البارت الحادي والاربعون
#لو_كان_لي_قلبان🥀بقلم الكاتبة ڤينوس آرام
هذا الموت
جسر للا نهايه
عليه كلنه انفوت
هاجس يبتدينه بلحظة التكوين
ويرافكنه العمر من غير ضجه وصوت
على جف المنايه مشرغدين انام
ونلهث على الدنيه ونبني بيها ابيوت
ونتعافه ونذم بالخلك هذا وذاك
وعلى غفله وزرك جدامنه التابوت
#عريان السيد خلف
نتاشا ـ صارت بـ12 ونص الضهر
اجتي سيارة بابا وسيارة عمي منير وراهم ..
وكفت يم الشباك
مكدرت اتحرك من مكاني
طلعو بنات عمتي اميرة يركضون وفتحو الباب الهم ..
شفت اميرة نزلت من بداية الكراج ورفعت ايدهه وصاحت
اميرة ـ يبــــــــــــــــــوووو ولكم رااااح اخـــويـــــــة
ـ بقيت واكفة بمكاني وفاتحة عيوني اشوفهه تكمز وتعيط وتصرخ
ياخوية يا يابة راح الزين ..
جسمي ثكل ورجلي نملت
ماريد اصدك الاسمعه
مستحيل صدك هالحجي
اكيد كذب
كمت اتنهدت وابجي بحركة ..
طلعت روسيل تركض وتسال
عن سبب الصياح..
غصيت بالبجي ومعرفت شحجيلهه
عافتني و طلعت ركض للكراج
جبرت نفسي اتحرك واطلع وراهه.. خطواتي ثكيلة وكوة اشيل رجلي
روسيل تسال هذا وذاك مثل المجنونه عن سبب العياط..
تريد جواب ومحد يعرف يجاوبهه
اياد واكف يم باب السايق..
لاف ايدة وحاطهه علئ السيارة
وضام راسه ويبجي…
تركت كلشي وركضت عليه
ولزمته من كتفه وخضيته ..
منو يكول هذا بـابـا
شلون اتاكدتــــــو
مو تكولون وجهه ممبيييــــين
لعد ليـــش..
ليششش دتصيحون وتعيطون
ليش تتفاولون علئ بابـــــا هيــــج
فهموووني شصايــــر
اياد ـ هو بنتي
هو ابوج والله
ـ ﻻﻻ ماصدك
لااااااااا
خلونــــــي اشووفه
اخذونــــــي اشووفه
اني اعرفة واطلعه من بين الف
مستحيل هذااا بابا
احساسي يكلي مو باباااااا
اياد ـ والله هو ابوج
صح وجهه متاذي وممبينة ملامحة
بس دورة وجهه وشعرة ..
والاهم شفت جسمة مـــ
ـ يحجي وياية وماكدر يكمل كلامة وغص بالبجي..
تخبلت.. كمت اصيح واعيط
الجوارين التمو من
صياحنة اني واميرة واجو يركضون
ماصدك ماااصدك
ولك باباااااااا
ماصدك متت
يكولون متت
مستحيل اصدك
اني انتضرك
والله راح انتضرك
شـوف راح اكعد هنا
وانتضرك تمر عليه
تضحكلي وتبوسني
وتكلي بنيتي جيتج بعد هالغيبة
