البارت الخامس عشر
لو_كان_لي_قلبان 🥀 بقلم الكاتبه ڤينوس ٱرام
اعتب اعله الروح جي لنها اعله ريحتكم
حنينه
واعتب اعله الشوك والعشره اوسوالفهه
الحزينه
عفيه خوة هالوكت بيها اليجافي اشوكح
عينه
🥀
نتاشا ـ كلتله مدشوف احد ما ادري .. كلي انتضري هنا اني اطلع ..
ضليت اباوع من الشباك راح بابا وفتح الباب..
طلعت وراه وكفت اباب المدخل والصدمة المجنت متوقعتهه
امـــيـرة وايــــاد واكفــين بالبــاب
جمدت بمكاني ..
اميرة هنا
يعني اكو مصيبة
او راح تصير مصيبة
ظل بابا واكف بالباب ومادخلهم
تركت مكاني ورحت وكفت وراه
ماعرف ليش كلش خفت عليه من شفتهم
اتقربت اكثر حتئ اسمعهم شيحجون
ـ مو كلت ماريد احد منكم يوصلي
عدكم شي دزو هشام ميكدر يجي يتصل
بس انتو لا اريد اشوفكم ولا اسمع صوتكم
اميرة ـ قابل ميتين علئ شوفتك
اياد ـ موهيج الحجي سكتي
ـ ولا اني ميت علئ شوفتكم..
احجو خير شجابكم ؟
ـ ادري بيك خوية زعلان من ذيـــ
ـ رجاءا اختصر كلامك ولاتفتح دفاتر قديمة
اميرة ـ و هي هاي الاصول
توكف اخوتك ع الباب..
اشو انت وية الغربة ماسويتهه
اتسويهه وية اخوتك
ـ لان الغربة ماسوو سواياتكم
ـ ابو نتاشا مترهم نحجي بالشارع
ـ اني حلفت انتو الاثنين متدخلون البيتي عدكم شي احجو هنا وخلصوني
ـ عادي اكسر الحلف وصوم
واذا متكدر ادفــع كفارة فلـــوس
ـ لا ناوي اصوم ولا ادفع كفارة
والعندة شي يحجي هنا بالباب عجبه اهلا وسهلا
ماعجبه الله وياه
ـ شبيج اميرة شنو هاللسان الفالت اني مو نبهتج قبل لانجي تضبين لسانج
ـ تحجون لو اسد الباب
ـ دحجي عاد يا اياد وفضهه لو تريدني اني احجي
ـ والله ما اعرف شكلك بسـ ....
ـ احجو يمعودين صاير شي شبيكم فهموني
ـ يابة دروح فتيت كلبي
اسمعني اريد ابيع حصتي من بيت اهلي ولكيت شراي
ـ تبيعين حصتج شنو ؟
ليش تبيعيهه ؟
ـ شنو ليش
حصتي واريد ابيعهه
شتريد ابقيهه الكم
ـ بس هذا بيت ابونه شلون تبيعين حصتج
ـ لا والله
ستوني دريت هذا بيت ابوية
والله مشكور
