تزوجت مستذئب (كاملة)

روايه تزوجت مستذئب بقلم /امل اسماعيل (الفصل السابع عشر والأخير)

روايه تزوجت مستذئب بقلم /امل اسماعيل
(الفصل السابع عشر والأخير )
جومانا ببكاء وحزن :انا متخلتش عنك انا كنت بتعذب وانتا بعيد بس مكنش قدامي حل تاني علشان أحميك
رماح بسخريه :تحميني بس متقوليش تحميني انتي سبتيني ومفكرتيش فيا مفكرتيش ايه هيكون مصيري لو الناس عرفت حقيقتي لولا ماما وبابا كان زماني ميت بعد اما حقيقتي انكشفت وعرفوا ان أنا مستذئب
جومانا بصدمه : مستحيل عرفوا ازاي
رماح بسخريه وغضب : وهوا ايه ال عرفوا ازي عرفوا لأن انا اتحولت قدمهم
جومانا : ده مستحيل لأن طول ما أحنا في عالم البشر بيبقى شكلنا زيهم مبنعرفش نتحول لشكل الذئاب وكمان بنفقد قوتنا مبيفضلش غير جزء صغير منها علشان كده انا كنت مطمنه عليك
رماح بحزن وغضب : بس انا مش زيكم ولا حتى زيهم ثم اكمل ببكاء انا عباره عن مسخ مرفوض من البشر مكروه من الذئاب كنت فاكر اني لما ألاقيكم مش هحس اني مختلف او مرفوض وهلاقي حد زيي ويتقبلني بس للأسف اكتشفت اني حتى هنا لسه زي منا مسخ محدش متقبل وجوده
قامت ليلى بضمه وهي تبكي وتقول : متقولش كده انتا مش مسخ انتا رماح وبعدين انا بحبك وعيزاك وكمان ماما إسعاد وعموا طارق بيحبوك وعيزينك يبقى ازاي محدش متقبل وجودك ولا احنا مش كفايه
قاطعها جومانا وهي تقول بنبره حنونه وصادقه : وانا كمان بحبك وعيزاك اه لو تعرف انا كنت بتمنى اني اشوفك واعيش معاك اد ايه كنت بقعد اتخيل حياتي معاك ثم انفجرت في البكاء وقالت كنت بتخيل شكلك بقى عامل ازاي وافكر فيك واقول ياترى هوا بيعمل ايه الوقتي كتير كنت بضعف واجي عند الشجره علشان افتح البوابه واجيلك بس خوفي عليك كان بيمنعني
التمس رماح الصدق في كلامها وضعف أمام دموعها ورق قلبه لها فكرر مساحتها وقام بضمها وهوا يبكي ويقول : مع ان ماما إسعاد عمرها مخلتني احس اني مش ابنها او اني وحيد بس دايماً كنت بفكر فيك واتخيل شكلك وكانت امنيتي اني اشوفك واعيش معاك كنت حابب اجرب إحساس الأمومه منك
كانت جومانا تبكي وهي تقول : أسفه أني كنت ضعيفه
كانت ليلى تنظر لهما بسعاده وهي تبكي
بعد القليل من الوقت هدائوا وبدائوا يتحدثون
رماح بقلق : هوا احنا هنفضل مستخبيين هنا كتير
جومانا : اكيد لأ
رماح : افهم من كده انك عندك خطه تخرجنا من المشكله دي
جومانا بقلق وخوف : عندي خطه بس فيها مجازفة كبيره
رماح بقلق : وايه هيا
جومانا : كهف الظلام
رماح بعدم فهم : وهوا ايه كهف الظلام ده
جومانا : كهف الظلام ده عباره عن كهف موجود في جبل الذئاب والكهف ده هوا ال بيحدد مين هيبقى ملك الذئاب القادم
ليلى بستغراب : ازاي يعني كهف هوا ال بيحدد مين الملك
