روايه تزوجت مستذئب بقلم /امل اسماعيل
(الفصل السادس عشر)
ظهر أمامه ذئب ابيض وهاجمه ووقف أمام رماح وليلى وهوا ينظر بحقد وكره الي الذئبين الأخرين ويزمجر
نظر الذئب البني الي الذئب الأبيض وقال: خليكي بعيده يا جومانه وانا مستعد انسى غلتطك واسامحك
جومانه بغضب وسخريه : عايزني ابعد واسيبك تقتله مستحيل مش هبعد ولو هموت
نظر الذئب الرمادي الي الذئب البني وقال : متحاولش معاها يا يعقوب دي مستحيل تبعد ولا انتا ناسي هي عملت ايه زمان علشان تحميه
كان رماح وليلى يستمعون الي حديثهم وهما يتعجبان فعلي ما يبدوا ان هناك علاقه بين هائولاء الذئاب ورماح
يعقوب : عندك حق يا رعد ثم نظر الي رماح وقال بحقد بس انا مستحيل اسيبه يهرب مني تاني ثم قام بالهجوم على رماح ولكن جومانا قد تصدت لهجومه وبادلته الهجوم
استغل رعد الفرصه وهجم على رماح
نهض رماح بسرعه وحمل ليلى وقفز بعيداً
قامت جومانا بأبعاد يعقوب ثما ذهبت إلى رماح وليلى وقالت : اركبوا على ضهري بسرعه
حمل رماح ليلى وقفز على ظهر جومانا
اخذتهم جومانا وهربت بعيداً ولكن يعقوب ورعد لحقوا بها ولكنها استطاعت تضليلهم واختبأت بداخل كهف
جومانا : تقدروا تنزلوا المكان هنا أمان
نزل رماح وليلى من على ظهرها وقال : امان ازاي دول هيلاقونا بسهوله من ريحتنا وصوتنا
جومانا : لأ مش هيلاقونا لأني عامله حاجز الحاجز ده مش هيخليهم يشموا ريحتنا او يسمعوا صوتنا ولا حتى يشوفونا
رماح بتعجب : حاجز ايه وعملتيه ازاي
جومانا : كل واحد فينا عنده قوه خاصه بيه وانا قوتي اني اعمل الحاجز ده
اقتربت ليلى بخوف وقالت : ممكن اعرف احنا فين وانتوا مين وليه عايزين يقتلوا رماح
جومانا : انتوا في عالم الذئاب
ليلى بصدمه : عالم ايه
جومانا : ده عالم الذئاب عالم تاني غير عالم البشر محدش عايش فيه غير الذئاب ال زينا مش زي ال في عالم البشر احنا نختلف عنهم بأننا أضخم بكتير واقوي ونمتلك زكاء خارق يفوق زكاء البشر وكمان عندنا القدره على الكلام
رماح : طب وانا انتمي للعام ده ولو انا انتمي لهنا انا ليه مش ذئب ضخم زيكم وليه عايزين يقتلوني
جومانا بحزن : دي قصه طويله
رماح : واظن ان من حقي اعرفها
جومانا : حاضر القصه دي بقالها اكتر من واحد وعشرون سنه انا كنت بجري في الغابه وبتدرب على حاجز الأخفاء الخاص بيا وكنت بتدرب عند شجرة التوت وفجأه ظهر نور قوي منها قربت علشان اعرف ايه النور ده لكن سحبني جواه ولقيت نفسي في مكان تاني فضلت ماشيه علشان ادور على اي حاجه اعرف بيها انا فين لحد ما وصلت لمدينه وهناك لقيت واحد قاعد على كرسي في الشاره ودي كانت أول مره أشوف فيها انسان مكنتش اصلاً متخيله انهم موجودين لأنهم كانوا اسطوره بالنسبالنا
رماح : وبعدين ايه ال حصل
جومانا : ال حصل بعدين
فلاش باك
ذهبت ماريه الي الرجل الجالس وقالت له : لوسمحت ممكن اعرف انا فين
الرجل : انتي في مدينه *****
جومانا بتفكير : اكيد انا في عالم تاني
