضربوها..

مهم صبينا الأكل و گعدوا..سوالف و ضحك.. سوسة بالنص و آني و حسين بصفها..

علياء : "أي يخوية شوكت تجيب إلنا الولد إلي يشيل إسمك"

حسين : "بعد وكت أساور مالية عليه دنيا كلها"

أم سلام : "لا يمة آني أريد أشوف إبنك قبل لا أموت"

حسين : "عمرج طويل يمة"

زمرد..خلصوا لمينا الماعين..م گعدت و ياهم أخذت أساور و صعدت لغرفتي بدلت إلها و نيمتها..بدلت و ضليت گاعدة وحدي فوك... أفكر
بكلام عمتي و علياء..من جه كلامهن صحيح حسين يكبر م يصغر و يحتاجلة ولد يشيل أسمة..

بس هو م رايد..يمكن گال هيج حتىٰ م يزعلني..

حسين : "وين سرحان الحلو"

زمرد : "سرحان بهل وجه"

حسين : "صايرة رمانسية"

زمرد : "لعيونك كلشي أصير"

حسين : "شلون راح تخليني أعيف الزلم إلي جوة أضل يمها"

زمرد : "هههه لا كوم عيب أجهزلك الحمام"

حسين : "ياريت..لعد سوسة وينها؟"

زمرد : "نيمتها..تعبانة من لعب و يا حمودي"

حسين : "هاي مثل أمها من هي صغيرة سحلت أبن عمها"

زمرد : "عيب لك هم أطفال شعرفهم بالحب هاي سوالفك أبو دروب"
حضرت له الحمام سبح و نزل..بعد كم يوم كلت ليش ما أروح للطبيبة بالگي تشوفلي حل..

زمرد : "حسين أريدك توديني للطبيبة اليوم"

حسين : "ليش شيوجعج شبيج؟"

زمرد : "هاا..شغلة مال نسوان شعليك"

حسين : "كبرر خوفتيني..اليوم اوديج"
أخذني و عفت أساور عند سرىٰ..طبيبة فحصتني..

دكتورة : "ماما مابيج شي و كلشي تمام بس هو رزق ربج"

زمرد..نقهرت حيل طلعت لكيت حسين بالسيارة..صعدت..شافني مطنگرة..

حسين : "شبيج يعمري؟"

زمرد : "ردت أخو لسوسة بس ماكو شي"

حسين : "هنا الحجي..ايهه و منو كلج أريد بعد طفل بابا هذا رزق ربج شوكت م يجي يجي"