جومانا : انا هقولك لما الملك يقرر انه معتش عنده القدره على الحكم ويتنازل عن التاج بيختفي من على راسه وبيروح كهف الظلام وفي الوقت ده بتبداء المنافسه بين نسل الملك بيدخلوا كهف الظلام وبداخل الكهف بتبداء اختبارات علشان يتحدد مين ال هيبقى الملك والفايز بيخرج من الكهف والتاج على راسه اما باقي المشاركين  منهم ال بيخرج منهم ال بيفضل سجين داخل الكهف
رماح : طب وتفتكري ان هما هيوفقوا اني أشارك معاهم
جومانا : انا هجبرهم
رماح : ازاي هتجبريهم
جومانا : لأن انا من نسل الملك وانتا ابني يعني بردوا من النسل وغير كده انا هتنازال عن مكاني في الأختبار ليك وبكده محدش هيقدر يعترض او حتى يرفض
رماح : طب والمنافسه على الحكم هتبداء امتى
جومانا : كمان يومين
رماح : طب وانتي مستنيه ايه يلا نروح ونقولهم ان انا هشارك
جومانا : لأ مش الوقتي لأن الملك مش موجود الوقتي هنروح بكره يكون جه
رماح : حاضر
نظرت ليلى بتوتر وخوف الي جومانا وقالت : هوا انا ممكن اطلب منك طلب
جومانا بأبتسامه : طبعاً اتفضلي
ليلى بتوتر : هوا انتي ممكن تتحولي لأنسان اصل شكلك ده بيوترني
جومانا بضحك : قصدك بيخوفك بس انا اسفه انا مش بعرف اتحول لأنسان
ليلى بأستغراب : بس انتي قولتي انك لما كنتي في عالم البشر كان شكلك زي البشر
جومانا : أفهمك احنا لما بنكون في عالم البشر بنبقي شكلهم ومش بنعرف نتحول لذئاب وقوتنا بتضعف جداً ولما بنكون في علم الذئاب مبنعرفش نتحول لشكل البشر
ليلى بدهشه : طب اشمعنا رماح بيقدر يتحول لمستذئب وقت ما يحب ويرجع انسان وقت ما يحب سواء كان في عالم البشر او عالم الذئاب
جومانه : اظن ده بسبب ان رماح مش ذئب كامل أو انسان كامل هوا هجين مبين النوعين علشان كده بيقدر يتحول للشكل ال هوا عايزه وقت ما يحب
ليلى : اه فهمت وأعتقد أن ابني هيبقى كده
جومانا بصدمه : ايه ابنك هيبقى كده لحظه واحده انا نسيت أسئالكم انتي مين وبتعملي ايه معاه وجيتوا هنا ازاي
رماح بتنهيده تعب : اقولك دي تبقي مراتي اما جينا هنا ازاي دي حكايه طويله
قام رماح بقص ما حدث معه منذ أن تركته عند الملجاء الي ان قبض عليه سعد وأشرف للمره الثانيه واستضامهم بشجره التوت الذي احضرهم الي هنا
كان الحزن يمزق قلب جومانا بعد أن علمت بمعانات رماح نظرت اليه بحزن وقالت : اوعدك أن كل حاجه هتبقى كويسه
في عالم البشر
في صباح اليوم التالي
نهض طارق واتصل بالطبيب الذي يشرف على حاله إسعاد وقال له : ممكن اعرف حاله إسعاد عامله ايه
الطبيب : هي بقت كويسه وتقدر تخرج من المستشفى من بكره لو تحب
طارق بسعاده : بجد شكراً بكره هاجي اخدها ثم أغلق الخط وقام بلأتصال باإسعاد وقال لها انها سوف تخرج من المستشفى وانه سوف يأتي في الغد من أجل إعادتها الي المنزل ثم نزل الي الأسفل فوجد أحمد وشاهين وسامي وفوزي جالسون فذهب أليهم وقال : انتوا لسه قاعدين ده مش وقت راحه لازم نقوم نشتغل علشان نعرف رماح وليلى راحوا فين ونرجهم
سامي بسعاده : هوا ده طارق ال انا اعرفه قوي ومفيش حاجه تقدر تكسره او تخليه يستسلم