كانت جومانا تسير حتي وجدت نافورة مياه فجلست ونظرت بداخلها ولكنها صدمت وفزعت عندما رائت انعكاس صورتها في الماء فقد تحولت لبشريه فأصبحت تركض وهي تشعر بالخوف والفزع ولم تنتبه لتلك السياره القادمه حتى استصدمت بها فوقعت على الأرض مغشياً عليها والدماء تسيل منها
فنزل ذلك الشخص الذي كان يقود السياره وقام بحملها واخذها الي المستشفى
بداخل المستشفى
كان يرقض وهوا يحملها بين يديه ويقول : حد يجيب نقاله بسرعه
أحضرت إحدى الممرضات نقاله ووضعها عليها واخذها الي غرفه العمليات
الممرضه : مين دي يادكتور يامن
يامن بتوتر وقلق :معرفش هي ظهرت قدام عربيتي فجأه وخبطها
الممرضه بصدمه : يعني انتا ال خبطها
يامن بخوف : قولتلك ظهرت فجأه وبطلي كلام وهاتي المعدات علشان أوقف النزيف قبل ما حلتها تبقى خطر
الممرضه بقلق : حاضر
وبعد ساعه انتهى يامن من معالجه جومانا واخرجها من غرفة العمليات ووضعها في غرفه أخرى وظل جالس بجوارها حتى استيقظت
تنهض جومانا وهي تشعر بألم وتنظر حولها وتقول : انا فين
يامن بابتسامه : الحمد لله على سلامتك يا انسه كده تخوفيني عليكي
تنظر له وتقول ببعض القلق : انتا مين
يامن بابتسامه : انا يامن ال خبط حضرت بالعربيه
جومانا بعدم فهم : عربيه ايه
بالطبع لم تكن جومانا تعلم اي شئ عن التكنولوجيا فعالمها مكان بدائي ولهذا لم تفهم ما يقوله يامن
شعر يامن بالخوف من أن يكون عقلها قد تأثر او فقدت الذاكره
يامن بخوف : ممكن اعرف انتي مين
جومانا بتعب : انا جومانا
يامن : وانتي منين يا جومانا
جومانا : انا من عالم الذئاب
يامن بصدمه : ايه ارجوك ركزي معايا شكل الخبطه أثرت على دماغك
جومانا بغضب : قصدك اني مجنونه ازاي تتجراء وتقول عني كده
حاول يامن تهدائتها وقال : انا مقصدش كده بس الكلام ال انتي بتقوليه مش منطقي
جومانا بعصبيه : هوا ايه ال مش منطقي
يامن : عالم الذئاب لأن مفيش حاجه اسمها كده
جومانا : لأ فيه العالم ده ال انا جيت منه وبعدين ما احنا كمان كنا فاكرين ان عالم البشر اسطوره ومش حقيقي لحد ماجيت هنا
يامن بتنهيده : انتي احسن حاجه تستريحي شويه وبعد كده هعملك شويه فحوصات علشان اتأكد من سلامه عقلك ثم غادر وتركها
اما جومانا فكانت تفكر فيما حدث معها وما الذي سيحدث وكيف ستعود من جديد الي عالمها وهل ستظل في هذا الجسد البشري الضعيف فلقد فقدت قوتها
بعد مرور ساعتيني جاء يامن وقام بعمل الفحوصات الازمه لجومانا ولكن الفحوصات اثبتت انها سليمه ولم يصب عقلها بأذى
يامن : الفحوصات بتقول انك كويسه يبقى ايه الكلام ال انتي بتقوليه ده بصي لو انتي هربانه من أهلك وبتقولي كده علشان مترجعيش انا ممكن اساعدك بس قولي الحقيقه
نظرت جومانا الي يامن بيأس وحزن وقالت له : انا قولتلك الحقيقه انا مش من هنا انا من عالم الذئاب حتى ده مش شكلي الحقيقي انتا بقى مش عايز تصدق انتا حر ثم نهضت وارادت المغادرة ولكن اوقفها يامن وقال : انتي رايحه فين
جومانا : هامشي اشوف طريقه ارجع بيها لعالم الذئاب
يامن بقلق : طب استني لما جرحك يطيب انتي جرحك خطير ومحتاج رعايه
ابتسمت بسخريه ونزعت الضماضه التي على رائسها وقالت : جرح زي ده ممكن يكون خطر بالنسبالكم لكن احنا الذئاب مش محتاجين اكتر من نص ساعه علشان يطيب
