لو كان لي قلبان

البارت الثاني والثلاثون

البارت الثاني والثلاثون

#لو_كان_لي_قلبان🥀بقلم الكاتبة ڤينوس آرام

#نتاشا تذكر امهه

اي مشتاقلك..
شكد توجعني واحجيهه

وبس توصل لهاتي
                   واختنك بيهه

والزمها واخاف الوادم يسمعون
          اسد شفتي وتصير بعيني وابجيه

🥀

نتاشا ـ مر علئ رجعونة 5 ايام
اندكت الباب وكت العصرية
بابا وروسيل كانو بالغرفة

وارون وماشا بغرفتهم..
نزلت شفت منو بالباب
مامبين احد
طلعت للكراج
وفتحت الباب
انصدمت
بأم هشام وحوراء واميرة
تلاثتهم سوية واكفات..

ضليت واكفة ولازمة الباب بيدي مصدومة منهم ..
الف فكرة اجتي براسي
اكيد ناويات علئ شي موزين

اميرة ـ اشو نسطرتي شبيج.. ؟
شنو اشفتي كدامج سعالو… 
شو دوخـــري خلي نــــفوت..

كــــلــــــــــووشــــش
هلـــهلن يحبايب ساعدني
هذا عرس اخوية التحفة
الماعرف ينطينة خبر ولا كللنة راح اتزوج
سافر واتزوج بالبوكة مثل عرس الحرامية…  كلللووووش

نتاشا ـ عمة عفية لاتعلين صوتج جيرانة بيت جواد عدهم وفاة ..

ـ وطــز شسويلهم
عرف ولف..
هذا عرس ابيج
ثوم وطش بالولاية

ام هشام ـ ههه والله الثوم بي فوائد بس هاي شنو بيهه

نتاشا ـ ضليت واكفة ماعرف شسوي شلون اتصرف  اتمنيت بابا يطلع ويواجهم بس يمكن نايم

اميرة ـ ردن ورايه يحبيبات

فصوص ثوم يا گفاهة
وين مشمورة لكاهة
ولجــــــــن احــــــــجن
ليـــش ساكتات
اخونة خوش اخو
يستاهل العيطة

فصوص ثوم ياگفاهة
وين مشمورة لكاهة

ـ عزة صرت بنص هدومي
من هلاهلهن ومن هالاغاني الي يغننهه
صارت روسيل فصوص ثوم
خرب بالحظ..

شوكت يطلعلهن بابا ويعلمهن اوادمهن
دخلن للبيت وكعدن ع القنفات وشايلات بيدهن علاليك سودة ..

ام هشام ـ كلاص مي يمة ..
لو ماعدكم مي

ـ ليش ماعدنة
هسه اجيبلكم
رحت اركض لغرفة بابا
دكيت الباب ..فتحتهه روسيل ...

ـ نعم حبيبتي

ـ ارجوكي قولي لابي عمتي اميرة وزوجة عمي هنا ومعهم ضيف ثالث

ـ ضريف جدا
كنت اود التعرف علئ عائلتكم

ـ راح تكرهين الساعه الجيتي بيهه للعراق

ـ لم افهم

ـ مو يمج الموضوع حبيبتي..
وينك بابا يمعود

هيثم ـ خير توش شنو هالهوسة البرة