طارق بحزن : ده مش وقت الأستسلام انا لازم الاقي طريقه اعرف بيها ابني ومراته فين وارجعهم
شاهين بأبتسامه : واحنا معاك لحد اما نلاقيه
فوزي بسعاده ونصر : وانا جايبلك خبر حلو
طارق : وايه هوا
فوزي بسعاده : سعد وأشرف ويافع ورفيع اتعرضوا على النيابه النهارده الصبح واتحكم عليهم با لأعدام
طارق بسعاده ودهشه : انتا بتتكلم بجد
فوزي : ايوه طبعاً انا لسه جاي من المحكمه الوقتي
طارق بسعاده : يبقى كده معتش غير اننا نثبت ان رماح مش خطر وناخد موافقه من المحكمه انه يعيش معانا
أحمد بغرور : سيب دي عليا معاد جلسه القضيه بتاعتنا بكره وان شاء الله هثبت فيها ان رماح مش خطر وهجيب موافقه انه يعيش معانا
طارق بسعاده : شكراً ليكم والوقتي لازم نروح علشان نعرف رماح اختفى ازاي
استمروا بالبحث عن طريقه تمكنهم من معرفه ما حدث ولكنهم فشلوا
في اليوم التالي
ذهب احمد إلى المحكمه و ذهب طارق إلى إسعاد واحضرها
ولكن عندما عادت ولم تجدت رماح وليلى ووجدت أصدقاء طارق شعرت بالخوف الشديد ونظرت الي طارق بخوف وقالت : ممكن اعرف ايه ال حصل
نظر طارق إليها بحزن وقص عليها ماحدث وأيضاً أخبرها بأختفائهم
إسعاد بصدمه وبكاء : انتا اكيد بتهزر انتا عايز تقولي أن ابني اختفى ومش عارف راح فين
حاول طارق تهدئتها وقال لها : اوعدك أن انا هرجعه لا يمكن اسيبه وده وعد
إسعاد بحزن وخوف وألم : طب افرض انه لقى عيلته ورفض يرجع معاك ثم اكملت بنهيار واختار انه يفضل معاهم
قام طارق بضمها وقال : يبقى ساعتها نحترم قراره
انفجرت إسعاد في البكاء وقالت بقهر : بس انا مقدرش اعيش من غيره
قاطع كلامهم دخول أحمد وهوا يبتسم ويقول : الف مبروك ليكم أخيراً جبت موافقه على بقاء رماح معانا بعد ما اثبت انه مش خطر
إسعاد ببكاء : وهوا فين رماح
قال طارق بحنان وهوا يمسح دموعها : هيرجع اوعدك هيرجع
شاهين : متخافيش احنا لا يمكن نستسلم غير لما يرجع
في عالم الذئاب
اخذت جومانا رماح وليلى وذهبت الي قصر الملك
عندما دخلت جومانا أراد يعقوب ورعد مهاجمتها ولكن اوقفهم الملك وقال : سيبوها
قامت جومانا بألقاء التحيه وقالت : تحياتي سمو الملك
الملك ببعض الغضب : ممكن اعرف ايه ال انا سمعته ده
جومانا : انا عارفه اني غلطت لما اتجوزت انسان بس انا مكنتش اعرف اني ممكن ارجع هنا تاني وخلاص ال حصل لايمكن يتصلح بس ابني ذنبه ايه يتحمل غلتطي كفايه ال شافه ثم قصت عليه ماحصل مع رماح
الملك بتنهيده : انا كملك للذئاب مش لازم استخدم العاطفه بس في نفس الوقت مقدرش أظلم رماح وخاصه انه ابنك يعني شئنا ام أبينا هوا أمير علشان كده  أنا هستمع لقتراحك لأن أكيد عندك حل المشكله دي ولا أيه
جومانا بثقه : أيوه عندي كهف الظلام رماح يشترك في منافسه كهف الظلام
يعقوب بصدمه وغضب : ايه مستحيل بقا انتي عايزه المسخ ده يبقى ملك الزئاب
جومانا بغضب : متقولش مسخ وبعدين ده ابني يعني من النسل الملكي ومن حقه يشترك