نظر يامن الي جرح رائسها وهوا مصدوم فلقد اختفى الجرح ولم يترك اي أثر وقال : مستحيل أختفي ازاي دا انا بنفسي ال مخيطه وده مش جرح بسيط علشان يختفي كده
جومانا بغضب : قولتلك انا مش انسانه انا ذئبه من عالم الذئاب وجرح زي ده ولا حاجه ومبيخدش وقت عندنا علشان يطيب حتى لو شكلي بقى زي البشر وفقدت قوتي بس انا لسه أقوى من البشر وجسمي يقدر يعالج جروحه هي بقت بتاخد وقت اكتر بس بتتعالج
ظل يامن مصدوم مما رائا ويفكر هل من الممكن أن يكون ما تقوله صحيح يجب أن اكتشف ذلك
يامن بتنهيده استسلام : بصي انا هصدقك وهساعدك بس بشرط
جومانا بسعاده : بجد وانا موافقه على شرطك
يرفع يامن سبابته بتحذير ويقول : اوعي تقولي لحد الكلام ال قولتهولي ده انك من عالم الذئاب والخيال ده لو حد سائلك قولي انك قربتي فاهمه
جومانه : فاهمه
يامن : والوقتي انتي ناويه تعملي ايه
جومانا : هروح عند شجرة التوت يمكن النور ال جابني هنا يرجعني تاني
يامن : طب وانتي عارفه الشجره دي فين
جومانا : ايوه عارفه
يامن : طب تعالي وانا هوصلك ليها
ثم ذهبا الي شجره التوت وظلت جومانا تلمس الشجره ولكن دون فائده فالضوء لم يظهر جلست جومانا على الأرض وأليأس قد تملكها وظلت تبكي وتقول : خلاص مش هعرف ارجع تاني وهفضل في العالم الغريب ده ال مش عارفه حاجه عنه
حاول يامن تهدائتها وقال : متخافيش وان شاء الله هلاقي طريقة ترجعي بيها ولحد اما ترجعي انا مش هسيبك وهفضل جنبك
نظرت جومانا الي يامن وقالت : وعد
يامن بابتسامه : وعد والوقتي بما أنك ملكيش حد هنا علشان تعيشي معاه ايه رائيك تيجي تعيشي معايا
جومانا : موافقه
اخذ يامن جومانا الي منزله وقد أخبرها عن عالم البشر وكيف تعيش فيه وكيف تتعامل مع البشر
تمر الأيام ومازلت جومانا ويامن يحاولون إيجاد طريقه لتعود الي عالم الذئاب ولكن دون فائدة
أصبحت جومانا تتصرف مثل البشر واصبحت فتاه رقيقه للغايه وكان يامن معجب بها وكل يوم يزداد إعجابه وتعلقه بها إلى أن قرر ان يصارحها بأعجابه بها
يامن بتوتر : جومانا
جومانا بأبتسامه : نعم
يامن بتوتر اكبر : أنا عايز اقولك حاجه
جومانا : خير
استجمع يامن شجاعته وقال : انا بحبك وعايز اتجوزك
ضحكت جومانا على طريقته وقالت : عارفه انك بتحبني وكنت مستنياك تصارحني
يامن بسعاده : أفهم من كده ايه
جومانا بأبتسامه : تفهم اني موافقه واني بحبك
قام يامن بحمل جومانا والألتفاف بها وقلبه يكاد يطير من السعاده
وبعد ايام تم زفاف يامن وجومانا
تمر الأيام وهما يعيشان في سعاده كبير واكتملت سعادتها بعد حمل جومانا وانجابها صبي رائع
جومانا بسعاده : الله شوف جميل ازاي
يامن بسعادة : عندك حق ده أجمل طفل شوفته
جومانا بأبتسامه : طب هنسميه ايه
يامن : رماح هسميه رماح
وبعد مرور شهرين توفي يامن في حادث سياره وكم حزنت جومانا ولكنها لم يكن أمامها خيار اخر غير التماسك من أجل طفلها ظلت جومانا تعيش حياه حزينه بعد وفاه يامن
وبعد مرور اربع أشهر من وفاه يامن
