البارت الرابع
#لو_كان_لي_قلبان 🥀 بقلم الكاتبه ڤينوس ٱرام
بنتم وبنا فما ابتلتْ جوانحُنا …
شوقاً إليكم ولا جفتْ مآقينا...
تكادُ حينَ تناجيكم ضمائرُنا…
يقضي علينا الأسى لولا تأسينا...
إنَّ الزمانَ الذي ما زالَ يُضحكنا …
أُنساً بقربكم قد عادَ يبكينا...
لا تحسبوا نأيكم عنَّا يُغيرنا…
إذْ طالما غيَّر النأيُ المحبِّينا.
واللهِ ما طلبتْ أرواحنا بدلاً …
منكم ولا انصرفتْ عنكم أمانينا.
#ابن_زيدون
نتاشا* وصلنه للبيت ونزلنه كلنة..
دك هشام هورن السيارة..واجة بابا وفتحلنه الباب دخلت ولكيتهم كاعدين عمو اياد وخاله ام هشام ..
و وياهم مرة غريبه اول مرة اشوفهه.. بقيت مستغربه اباوع علئ بابا بالنضرات واسأله منو هاي المرة ؟
وشوكت اجتي هنا؟..
ضحكلي وغمزلي بعينه يعني ادخلي وبعدين الحجي..
سلمت عليهم وضليت واكفه.. اباوع لهاي المرة منو هاي وشجابهه هنا ؟
اجو ورايه هشام وروؤئ ..
هشام* شنو هاي ..خالة حوراء؟ شجابج لهنا
حوراء* هسه علئ الاقل سلم وبعدين اسأل
هشام* يابه هلو.. شجابج هنا؟
ام هشام* اني جبتهه..
روؤئ* وشعدهه خاله حوراء هنا؟ يعنيـ
ام هشام* لا يعني ولا شي ..شنو تحقيق شبيكم جانت قريبه منا وخابرتني ؤ.أ..جبتهه واجيت
هشام* شنو هاي.. اشو الشغله مدتخل عقلي..
ام هشام* وعساهه لادخلت يمة..
اياد*اهوو اشتغل التحقيق .. يلة خويه هيثم احنه اتأخرنه بين مانوصل حوراء لبيتهم وبين منرجع طريق يصير طويل
..وها انتضر ردك مو تشتلنه..
هيثم* هسه الله كريم علئ هالموضوع
اياد* يلة بابا اصعدو السيارة الوكت اتاخر
ام هشام* هيثم لاتنسئ حجينه ننتضر منك خبر مو تغلس وتعلسنه
هيثم* وهم الله كريم..
نتاشا* الوضع مدري شلونه ابد ماعاجبني هاي الاسمهه حوراء مدري شلون تباوع لبابا.. ماصدكت طلعو رأسا سألتة .. بابا منو هاي ؟
هيثم* ارتاحي ونحجي بعدين ليش مستعجله
نتاشا* اني مرتاهه بس اريد ائرف منو هاي شنو ساير اهجيلي بابا
هيثم* عمي والله احجيلج كلشي قابل راح اطير....بس قبلهه امشي غيري ملابسج وسويلنه عشئ لان واكــع من الجـــوع ..
نتاشا* اضاهر كلامهم جوئك
هيثم* وج امشي عـــاد حتئ احجيلج