كاد يعقوب أن يجيبها ولكن اوقفه الملك وقال : أنا موافق انه يشارك ولو فاز ده معناه انه يستحق انه يبقى الملك ويعيش معانا لكن لو فشل وخرج من الكهف يبقى دي نهايته مش بس هوا ثم أشار علي ليلي وقال ونهايتها هي كمان هديكم وقت لبكره تكونوا قررتم
جومانا بخوف : طب لو رفضنا
الملك بشر : يبقى نهايتهم هتبقى بكره
جومانا بخوف وحزن : ليه الظلم ده
الملك : علشان الكلام ال انتي قولتيه على البشر وال كانوا عايزين يعملوه فيه وانا لا يمكن اخاطر انهم يكتشفوا وجودنا
ثم ذهب
نظر يعقوب إلى رماح وقال بتشفي : وقتك في الدنيا خلص ثم ذهب
ذهبت جومانا ورماح وليلى الي الجناح الخاص بها
ليلى بخوف وتوتر : وبعدين هنعمل ايه ده هيموتنا
حاول رماح تهدئتها رغم الخوف الذي سيطر على قلبه وقال : متخافيش مستحيل اسمح لحد انه يأذيك
جومانا بتوتر : رماح انتا لازم تفوز بأي طريقه
رماح بتوتر وقلق : بس لو المنافسه دي هتعتمد على القوه أنا أضعف منهم بكتير
جومانا : لأ معتقدش أنها بتعتمد على القوه دي بتعتمد على الجوهر على ال جواك كل ال مطلوب منك انك تفضل رماح مهما حصل متسمحش لحد انه يضللك وانا اضمن ليك الفوز
رماح بخوف : شكلها هتبقى أصعب مما اتخيل
في اليوم التالي
ذهبت جومانا ورماح وليلى للملك وأخبره بموافقه رماح
الملك : يبقى اتفقنا بكره هتبداء المنافسه
في عالم البشر
كان الحزن والخوف يعتصر قلب إسعاد وتتمنى ولو تراه مره أخرى كي تضمه وتخبره كم تحبه
ثم ذهبت إلي شجرة التوت
كان طارق واصدقائه عند الشجره يحاولون فتح البوابه عندما وصلت إسعاد
إسعاد بحزن ويأس : ها في جديد
حاول طارق بث بعض ألأمل في قلبها وقال : لأ لسه بس هنفتحها قريب
إسعاد بتنهيده ألم وحزن : طيب
ثم جلست وهي تنظر إلى الشجره بحزن وتفكر في رماح وتشعر ان نقلبها سوف ينفجر حاولت كثيراً ان تسيطر على مشاعرها ولكنها فشلت
ثم نهضت ووقفت أمام الشجره وهي تبكي بحرقه وتقول : رماااااااح ليليييييييي ثم اقتربت من الشجره واصبحت تضربها بيدها وتقول بيأس وبكاء : أرجوك رجعيهم تاني أنا مقدرش اعيش من غيرهم عايزه اشوفهم ولو لأخر مره ثم انهارت وفقدت الوعي
أخذها طارق الي المنزل واعطاها بعض المهدائات
في عالم الذئاب
في اليوم التالي
ذهب الجميع إلى كهف الظلام ودخل رماح ويعقوب ورعد الكهف وما ان دخلوا حتى أصبح المكان مظلم ولم يشعروا يأي احد اخر وكأن كل شخص ذهب إلى عالم لا يوجد به أحد غيره
عند يعقوب
ظهر ذئب ضخم مخيف وقال له : ايه ال عندك ومش عند غيرك يخليك تصلح للحكم
يعقوب بغرور : القوه انا أقوى منهم كلهم
الذئب الضخم : يبقى واجهني واثبتلي انك الأقوى
يعقوب بشر : انتا ال طلبت ثم هجم على الذئب ولكن الذئب تفادي ضربته وسدد له ضربه قويه استمر القتال بينهم مده طويله كان يعقوب يحاول ان يسدد ولو ضربه واحده للذئب ولكنه فشل وانتهى به الحال مهزوماً وسجين داخل الكهف
