البارت الخامس والاربعون
#لو_كان_لي_قلبان🥀بقلم الكاتبة ڤينوس آرام
انعم الله اعله الوكف
والماوكف بالضيج
هن ايام يكضن والقصص تبقى ..
#عريان_السيد_خلف
نتاشا ـ شفتهه تريد تضربني خفت منهه راسا ارتميت بحضن هشام وهو صد ايدهه بايده
هشام ـ ارتمت بحضني وشبكتني بقوة.. من خوفهه راسهه صار علئ جرح كتفي
..انصدمت من تصرفهه
ومحسيت بالالم بالبداية
وراهه رجعت لوعيي وكلتلهه ..اخ
ـ صرخ اخ ..لو سجين ونغرزت بنص بكلبي .. اتذكرت بابا من ضربوه
وسمعتة يصرخ من الالم اخ ..
راسا وخرت عنة... اذييـــتك
ـ اتمنيتهه متوخر عني
شجاني وكلت اخ
مكدرت شوي اتحمل…
ﻻ ﻻتخافين مبية شي
اميرة ـ ولك تمد ايدك عليـــــــه
اليوووم اني اعلمك اوااادمك
هشام ـ مامديت ايدي عليج
بس صديت ضربتج الهه
ـ اضربهه واكســـــر راسهه هـــــم
انت معليــــــــك بيهه
ـ وبأي حق تضربيهه بصفتج منوو اصلاا
ـ عمتــــهه وعمتــــك اني
ولك شلوون هيج تحجي وياية
ـ لاتطلعين بطولاتج براسهه ام صلااح
ـ هاااااا ام صلااااح ؟
متكلي عــــــمة
لاااااا اني اتصل علئ ابووك
واشوووفة يقبل علئ سوالفك …
صلاح ـ انت ليش تصيح علئ ماما
هشام ـ انجــــب لــــك
امشي ولي منا يلة
يلة وخر
ـ اوي هاي شبيك بس تصيح شدعوة
اميرة ـ ليش تصيح علئ وليدي
ـ الله يحفضهه الج
طلعيهه من المشكلة خاف تتعقج ومتتحمل كتل
ـ اريد اشووووف منو يمد ايدة علئ صلااح والله اكلة اكل بسنوني
ـ ليش تتعاركين بمكانة ؟..
لان تعرفين بي ممحسوب علئ الزلم
لو بي خير يدافع عن نفسة
نتاشا ـ اميرة تصيح وتعيط وهشام يجاوبهه بهدوء… التفتت عليه..
وكلتله
هشام انت وعدتني تحميني
ومتخليهم يضربوني مو
ـ ازين شاربي اذا مدو ايدهم عليج .. وكلام الله
كلهم اشمرررهم بالسجن
وماكول اهلي بعد
لج بابا لاتخافين اني ويااج
ـ كلامة طمني ..
ضليت متمسكة بأيدة اخاف افلتهه ويطلع حلم ..
واخيرا اكو شخص يدافع عني بين هالوحوش...
اميرة ـ الـــوو ايــــااااد
ولك الحكك انت ومرتك تعااالو
هســـــة تجووون
تعالو شوفوو ابنكم شسووة هسةةة تعوفون عزاااكم وتجوووني ركض
يريد يسجنكم
يسجن ابووو وامة
ولكم تعاااال بسرعه
تعال شووف تربات ايددك
انت ومررتك ..
تعال نشوف صرفة وية ابنك ...
انتضررك لا تتاخرر....
تعاي ولج نور جيبيلي كلاص مي ..
هسةة يجي ابوك ويشوف شغلةة وياك هسة يجي
