البارت الخامس
#لو_كان_لي_قلبان 🥀بقلم الكاتبه ڤينوس ٱرام
هي...اجمل صباح اليوم وبعمري بس هاي
شلت الغطه وفزيت لن عيني بهواي.
هو.... ويا يــوم افــز والگـاك متــوسد ايــدي
ولـو صــدك صــارت هــاي صدكنــي عيــدي
نتاشا* وبيوم جنت انضف الحديقه واغسل الطرمه لابسه تراك اسود وبي وردة ذهبيه علئ الصدر ولامه شعري بكماشه ونازلة خصل الكذله علئ عيوني
وعركانه وتعبانه من حر الشمس بس المي حلو يسوي واهس للتنضيف ..
اندكت الباب وكلت هاي اكيد خاله ام حسام ..
رحت فتحت الباب ولازمه الصوندة بأيد والمكنسه بالايد الثانيه تركت الباب مفتوحه ورجعت ما باوعت منو بالباب رحت ارجع المكنسه بمكانهه امشي واحجي ويه خاله كلــتله
تعالي دخلي خاله قابل غريبه انتي ....
استغربت اشو مترد شنو القصه
التفتــت….وانصدمت صــدمة عمري
الاســمرانـي كـدامــي واكـف
ارتبكت ورفعت ايدي اريد اعدل شعري والصوندة بيدي بللتني من فوك ليجوة فزيت وشمرتهه وراحت تركض علئ الاسمراني وسبحته من فوك ليجوة بالمي مثل حالي..
عـــزة بعيني شهالثول يا الله شكد عيب شسويت بالولد ..ضل يباوع عليه ويباوع علئ ملابسه ويضحك
مي الصوندة كلش قوي لان مباشر من الماطور بنطلونه صار فلم هندي ينكت نكت بالمي ..
خرب شهالفشله.. رحت اركض ع سويج بلك الماطور اريد اطفي وصاح عليه بصوت عالي
جواد* ويـــن يمعــودة انتي مبلله شدسووين
نتاشا* يمة شنو هالصوت الرجولي دخيلك ربي..عفت كلشي و وكفت مسطورة من صوته هاي اول مرة اسمعة ..دفع الباب كلهة وجر الصوندة وخلاهه تشمر المي بالشارع..
جواد* جيبي الماسحه وطفي السويج بلك .. وانتبهي فدوة لا تلزمج الكهرباء
نتاشا* من كلامه انسطرت اكثر اريد اتحرك احس رجليه خدرن ولزكن بالكاع حتئ ما احس بيهن ..
الماطور مكانه ورة الباب الخارجيه والسويج بلك (الدكمه) فوكاه..
يعني لازم امشي خطوتين ..بس شلون راح امشي واني ما احس برجلية..
دنك راسه ورف عينه وكلي اضاهر راح تبقين صافنه ...
يابه اني اطفي …
التفت الاسمراني يمنه ويسرة شاف ماكو احد
..دخل ع السريع وبسويج سيارته طفه الماطور.. ورد رجع ركض لمكانه
...ما ادري يجوز دة احلم ..اذا حلم ماريد اصحئ منة ياربي لاتصحيني منه ..
لا ولج والله هذا واكف كدامي بشحمه ولحمه
..يربي هذا شجابه هنا
زين اني ليش هيج مسطورة ..
خرب حظي شنو راح يحجي علية…
ضليت اباوع عليه وعلئ هيبته وطوله الفارع
اسمراني لون بشرته تجنن
عيونه كحيله
ورموشه سود كثيفه
وحاجبه عبالك هلال ومقوسه وثخينه.. لحيته وشواربه وسط
كلش انيق ووسيم
وانوب اشعه الشمس ضاربة علئ عيونه
وصاير لونهن عسلي فاتح وكوة فاتحهن ..
نضرته حادة..