الذئب الضخم : انتا خسرت وطلعت  متستحقش الحكم ولا انك تخرج حتى من الكهف علشان كده هتفضل باقي عمرك محبوس هنا
عند رعد
ظهر له ثعلب صغير وقال له : ايه ال بيميزك عن غيرك علشان تبقى ملك
رعد : الذكاء انا اذكي مخلوق على وجه الأرض
الثعلب : طب انا هختبر ذكائك عن طريق المتاهه دي لو قدرت تخرج منها هتبقى ملك لو خسرت هتفضل سجين ليها
رعد بعدم فهم : متاهة ايه
الثعلب : ال انتا واقف فيها
نظر رغد حوله فوجد الظلام قد اختفى وحل مكانه جدران عاليه للغايه لا يستطيع أن يرا أخرها
نظر رعد إلى الثعلب بغرور وقال : أنا رعد ازكى مخلوق على وجه الأرض متاها زي دي حلها مش هيكون صعب
الثعلب بخبث : في فرق كبير بين الذكاء والخبث والمتاها دي هتعرفنا اذا كنت ذكي ولا خبيث ثم ذهب
وظل رعد يركض وهوا يحاول إيجاد حل للمتاها ولكن دون فائدة وتوقف عندما شعر باليأس والشديد والتعب
عند رماح
ظهر له طيف يشبه وهوا متحول
نظر رماح للطيف وقال : انتا مين
الطيف بسخريه : أنا حقيقتك الشريره حقيقتك المرفوضه والمكروها ال محدش متقبلها
رماح بحزن : انتا بتقول ا ايه انا مش شرير وكمان في ناس بتحبني
الطيف بسخريه : انتا بتضحك على نفسك بصلي كويس تفتكر في حد ممكن يحب مسخ ذيك دول بيضحكوا عليك
رماح بغضب : بس انا مش انتا وبعدين ايه ال يخليهم يضحكوا عليا
الطيف بخبث : لأ انا انتا انا حقيقتك ال انتا بتحاول تتجاهلها وال الكل عارفها وبيخاف منها علشان كده بيضحكوا عليك و بيدعوا حبك علشان خايفين لتئذيهم
وضع رماح يده على أذنه وقال بصراخ : لأ انتا كذاب
الطيف : انا مش كذاب دي الحقيقه انتا مجرد مسخ منبوذ ولا بتنتمي للبشر ولا بتنتمي للذئاب ملكش مكان علشان كده انتا بتكرهم وبتتمني تقتلهم كلهم
رماح بغضب : اسكت خالص انا مستحيل افكر أئذى حد انا بحبهم علشان انا بنتمي ليهم هما التنين انا مش مسخ او منبوذ انا مختلف واختلافي ده بيميزني وبدل ما يكون عندي عالم بقى عندي عالمين
الطيف بشر : يمكن يكون عندك عالمين بس التنين بيكرهوك
رماح : بكره يحبوني
الطيف بسخريه : وهيحبوك على أيه انتا فاكر نفسك مين علشان يحبوك
رماح بغضب : رماااااااح انا رماح وبكره اثبتلهم اني استحق انهم يحبوني
الطيف : وليه تتعب نفسك تعالى معايا واحنا نضمرهم كلهم ونجبرهم يتقبلوك
رماح بحزن : انا مستحيل أئزي حد وأن مكنوش هيتقبلوني بحب وبرضاهم يبقى مش عايزهم في حياتي
الطيف : انتا ليه بتعمل كده ليه يهمك محبتهم ليه خايف عليهم مع أن هما عمرهم مخافوا عليك وكان كل همهم انهم يضمروك
رماح بحزن : علشان كده انا مش عايز حد يتعذب زي منا اتعذبت صدقني احساس الظلم وحش ان الناس تظلمك علشان حاجه انتا لملكش ذنب فيها وأنك يتحكم عليك بالرفض من غير متاخد فرصه تثبت فيها انك تستحق الوجود احساس صعب اوي علشان كده انا لايمكن أخلي حد يحس بنفس احساسي ثم مد يده وقال بأبتسامه صدقني العالم محتاج حب مش كره كفايه كره وحقد وتعالي معايا نزرع الحب علشان نحصد حب
