البارت الرابع والثلاثون
#لو_كان_لي_قلبان🥀بقلم الكاتبة ڤينوس آرام
#هشام يكول
ناعوري عكس الناس يفتر حرت بيه"
من كاعي ياخذ ماي للشط يوديه"..
نتاشا ــ نزلت ركض للمطبخ
فتحت الباب شفت البومات ماما وصورهه وهداياهه
وحتئ ملابس خاصه بماما
كان محتفظ بيهة..
كلهن ذبهن بالمنقلة وحركهن
والهدايا ديكسر بيهن ..
استغربت من تصرفة ..
طول هالوقت
وهو حريص عليهن
ابد ميفرط بيهن
ومحافظ عليهن
شنو الخلاه يتغير ..
اباوع عليه ومستغربة من تصرفه
كأنو ديتخلص منهن
وينفس عن حقد بداخلة....
مكدرت اسكت راسا سألته....
بابا شبيك ليش صاير عصبي
ـ منو كلج عصبي ؟
ـ زين شنو صار
ـ ماصار شي
ـ شلون ماصار شي
وانت دتحرك غراض تاتيانا
ـ وشنو الغريب بالموضوع
ـ طريقه كلامك وردودك
اغرب من تصرفاتك..
ـ عادي بنتي ليش مستغربة
جنت محتفظ بهالاغراض
بسبب الفراغ العاطفي العندي ..
اما اليوم ماعدت محتاجهن ..
ـ ما اصدك
معقولة بابا هيج يفكر . .
ماكدر اصدك ديتخلص من كل اغراض وهدايا وصور تاتيانا ..
اخذ البوم الصور وحركهن ويطلع وجبات ويحركهن… عنده هواي صور لوحدهه ماخذلهيا بابا بقازان..
رد رجع علئ صور عرسهم.. لابسة بدلة العرس ويتمشون بشوارع موسكو شالهن كلهن وذبهن بنص النار… كلبي كلش انعصر مادري ليش
مد ايدة علئ البوم عائلي بي صورنة تلاثتنه اني وهية وبابا..
اخذ صورة من الصور
وراد يكص صورتهه ركضت عليه وخليت ايدي علئ الصور
الله يخليك بابا لا تحركهن
خليلي شي للذكرئ
يذكرني بطفولتي يخليني احس اني طبيعية عندي امي واب الله يخليك لاتحركهن..
ـ ماريد احركهن اريد اكص صورتهه
ـ ابوس ايدك لا الله يخليك لخاطري
ـ اوك ..
اخذي التريدي من الصور وتركي الباقي
ـ زين ليش دتحركهن
ـ تاخذين الصور لو اكصهن..
ـ راسا جريت الالبوم وضميته بيدي ..
وصرت ادور بباقي الصور
ـ مو من حقج باقي الصور ..
اخذتي التريدي..
فـ ابتعدي هسه
ـ كعدت يمة اراقب شديسووي ..
اخذ الصور البقية وحركهن
وصور عمو ستيف وعائلته واحنه وياهم مجتمعين باعياد ميلاد او مطعم او نزهات عادية ..
اخذ بابا المكص وصار يكص صورة تاتيانا ويشمرهه بالنار .. الصور صارت مشوهه اما من النص او من ااطراف مكصوصة…
بابا اترك هاي الصور.. هاي عائلية ليش تتلفهه
