عشگت بنت شيوخ

<<البارت الرابع>>

قبل منبدي حطو متابعة لحسابي
و إضافة للقصة و تصويت بالضغط علىٰ النجمة⭐

#للكاتبة_سحر_الحلاوية

البارت الرابع..

زمرد..بعد كل إلي صار معقولة لسة يحبني؟..و إلىٰ شنو أفسر تصرفاته؟..بشنو جاي أفكر آني..ماصدكت نسيته..وبعدين يطلع بكل سهولة كدامي؟ شنو يريد مني ..خايفة يوصل كلام الأهلي وصير مشاكل..

أكيد هو حاقد عليه..يعني يكدر يسويها بسهولة وهو الربحان..
قاطع تفكيري رنت مبايلي..

أدهم : "مساء الخير"

زمرد : "مساء النور"

أدهم : "عندج شي باجر؟"

زمرد : "ممــ..لاء!..ليش تسأل؟"

أدهم : "شرايج نطلع سوة"

زمرد : "لساتك ما جاي تفهم هنا مو مثل أمريكا يعني ما أكدر"

أدهم : "زين نروح احنىٰ و عائلة إلياس"

زمرد : "خوش فكرة أتصل بألياس، و ردلي خبر"

أدهم : "ماشي يلا باي"

سديته و گمت سويت عشة جاي نتعشة دگ مبايلي..

أدهم : "حضري نفسج باجر نطلع"

زمرد : "ماشي لعد شنو تريدون أسويلكم باجر علىٰ الغدة"

أدهم : "ما أدري بكيفچ كلشي من أيدچ حلو"

زمرد : "أوكي..راح أسوي دولمة لعد"

أدهم : "صدك لعد اليوم ما أتعشة أنتظر الدولمة"

دردشنا شوي وسديته..ثاني يوم كعدت من صبح سويت دولمة وحبشكلات..ورتبت نفسي و أساور فرحانه لأن راح نطلع..
تفقنا نروح بسيارة إلياس..رحت البيتهم..لكيتهم جاي يجهزون..
شوي ودگ الجرس..كلت هذا أكيد أدهم وصل طلعت وفتحت الباب
.....

........................................

حور..بعد مضلينا بيت جدي تعلمت هواي شغلات صرت أعرف أطبخ شوية..وحياتهم كلش حلوة..بس طبعاً اكو النكدي إلي لازم ينكد عيشتي ..وين ما أروح شنو أسوي شنو ألبس شنو أحجي..ميعجبه

مايمر يوم إذا منتعارك..صرنا مثل توم وجيري ..بس آني جيري الصغيرون المسكين وهو توم القوي إلي يريد ياكلني..جنت متحضرة حتىٰ أطلع أشوف البستان من أجيت مطلعت لبست بنطرون وتيشرت..

جاي أفتر اوفف يربي الهوة يخبل..صوت الهدؤء يويلي..ودي أنام هنا..لحد يكعدني..حرامات مكتشفت هذا المكان من وكت..جنت مستمعتة بهدؤء وصوت العصافير وجمال و الطبيعة..سمعت صوت من بعيد..

جنت مغمضة رأستن عقچت حواجبي..ومهتميت..نوبة صار صوت أوضح..جني عرفت صاحب هذا الصوت..بلعت ريگي ودرت وجهي جان أشوفلك ثور جاي بتجاهي عيونة صايرة حمر أديه أكدر أشوف شراينه منهم منكد ما معصب حواجبة لازكات واحد بالثاني عبالك هنا هيج من شكلة يخوف..