تحول الطيف الي فتاه جميله ونظرت إلى رماح بأبتسامه وقالت : انتا عندك حق العالم محتاج حب مش كره ثم وضعت على رائسه تاج وقالت : ودي مهمتك انك تزرع الحب والخير والأمل واتمنا انك تنجح فيها ومهما حصل تفضل زي ما انتا رماح وخليك فاكر ان اختلافك سبب تميزك
ثم اختفت وظهر ضوء من وسط الظلام
ركض رماح بتجاه الضوء حتى خرج من الظلام ووجد أمامه ليلى وجومانا وملك الذئاب وجميع الذئاب
ما أن رائته ليلى حتي ذهبت أليه وضمته وقامت بتقبيله
ذهبت اليه جومانا وقالت : كنت عارفه أنك هتنجح
الملك السابق : تحياتي لك سمو الملك ثم نظر إلى باقي الذئاب وقال : تحيه للملك
قام الجميع بتحيته وأنحنوا احتراماً له
تمر الأيام والشهور وتلد ليلى طفل جميل يشبه والده وأسمته (يامن) وكم كانوا سعداء بهذا الطفل ولكن فرحتهم لم تكتمل بسبب بعدهم عن إسعاد وطارق فقد حاولوا كثيراً فتح البوابه ولكن فشلوا
في عالم البشر
كانت إسعاد وطارق يجلسان أمام شجرت التوت فبعد فشلهم في فتح البوابه اصبحا يأتيان يومياً ويجلسان أمام الشجره على أمل أن يخرج رماح وليلى منها
وبينما هما يجلسان ويتحدثان أمامها ظهر منها ضوء قوي ولكن هذا الضوء تشكل على هيئه باب مفتوح وأظهر ما في الجانب الأخر وكان ليلى ورماح يقفون في الجانب الأخر  ثم عبرا البوابه ووقفا امام إسعاد وطارق
كانت إسعاد وطارق مصدومين مما حدث ولا يصدقان أنفسهم فأخيراً قد عاد رماح وليلى
قامت إسعاد بضم رماح بقوه وكأنها تريد أن تخبأه بداخلها حتى لا يستطيع أن يفرقهم احد ثم تركته وقامت بضم ليلى
وكذلك فعل طارق وقام بضمهم
ثم جلسوا يتحدثون واخبرهم رماح بكل ما حدث معه وأنه أصبح ملك عالم الذئاب وأنهم رزقوا بمولود اسمياه يامن
فرحت إسعاد وطارق كثيراً
طارق بسعاده : طب هوا فين حبيب جدوا اما اشوفه
ليلى : هوا في عالم الذئاب
إسعاد بحزن وخوف : وانتوا سبتوه هناك ليه
رماح بتوتر :  احنا جايين ناخدكوا علشان تعيشوا معانا في عالم الذئاب قولتوا ايه
إسعاد بحزن : انا زمان سيبت الدنيا كلها وجيت عشت معاك في الغابه علشان مكنش عندي غيرك ثم نظرت الي طارق وقالت : بس الوقتي الوضع اختلف ومبقتش انتا بس ال في حياتي وانا مقدرش أجي على حد علشان التاني
نظر أليها طارق بحنان وقال : وانا معنديش حد غيركم والمكان ال هتعيشوا فيه انا كمان هعيش فيه
رماح بسعاده : يعني هتعيشوا معايا في عالم الذئاب
طارق بأبتسامه : ايوه اذا كان ده يسعدك
رماح بسعاده : يسعدني اوي
ثم عادوا جميعاً الي عالم الذئاب وتعرفوا على جومانا وابن رماح يامن وعاشوا في سعاده وحب
(لا تحكم على الأخرين من شكلهم او من ما تسمعه عنهم بل أحكم عليهم من طريقه تعاملهم معك ومن ما تراه منهم وتذكر ان معرفه الناس كنوز فأذا كان كنزك من ذهب فحافظ عليه ولو بحياتك)
الروايه خلصت اتمنا تكون عجبتكم واستفدتوا منها ولو استفدتوا قولولي ايه ال استفدتوه