كانت ماريه تلاعب طفلها عندما قام رجلان بقتحام منزلها
جومانا بخوف : انتوا مين وازاي تتهجموا عليا كده
رجل ١ : انتي شكلك حبيتي العيشه هنا ونسيتينا
جومانا بتعجب : نسيتكم لحظه الريحه دي مش غريبه عليا انتوا يعقوب ورعد
يعقوب بسخريه : كنت فاكر ان العيشه هنا نستك اخواتك وأهلك
جومانا ببكاء : انتا بتقول ايه انتوا وحشتوني أوي وكنت فاكره اني مش هشوفكم تاني
رعد : وأما احنا وحشناك فضلتي هنا ليه ومرجعتيش
جومانا : حاولت ارجع ولكني فشلت
ثم قصت لهما ما حدث معها وعن يامن وزواجها به وعن ابنها رماح
يعقوب بغضب وحقد : انتي اتجننتي ازاي تتجوزي انسان وكمان تخلفي منه الطفل ده لازم يموت
قامت جومانا بضم طفلها بخوف وقالت : انتا اتجننت عايز تقتل ابني
رعد بغضب : انتي ال اتجننتي عايزانا لما نرجع نقول ايه أميره الذئاب بنت ملك الذئاب اتجوزت انسان وخلفت منه طفل وهيبقي أمير
جومانه بغضب وخوف : قول بقى كده انتوا خايفين منه لياخد العرش منكم
يعقوب بغضب : انتي مجنونه بس الطفل ده هيموت
جومانه بغضب وحقد : مستحيل ثم بدائت بالصراخ وفي غضون ثواني كان جيرانها تجمعوا ودخلوا المنزل ليروا ما الذي يحدث معها
انتهزت جومانا الفرصه وأخذت رماح وذهبت الي إحدى الملاجئ التي كانت قد سمعت عن مديرته انها أمرائه حنونه وتعشق الأطفال وقامت بوضعه أمام الباب ووضعت معه رساله مكتوب عليها ( أعتنوا بطفلي رجائاً) ووضعت اسمه في أخر الرساله ثم رنت جرس الباب واختبأت حتى لا يراها أحد وبعد أن قامت إحدى العاملات بأخذه غادرت وهي تشعر بحزن كبير وكأن قلبها نزع منها وبعد أن ابتعدت عن الملجاء وجددت يعقوب ورعد أمامها
يعقوب بغضب : ألطفل فين
جومانا بحقد وبكاء : مستحيل اقولك هوا فين
رعد : احنا نرجعها لعالم الذئاب وبعد كده نرجع ندور على الطفل
ثم قاموا بأعادتها الي عالم الذئاب وحاولا العوده الى عالم البشر من جديد للبحث عن رماح ولكن البوابه لم تفتح
رعد : البوابه مبتفتحش ليه
يعقوب بغضب وسخريه : شكلها مش بتفتح غير وهيا هناك في عالم البشر
رعد : طب والحل
يعقوب بخبث : احنا نسيبها وهي اكيد هتضعف وترجع هناك تاني علشان تدور عليه وساعتها احنا هنروح وراها ونخلص عليه
كانت جومانا تستمع الي حديثهم والدموع تنزل على وجهها مثل الشلال ولكنها أقسمت أن لاتضعف وان لا تدع احد يؤذي طفلها ولو كان الثمن هوا ان تعيش بدونه
انتهى الفلاش باك
نظر رماح الي جومانا بصدمه وحزن وقال بغضب : عايزه تقوليلي انك امي ال اتخلت عني
جومانه ببكاء وحزن : انا متخلتش عنك انا كنت بتعزب وانتا بعيد بس مكنش قدامي حل تاني علشان أحميك
الفصل خلص قولولي توقعاتكم ايه ومتنسوش التفاعل وقولولي رائيكم فيها علشان اكمل
أنت تقرأ
تزوجت مستذئب (كاملة)
Werewolfتخيلي ان تجبري على الزواج من شخص لا تعرفينه ولا يسمح لكي بي رؤيته الأبعد ان يتم الزواج وهنا تكون المفاجأة وتكتشفي انه ليس انسان بل مستذئب فما الذي سوف يحدث هذا ما سوف تعرفونه في روايتي الخياليه المليئه بي الرومانسية والأكشن والمغامره
