عشگت بنت شيوخ

<<البارت الثالث>>

قبل منبدي حطو متابعة لحسابي
و إضافة للقصة و تصويت بالضغط على نجمة ⭐

#للكاتبة_سحر_الحلاوية

البارت الثالث..

من صدمة ضليت صافنة مدري شبيه..شوي وحسيت علىٰ روحي
درت وجهي أريد أروح..بس شفت أساور بعد هي واكفة..

زمرد : "ماما شبيج يلا فوتي جوة"

أساور : "ماما خلي أروح يم بابا"

باوعتلي بعيونها وهي تترجاني..مكدرت أرفض إلها الطلب..

زمرد : "ماشي ماما روحي بس للتأخرين آني راح أكون جوة يم خالتج أوكي؟"

هزت براسها أي وراحت ركض لأبوها..سويت روحي ممهتمة ودخلت جوة..بس صدك آني گلبي يرجف من يشوفَ..بس لازم أدوس علىٰ مشاعري مايكفي إلي سواه بيه؟..

ضلينا بالمطبخ نطبخ ونسولف جنت أسولف للبنات شلون جنت راح أموت بالحادث وبسبب أدهم ضحىٰ بنفسه علمود مايصير إلي شي..سمعت واحد يكول..

: "ما شاء اللّٰه بنات الشيخ أحمد يسوقن سيارات بغداد"

.............................

حور..جاي نشتغل و زمرد تسولف إلنا جان يدخل سروان.. آني سمعت صوتَ يحجي ويا زمرد گلبي كام يدگ بسرعة..صوتَ عالي وخشن..مو مثل هذولة الأجانب شكد م يحاولون ميوصلون لرجولة زلمنا..ضليت أسوي بالزلاطة عساس آني ممهتمة..

زمرد : "جا شعبالك لعد انطيني سنتين حتىٰ طيارة أسوق"
حجيت بتحدي و رفعت تگ حاجب..

حسام : "غير تكعد لوما أدهم جان صرتي طحين"

زمرد : "آني شعلية هو جان يمشي رون سايد"

سروان : "هو الطيارة هم بيها رون سايد"

زمرد : "أي واكو إشارات مرور بالسمة بعد"

أدهم : "شوكت تخلصون عركتكم ترىٰ ميت جوع"
حجاها وأخذ من زلاطة..

حور : "أكعد أدهم لمن نفرش السفر أكل براحتك"
ضربته بظهر السجينة علىٰ كيف علىٰ أيده..صاح علىٰ كيف وخر أيده

أدهم : "شتعلووا"

زمرد : "هاا تأذيت شو خلي أشوف؟"
لزمت أيده شفتها متعورة شوية حطيت لها معقم ولزكة..

حور : "آسفة معبالي تاذيك هيج"

أدهم : "لاءء.. أصلاً هذا أحسن شي سويتي بحياتج"

حور : "شنوو؟؟"

أدهم : "لا هيج ماكو شي"
طلع هو والولد..

.................................

حسين..صارلي شكد مشايفها؟..جنت حتىٰ من أروح أشوف أساور مترضىٰ تطلع تشوفني..ضليت أباوع زين بوجها احفظ ملامحها إلي مراحت من بالي كل هل سنين حليانة ولا مبين عليها أم..يعني حتىٰ من عافتني مرتاحة نفسياً و جسدياً..هاي هيج آني جنت عثرة بحياتها؟..