عشگت بنت شيوخ

<<البارت الاول من جزء ثاني>>

قبل منبدي حطو متابعة لحسابي
و إضافة للقصة و تصويت بالضغط على النجمة ⭐

#للكاتبة_سحر_الحلاوية

البارت الاول من جزء ثاني..

جمانة : "كافي ماما اكعدو صرعتونا"

أساور : "أريد ماماا"

جمانة : "هسه تجي روحي لعبي ويا وليد"

زمرد..طلعت من المحكمة جان عندي جلسة نزعت روب و طلعت..
أمشي بكل هدوء لسيارتي.. ناس تباوعلي و تتبسبس علىٰ أبو شوفها شلون عايشة و سعيدة بحياتها.. محد يدري الحمل إلي شايلته.. من آني صغيرة تحملت مسؤلية طفلة وحدي.. والبنية أصعب من الولد..

جنت متعبة روحي بالشغل ما أرجع إلىٰ بوكت متأخر و أرجع ميته تعب..كل هذا حتىٰ ماحسس بنتي بنقص ماريدها تحتاج شي و تطلبة من غيري ما أريد أمد أيدي الأحد..حتىٰ شلت بيت وحدي صغير..قريب علىٰ بيت أخوي.. ما أريد أحس أني ثقل علىٰ أحد..

بيوم جنت راجعة ميتة تعب لأن جلسة طولت..و من غير تفكري بشغل البيت إلي لساتني مخلصته لأن عبالي أرجع من وكت اليوم..مبايلي صفر شحن م كدرت أتصل عليهم و أطمنهم..ماحس غير سيارة صارت كبالي.. ماعرفت شنو أسوي..رفعت أيدي و كمت أشاهد..

ضليت أنتظر شوكت انردم شنو سالفة فتحت عيني ماكو شي..
باوعت سيارة إلي رادت تدعمني طابة بالعمود مال إنارة بسرعة طفيت سيارة و طلعت ركض.. باوعت من جامة هذا ولد و مدمة صخام صخمني..فتحت الباب بسرعة ما أدري شنو أسوي اجاني ولد من ورة..كلي أساعدج خيتي..

بسرعة وافقت شالة حطة بسيارتي و آني تشكرت منه رجعت لسيارة الولد أخذت مبايلة و بسرعة حولت للمستشفىٰ.. دخلوا الطوارئ وإني واكفة أنتظر نوب جتني طبيبة..

الطبيبة : "إنتِ شتصيرين من المريض؟"

زمرد : "ما أعرفَ جان مسوي حادث وجبته"

الطبيبة : "زين مالكيتي مبايلة شي"

زمرد : "أي هذا لكيته"
انطيته إله بساع طلعت رقم أهله و خابرتهم..ضليت أنتظرهم يجون
حتى أروح..كاعدة و عيني علىٰ ساعة بنتي عايفتها هسه تفگدني..
و هسه يقلقون عليه جيف تأخرت و ما أكدر أتصل عليهم مبايلي مخلص شحن.. يالله منين تبليني بهل بلاوي..ورة ربع ساعة دخل رجل جبير و مر هم جبيرة..

جان يحجي الرجال ..

"سلام عليكم"

زمرد : "وعليكم سلام"

"شصار أنتِ منو؟"

زمرد : "آني شفت إبنكم مسوي حادث و جبتَ و أجيت"

: "مشكوره وماقصرتي"

زمرد : "واجبي..و ماعنده غير العافية من رخصتكم"

طلعت بوجهي علىٰ البيت..أول موصلت إجتني أساور تبجي..

أساور : "ماماا وين رحتي آني خفت عبالي تعيفيني مثل بابا"